Aisaia 26:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Dughiatam gɨn otoghtɨ, Judan nguazimɨn itir gumazamiziba ighiar kam damuam: En nguibar ekiaba bar gavgafi! Ikiavɨra Itir God, a uabɨ en dɨvazir bar mɨtiar gavgavimɨn mɨn iti. An en akurvazima, e uan apaniba dɨkabɨri.

Aisaia 26:1 ပူးပေါင်းရင်းမြစ်များ

Aisaia 60:18

Egh nguazir kamɨn ruaghatevir nɨ gariba, gumazamiziba ua tintinibar uariv soghan koghtɨ, nɨ bizir asɨghasɨzir nɨgɨnitam bareghan kogham. Eghtɨ nɨn dɨvazir gavgavimɨn ziam kamaghɨn ikiam, ‘Ekiam Gumazamizibar Akurvasi.’ Eghtɨ nɨn dɨvazir gavgavimɨn tiar akar ekiamɨn ziam kamaghɨn ikiam, ‘E Ekiamɨn Ziam Fam.’

Aisaia 62:11

Ia oragh! Ikiavɨra Itir God, kamaghɨn nguazir kamɨn gumazamiziba bar me mɨkemegha ghaze: “Ia Saionɨn nguibamɨn gumazamiziba bagh mangɨ kamaghɨn me mɨkɨm suam, ‘Ia gan, ian Akurvazir Gumazim, a izi! A faragha mɨdorozim gamua apanibagh afiragha, gumazamiziba bizir aghuibar mɨn me inizɨ, me a ko izi.’

Sekaraia 2:5

Eghtɨ kɨ Ikiavɨra Itir God, kɨ uabɨ deragh an ganam, mati kɨ bɨrir avimɨn mɨn an dɨvazim aghuigham. Egh kɨ an aven ikɨ, an angazangarim ko gavgavimɨn mɨn ikiam.’ ”

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Onger Akaba 48:12

Ia Israelia, ia bar izɨ Saionɨn nguibam avɨnizir dɨvazimɨn azenan daruva, an dɨpenir ruarir gumaziba ikɨ ganamiba meng.

Onger Akaba 31:21

Ikiavɨra Itir God bar nan apangkufi, ezɨ kɨ ghaze, kɨ an ziam fam! Nan apaniba na ekɨarugha na gasɨghasɨghasava amima, God uan gavgavimɨn nan akurazɨ kɨ deravɨra iti.

Matyu 16:18

Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Aisaia 5:1

Ia oraghtɨ, kɨ uan namakar kɨ ifongezim bagh onger akar kam bangam. Nan onger akar kam, kɨ uan namakamɨn wainɨn azenim geghari. Nan namakam, mɨghsɨam gisɨn itir nguazir mam iti, dagheba an deragha aghui, ezɨ a nguazir kamɨn wainɨn azenimɨn ingari.

Aisaia 2:20

Dughiar kamɨn gumazamiziba marvir guar me gol ko silvan ingarigha dar ziaba feba, me da inigh mangɨ, kuarziba ko aghunababa itir danganibar da makunam.

Aisaia 2:11

Ikiavɨra Itir God otivamin dughiamɨn, a gumazamizir uarira uari feba bar me abɨragham, eghtɨ me bar aghumsigham. Eghtɨ a uabɨra dughiar kamɨn ziar ekiam iniam.

Esra 3:11

Me bar akongegha uarira uari ikarvazir ighiabagh amua Ikiavɨra Itir Godɨn ziam fava a mɨnabi: “Ikiavɨra Itir God, a bar dera! Guizbangɨra, a zurara Israelian apangkuvigha mamaghɨra iti.” Me gara guizbangɨra fo, ingangarir gumaziba Ikiavɨra Itir Godɨn Dɨpenimɨn dagɨar ekiar an apengan ikɨ gavgavim a danɨngamiba, me da arɨghizɨ da iti. Kamaghɨn amizɨ, me bar uan gavgavibar pamtemɨn tiariba akara Ikiavɨra Itir Godɨn ziam fe.

Dɨboboniba 21:17

Dughiar kamɨn, Israelian gumazamiziba onger akar kam bange: O mozir dɨpam, nɨ dɨpam damutɨ, an otiv emɨr. E an gan a bagh bar akuegh ighiam bangam.

Aisaia 4:2

Dughiatam gɨn otoghtɨ, Ikiavɨra Itir God Ter Aguam damightɨ, a ua ghuzir igiam otogham. Eghtɨ a nguazim damutɨ dagher aghuiba otivam. Eghtɨ Israelian ikiavɨra itir varazira, me bizir kabar gantɨ, da bar deraghtɨ, me bar akuegham.

