Aisaia 26:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Nguibar nguazim girezir kaba, gumazir onganaraziba ko gumazamizir gavgaviba puvatɨziba, datɨrɨghɨn iza uan suebar me dɨkabɨra me gisɨn arui.

Aisaia 26:6 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 16:20

Dughiar bar otevimɨn, Godɨn navir amɨrizim ko dabirabir aghuarim anɨdim, a Satanɨn gavgavim gasɨghasɨghɨva ian amamangatɨghtɨ, ia Satan dɨkaraghtɨma, a ian dagaribar apengan ikiam. En Ekiam Krais Iesusɨn apangkuvim ia ko ikɨ.

Luk Osirizir Akar Aghuim 10:19

Ezɨ kɨ gavgavim ia ganigha gɨfa, eghtɨ ia kuruziba ko tuighakabagh isɨn daruva da dɨkɨva, egh uan apanibar gavgavim a gɨvagham. Eghtɨ me bizir kuratam ia damuan iburagham.

Josua 10:24

Me atrivir kaba inigha a bagha ghuzɨ, a Israelian gumaziba bar men diagha me akufa. Egha gumazir dapanir an gɨn ghueziba, a kamaghɨn me mɨgei, “Ia kagh izɨva uan dagariba isɨ atrivir kabar tuebar arɨkigh.” Ezɨ me a mɨkemezɨ moghɨn ami.

Akar Mogomem 2:26

“Gumazamizir mɨdorozim gamua apaniba abɨriba, nan arazibar gɨn mangɨtɨ, biziba bar gɨvaghamin dughiam otoghtɨ, kɨ gumazamizir kaba, kantriba bar dar gumazamizir dapanibar ikiamin gavgavim isɨ me danɨngam.

Jems 2:5

Nan adarasi, ia oragh. Nguazimɨn itir gumazamizibar damazibar itir gumazamizir onganaraziba, gumazamizir kaba God me amɨsevegha ghaze, me nɨghnɨzir gavgavimɨn arazimɨn iti. A fomɨra gumazamizir bar a gifongeziba bagha akam akɨra ghaze, a bar me gativagh men ganam. Kamaghɨn a gumazamizir onganarazir kaba mɨsevegha ghaze, me God Bizibagh Ativamin Dughiamɨn aven ikiam.

1 Korin 1:26

Nan adarasi, ia dughiar God ian diazim gɨnɨghnɨgh. Ian avɨriba faragha, nguazir kamɨn itir gumazamizibar damazimɨn, fofozir gumazamizibar mɨn ikezir puvatɨ. Ezɨ ian avɨriba, gavgaviba puvatɨ. Ian avɨriba, anabar ziar ekiaba itibar otivizir puvatɨ.

Malakai 4:3

Kɨ Ikiavɨra Itir Godɨn Gavgaviba Bar itim ghaze, bizir kabar amuamin dughiamɨn, ia gumazir kurar kaba ia tuzir siribar mɨn me dɨkabɨn me abɨnigham.

Sefanaia 3:11

“Nan gumazamiziba, ia guizbangɨra nan akam batoke. Eghtɨ kɨ bizir kabar amutɨ da otivamin dughiamɨn, ian tongɨn itir gumazir uari fa akaba batoziba, kɨ bar me batuegham. Eghtɨ ia Jerusalemɨn ikiam, kar nan mɨghsɨam, egh ia ifaghatɨ ua nan akaba batoghan kogham. Kamaghɨn amizɨ, ia uamategh Jerusalemɨn izeghɨva, nɨ ua uan arazir kurabagh nɨghnɨgh aghumsɨghan markɨ.

Daniel 7:27

Egh Godɨn Bar Pɨn Itim, a nguazimɨn atriviba bar dar gavgaviba isɨ uan gumazamizibar anɨngam. Eghtɨ me atrivibar ikɨ mamaghɨra ikiam. Eghtɨ kantriba bar Godɨn gumazamizibar apengan ikɨva, egh ingarɨva men akaba baragham.”

Jeremaia 50:45

Ia deraghvɨra kuaribar arigh, bizir kɨ Babilonɨn kantri damuasa nɨghnɨziba baragh! Kɨ uaghan gumazamiziba ko boriba sara bar me batuegham, mati laion sipsipba, bar me mɨsuegha, dar kuaba amɨkɨrvagha zui. Ezɨ Babilonɨn kantri uabɨ, kɨ damuamin bizim bagh dɨgavir kuram damigham.

