Aisaia 26:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ O Ikiavɨra Itir God, nɨ uan gumazamiziba puv me gamima, men gavgaviba gɨfa. Egha me osɨmtɨzibar tongɨn ikia nɨ bagha iza osɨmtɨzir dafam sara sighsirir akabar nɨ ko mɨgei.

Aisaia 26:16 ပူးပေါင်းရင်းမြစ်များ

Hosea 5:15

“Kɨ uan gumazamiziba ategh uamategh uan nguibamɨn mangam. Eghtɨ me uarira ikɨ uan arazir kurabar ivezir kuram ini mangɨtɨ, mɨzazir kam gɨvaghamin dughiam otogham. Me uan arazir kurabar ikarvazim bagh ivezir kuram ko mɨzazim iniam, egh gɨn me uamategh na bagh izɨ na buriam. Me pazɨ uari baregh, egh gɨn me ua na baghvɨra izam.”

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

Hosea 7:14

Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Aisaia 37:3

Me ghuava otivigha kamaghɨn Aisaia mɨgei, “Atrivim Hesekia ghaze, Kar osɨmtɨzir ekiaba ko aghumsɨziba otivir dughiam. Asiriaba dɨbovir mɨgɨrɨgɨar avɨribar e gami. E amizir navim asangizɨmɨn mɨn ami, a borim batamin dughiam otozɨ, an a batamin gavgaviba puvatɨ.

Onger Akaba 142:2

Na bativir araziba ko osɨmtɨziba kɨ bar dar gun a mɨgei.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

Onger Akaba 42:4

Kɨ fomɨra gumazamizir avɨrimɨn faragha ghua me inigha Godɨn Dɨpenimɨn aven ghu. Kɨ me ko zuir dughiamɨn, gumazamizir avɨrir kam Godɨn ziam fa a mɨnabava pamten tiariba akara onger akabagh ami. Kɨ bizir kabagh nɨghnɨgha egha nan navim bar moghɨra biaghɨrɨ.

1 Samuel 1:15

Ezɨ Hana kamaghɨn an akam ikaragha ghaze, “Gumazir ekiam, kɨ dɨpar onganitam amezir puvatɨ, bar puvatɨ. Nan navim, osɨmtɨzim bar a itaragha uaghirima, kɨ bar oseme. Egha kɨ uan osɨmtɨzim isa Ikiavɨra Itir God ganɨga a ko mɨgei.

Dɨboboniba 21:7

Ezɨ gumazamiziba Moses bagha iza ghaze, “E arazir kuram gamua egha Ikiavɨra Itir God, ko nɨn atari. Kamaghɨn, nɨ e bagh Ikiavɨra Itir God ko mɨkɨmtɨ, an e da kuruzir kaba batokegh.” Ezɨ Moses me bagha God ko mɨgei.

Jeremaia 2:27

Ia dagɨaba ko temebar dɨkɨrɨzir marvir guabar ziaba fa ghaze, Da en ingarigha ikɨrɨmɨrim e ganɨngi. Da en afeziabara. Egha ia akɨrim ragha na gasara. Egha osɨmtɨziba isir dughiabar, ia uarir akurvaghasa nan dei.

Gumazir Dapaniba 10:15

Ezɨ Israelia kamaghɨn Ikiavɨra Itir God mɨgei, “E arazir kuram gami. Nɨ bizir tizimɨn e damusɨ, nɨ a damu. Ezɨ e datɨrɨghɨn uarir akurvaghasa nɨn azangsɨsi.”

Onger Akaba 27:8

O Ikiavɨra Itir God, nɨ kamagh na mɨgɨa ghaze, “Nɨ bar na nan boroghɨra izɨ na baghavɨra ikɨ na gɨfofoghsɨ nan azangsɨgh.” Eghtɨ kɨ nɨ ko ikɨsɨ bar nɨn boroghɨra mangam.

Onger Akaba 77:3

Kɨ God gɨnɨghnɨgha nan navim arai. Kɨ God gɨnɨghnɨgha nan navim bar na basemezɨ damaziba nan sɨri. (Ighiam gamua an suiam atugha avughsegha ua ighiam gami.)

Onger Akaba 78:34

God men maraziv soghezɨ me ariaghirezɨ, men marazi guizbangɨra navibagh iragha ua God bagha ize.

Jeremaia 29:12

Egh dughiar kamɨn ia nan boroghɨn izɨva, egh nan dɨmɨva, egh na ko mɨkɨmtɨ, kɨ ian dɨmdiam baragham.