Aisaia 26:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Gumazamizir ziar ekiar bar pɨn itiba, Ikiavɨra Itir God me dɨkabɨri. Egha a nguibar ekiar gavgaviba akaragharɨghizɨma, da bar nguazim gire.

Aisaia 26:5 ပူးပေါင်းရင်းမြစ်များ

Akar Mogomem 18:2

A pamten diagha kamaghɨn mɨgei: “Babilonɨn nguibar ekiam ikuvigha gɨfa! A bar ikufi! Ezɨ datɨrɨghɨn duar kuraba ko adariar mɨzɨrɨzir kuraba ko kuarazir mɨzɨrɨziba ko kuarazir kuraba, darara an iti.

Jeremaia 51:37

Kɨ Babilon gasɨghasightɨ, an dagɨar pozibara ikiam. Eghtɨ an afiar atiabar danganimɨn otoghtɨ, gumazamiziba an puvatɨgham. Eghtɨ gumazir igharaziba ian ganigh, akɨrim ragh ia gasɨ, dɨbovir akabar ia mɨkɨmɨva, bar dɨgavir kuram damigh puvɨram atiatingam.

Jeremaia 51:64

Egh nɨ kamaghɨn Ikiavɨra Itir Godɨn akam akun, ‘Kɨ Ikiavɨra Itir God, kɨ bar Babilon gasɨghasigham. Babilon akɨnafarir kamɨn mɨn magɨram, egh uam otoghan kogham.’ ” Jeremaian akam iza kagh tu.

Aisaia 13:11

Ikiavɨra Itir God kamaghɨn mɨgei, “Gumazamizibar arazir kuraba nguazir kam gizɨfa, kamaghɨn amizɨ, kɨ men arazir kuraba ikarvagh, puv me damigham. Gumazamizir uarira uan ziaba feba, kɨ me dɨkabɨragham. Gumazamizir igharaz darazi paza me gamua uari feba, kɨ pazɨ me damigh men ifaghatir arazim agɨvagham.

Aisaia 47:1

Ikiavɨra Itir God kamaghɨn Babilonian nguibar ekiam mɨgei, “O Babilon, nɨ fomɨra mati atrivir amizim uan atrivir dabirabim gaperaghav iti moghɨn, ziar ekiam iti. Nɨ nguibar bar aghuimɨn mɨn itima, kantrin igharazitamɨn mɨdorozir gumaziba nɨ dɨkabɨrazir puvatɨ, kamaghɨn amizɨ, nɨ mati amizir bar igiar patamɨn itir puvatɨzim mɨn, bar deravɨra iti. Ezɨ datɨrɨghɨn puvatɨ. Nɨn gavgavim gɨvaghtɨ, nɨ uan atrivir dabirabim ategh nguazir kɨnim dapiam. Nɨn mɨkarzim fomɨra deragha iti moghɨn, ua ikian kogham. Egh gumaziba ua nɨn gantɨ, nɨ deragh kurkegh daruan kogham. Bar puvatɨ.

Aisaia 32:19

Eghtɨ aisɨn amozim mar irɨ ruarir ekiamɨn itir temeba bar dagh asɨghasigh, egh uaghan nguibar ekiamɨn dɨpenibagh irɨtɨ, da bar nguazim giregham, eghtɨ ia Ekiamɨn gumazamiziba bar deravɨra ikiam. Egh ia uan dagher ovɨziba nguazir dɨpam iti naghɨn da oparam, egh ia uan bulmakauba ko donkiba ateghtɨ, da uan ifongiabar daru oghevsevibar amɨ ikiam.

Aisaia 14:13

Nɨ ti kamaghɨn nɨghnɨsi, ‘Kɨ mɨkovezibagh afiragh, bar pɨn mar overiamɨn mavanabogham. Egh kɨ uan atrivir dabirabim isɨ, Godɨn mɨkovezibagh isɨn bar pɨn mar anefagham. Egh kɨ uaghan izɨ, notɨn amadaghan itir mɨghsɨar aseba iza uari akuvi naghɨn, a gisɨn bar pɨn mar daperaghɨv ikiam.

Aisaia 2:12

Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe. Egh dughiar kamra, bizir ekiar gumazamiziba gara bar akuegha uan ziaba feba, a bar dagh asɨghasɨgham.

Onger Akaba 79:8

Nɨ en inazir afeziaba amizir arazir kurabagh nɨghnighɨva, pazɨva e damuan markɨ. En nɨghnɨzir gavgaviba datɨrɨghɨn bar iraghuegha gɨfa. Kamaghɨn, nɨ zuamɨra en apangkufigh.

Aisaia 25:2

Nɨ nguibar ekiabagh amizɨ, da mɨnezir pozibar otifi. Nguibar ekiar dɨvazir gavgaviba itiba, bar ikufi. Ezɨ apanibar nguibar ekiar kabar gavgaviba bar gɨfa, ezɨ me ua dɨkavan ibura.

Esekiel 26:11

Men mɨdorozir gumazibar hoziaba, ian tuavir dozibar akɨzɨrɨgh izɨ ia dɨkabɨragham. Eghtɨ apaniba mɨdorozir sababar ian gumazamizibav soghɨrarɨgham. Eghtɨ ian dagɨar dɨpenir akɨnir gavgavir ekiaba magɨrɨ nguazim giregham.

Aisaia 24:10

Nguibar ekiamɨn itir biziba bar moghɨra ikufi. Ezɨ dɨpenibar tiar akaba bar pɨrigha itima, gumazitam dar aven mangan iburagham.

Esekiel 28:17

Nɨ ganganir bar aghuim gamua, uabɨ uabɨ fe. Egha fofozir aghuim ikia ghaze, fofozir kam ziar ekiam ko gavgavim nɨ danɨngam. Kamaghɨn amizɨ, kɨ nɨ kavkɨnizɨ nɨ nguazim girɨ. Kɨ nɨ isɨ azenara atrivir igharazibar damazim datɨghtɨ, me nɨn irɨrim deragh an ganam.