Aisaia 60:14

Egha fomɨra paza nɨ gamua bar nɨ gifongezir puvatɨzir darasi, men ovavir boriba uan dapaniba avigh nɨ bagh izɨ, nɨn apengan ikiam. Egh me nɨn suemɨn boroghɨn, uan teviba apɨrigh, nɨn ziam fam. Egh me kamaghɨn nɨ dɨponam, ‘Ikiavɨra Itir Godɨn Nguibar Ekiam’ ko, ‘Saion, Israelɨn Godɨn Bar Zuezimɨn Nguibar Ekiam.’

Aisaia 37:25

Egha nɨ pura tintinibar aruir dughiabar, nɨ damamin dɨpatam gasazir puvatɨ. Dɨpaba bar dakezir dughiamɨn, nɨ kuizir mozir dɨpaba, da bar moghɨra izefe, ezɨ nɨn adarazi da api. Egh nɨ mangɨ Isipɨn Faner ekiabar arutɨ, nɨn sueba dɨpar kabar amutɨ da mɨsɨngam.

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Aisaia 3:15

Tina ia mɨkemezɨma, ia nan gumazamizibagh asɨghasɨsi, a? Ia gumazir biziba puvatɨziba paza me gami, mati me gumazim isa, nguazim mɨkɨnigha an dapanim dɨkaragha nguazim gisɨn a rɨghɨrɨsi. Kɨ Ekiam, kɨ Ikiavɨra Itir Godɨn Gavgaviba Bar Itim, kɨ guizbangɨra ia mɨgei, ia bar arazir kuram gami.”

Akar Mogomem 3:9

Ia Satanɨn adarazigh fo, me kamaghɨn mɨgɨa ghaze, me Judan adarasi. Egha me Judan adarazi puvatɨ, me ifavarir gumazamiziba. Ia orakigh. Kɨ gumazamizir kabar amightɨ me izɨ ian suebar apengan teviba apɨrigh, egh me kamaghɨn fogham, kɨ bar ia gifonge.

Aisaia 3:14

Egha Ikiavɨra Itir God uan gumazamizibar gumazir dapaniba ko gumazir aruaba ko kotiam gamua kamaghɨn me mɨgei, “Nan gumazamiziba mati, nan wainɨn azenim, ezɨ iarara azenir kam gasɨghasigha, an itir biziba bar da okeme. Ia gumazamizir biziba otevezibar apangkuvir puvatɨ. Bar puvatɨ. Men bizir muziariba, ia me da da isava uan dɨpenibar da pozibav kɨri.

Aisaia 11:4

A kotɨn aven guizɨn arazir aghuimɨn gɨn mangɨ, onganarazibar mɨgɨrɨgɨaba baragh, deraghvɨra me tuisɨgham. A nguazir kamɨn itir gumazir uari abɨra aghumra itiba, a men osɨmtɨziba baragh, me tuisɨgh men akurvagham. An akam me danɨngtɨ, nguazir kamɨn gumazir kuraba, ivezir kuram iniam. A mɨkɨmtɨ, gumazir kurar akaba batoziba arɨmɨghiram.

Aisaia 28:3

Egh me ia dɨkabɨn ia gisɨn daruam, ia Efraimɨn anabamɨn adarasi, ian gumazir aruaba wainɨn dɨpaba apava onganigha, ian nguibamɨn ziam bar pɨn mar a fe.

Aisaia 29:19

Eghtɨ gumazamizir uari abɨriba, me Ikiavɨra Itir God bagh bar akuegham. Eghtɨ gumazamizir biziba puvatɨziba, me uaghan Israelian Godɨn Bar Zuezim bagh bar akuegham.

2 Atriviba 9:33

Ezɨ Jehu kamaghɨn mɨgei, “Ia amizir kam akunightɨ a izighirɨ.” Ezɨ me Jesebel akunizɨ a iraghu. Ezɨ an ghuzim tintinibar dɨpenir bɨriba ko hoziaba rue. Ezɨ Jehu uan hoziaba ko karisbagh amima, da Jesebelɨn kuam dɨkabɨri.