Aisaia 14:31

“Ia Filistian nguibar ekiaba ko, gumazamizir men itiba, ia bar moghɨram atiatingɨva, nɨghɨva akong puv aziva, pamtemɨn dɨm gan, mɨdorozir gumazir bar bɨzir dafam, notɨn amadaghan ikegha izi. Me izima, mati avir mɨturim men gɨrakɨrangɨn otifi. Mɨdorozir gumazir kaba, me mɨdorozir gumazir bar gavgaviba, ezɨ, men tav uabɨra gɨn izir puvatɨ, me bar moghɨra uari inigha izi.”

Aisaia 31:5

E fo, kuaraziba pɨn mɨgha, egha deraghvɨra uan mɨkonibar itir nguzibagh eghufi. Kamaghɨra, kɨ Ikiavɨra Itir Godɨn Gavgaviba Bar Itim, kɨ deragh Jerusalem geghuv deragh an ganam. Kɨ zurarama an boroghɨn ikɨ mangɨn izegh damu a getiva deragh an ganɨva an akurvagham.”

Aisaia 31:9

Atiatir bar ekiam, Asiriaba batoghtɨ, men nguibar ekiar gavgavim irɨgham. Men mɨdorozir gumazibar dapaniba, bar atiatigh uan mɨdorozir inir avɨzir asaraghav itim ategh onganigh puvɨram aregham.” Kar Ikiavɨra Itir Godɨn Akar Gavgavim. A Saionɨn Mɨghsɨamɨn ikia, avimɨn mɨn iti. A Jerusalemɨn nguibar ekiamɨn ikia, danganir ekiar avir pamtemɨn isimɨn mɨn iti.

Aisaia 33:5

Ikiavɨra Itir God, ziar ekiam ikiava, bar pɨn uan Nguibamɨn iti. Egh a uan guizɨn arazim ko arazir aghuim amadaghtɨ, a izɨ Jerusalemɨn mɨkebaba bar da avaragham.

Aisaia 33:6

Egh ia Ikiavɨra Itir Godɨn gumazamiziba, a zurara deragh ian ganɨva, ia damutɨ ian dabirabim deragh gavgavigh ikiam. Egh a bizir aghuiba ia danɨngtɨ ia deraghvɨra ikiam. A nɨghnɨzir aghuiba ko, fofozir avɨriba ko, arazir an atiatiava an apengan itiba, da bizir bar aghuibar mɨn, an ada isa ia ganɨdi.

Aisaia 56:5

kɨ men ziam itir ababanitam uan Dɨpenimɨn aven anetɨgham. Eghtɨ gumazamiziba zuraram an gan me gɨnɨghnɨgham. Eghtɨ men ziar ekiam, gumazir boriba itibar ziabagh afiragham. Kɨ men ziam damightɨ a gɨvaghan kogham.”

Aisaia 62:10

Ia datɨrɨghɨn Jerusalemɨn itir darasi, ia zuamɨra bar moghɨra nguibar ekiam atakigh. Ia nguibam ategh azenan mangɨ, ia gumazamizir uamategha iziba bagh deravɨra tuavim akɨr. Ia me bagh deravɨra tuaviba azenɨva, tuavim apɨrizir dagɨaba isɨ da makun. Egh Kantrin Igharazibar Gumazamiziba gansɨ, ia inir avɨzir ababanim asaragh.

Esekiel 40:5

Kɨ ganizir bizir kam, a Godɨn Dɨpenim, ezɨ dɨvazir mam anevɨni. Gumazir kam uan bizibar abarir aghorim inigha dɨvazimɨn abari. Aghorir kamɨn ruarim 3 mitan tu. Ezɨ dɨvazir kamɨn tuirivimɨn ababanim a 3 mitan tu, ezɨ a mɨtemezir ababanim 3 mitan tu.

Onger Akaba 48:4

Atriviba uan mɨdorozir gumaziba ko uari akuva, Saionɨn nguibam ko mɨsoghasa izi.

Sekaraia 2:9

Kɨ uabɨ ivezir kuram me danɨngasava ami, eghtɨ gumazamizir me abɨrazɨ men ingangarir gumazir kɨnibar ikeziba, me dɨkavighɨva, uan apaniba pazavɨra me damuva me da men biziba iniam.” Bizir kam otoghtɨma, me bar fogh suam, Ikiavɨra Itir Godɨn Gavgaviba Bar Itim, na amada.