Aisaia 24:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Me ua bar akuegha, dia uan tambarinbav mɨsozir puvatɨ. Ezɨ me bar akongezir arazir isam gamim a uam otozir puvatɨ. Ezɨ ighiar me gitan guar avɨribav soghava amim, a bar gɨfa.

Aisaia 24:8 ပူးပေါင်းရင်းမြစ်များ

Hosea 2:11

Dughiar ekiar a bar akongeziba, kɨ bar da agɨvagham. Dughiar ekiar kaba kamakɨn. Kar, dughiar ekiar zurara azeniba bar dar otiviba, ko, iakɨnir igiaba, ko, Sabatɨn dughiaba, ko, Godɨn ziam fer dughiar igharaziba sara.

Akar Mogomem 18:22

O Babilon! Gitan arareba ko marvibar arareba ko, sɨghaba ko, ararer aghuir igharazir maba ua nɨn aven otivan kogham. Eghtɨ fofozir gumazamizir ingangarir guar igharagha garibagh amiba, me ua nɨn ikian kogham! Eghtɨ dagɨar witba mɨrmɨrimɨn ararem ua nɨn aven otivan kogham!

Esekiel 26:13

Eghtɨ kɨ ian onger akaba ko, gitabav sozir arazim bar ada agɨvagham.

Jeremaia 7:34

Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Jeremaia 25:10

Egh kɨ men navir aghuimɨn agoroger arazim ko, bar akongezir arazim ko, gumaziba amuibar ikiamin arazim, kɨ bar ada gɨvagham. Eghtɨ witɨn ovɨziba mɨrmɨramin gumaziba puvatɨgham, kamaghɨn wit mɨrmɨramin dagɨaba ua tɨngaghan kogham. Eghtɨ lamɨn angazangariba ua danganir kamɨn puvatɨgham.

Jeremaia 16:9

Kɨ, Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei, gumazamiziba ua nguazir kamɨn ikian kogham. Eghtɨ bar akongezir arazim ko navim deragha itir arazim ko poroghamiba uarir itir arazim, kɨ bar moghɨra da agɨvagham. Eghtɨ gumazamizir datɨrɨghɨn itiba, uari uan damazibar bizir kamɨn gantɨ, an otivam.

Aisaia 5:12

Ia isabagh amua, wain apava, gitaba ko buabav sogha, marvibagh ivia, ighiar guar avɨribagh ami. Egha ia arazir kaba bar dagh fo. Egha Ikiavɨra Itir God amir biziba, ia fofozim dar itir puvatɨ.

Jopɨn Akɨnafarim 30:31

Kɨ fomɨra deravɨra ikia uan gita mɨsogha uan marvim givi, egha agoroger onger akabagh ami. Egha datɨrɨghɨn kɨ uan gita mɨsogha azir akabagh ami, mati gumazim ovengezɨ me a gubai.”

Onger Akaba 137:2

E uan gitabav sozir puvatɨ, e purama da isa en boroghɨn itir temer aguabar da gui.

Aisaia 5:14

Jerusalemɨn itir darasi, ia datɨrɨghɨn isabagh amua bar akuegha iti, ezɨ bar guizbangɨra, Gumazamizir Oveaghuezibar Nguibamɨn, uan akam bar anekarigha, gumazir aruaba ko gumazamiziba tuasa me mɨzua iti. Iavzika, ia bar ikuvigham.”

Aisaia 16:10

Wainɨn azenir kaba, da fomɨra bar puvɨra be, ezɨ gumazamiziba da kuarir dughiamɨn, me bar akonge. Ezɨ datɨrɨghɨn bar akongezir arazir dɨmdɨar kam gɨfa, ezɨ gumazamiziba ua bar akongeghamin ighiabagh amir puvatɨ. Ezɨ gumazamiziba uam wainɨn itarir ekiamɨn, wainɨn ovɨziba mɨrmɨrir puvatɨ. Ikiavɨra Itir God men akaba dukuagha, me bar akongezir arazir dɨmdɨar kam agɨfa.

Esekiel 28:13

Nɨ mati Idenɨn azenimɨn iti, kar Godɨn azenir aghuim. Egha nɨ dagɨar guar avɨrir igharagha garir bar pɨn koziba uabɨn kurti. Me golɨn diriba inigha dagɨabar suizir golɨn kurkazibar ingari. Dagɨar kabar kara, rubi, topas, daimon, beril, kanilian, jaspa, sapaia, emeral koma ganet. Nɨ nguazimɨn otozir dughiamɨn, kɨ nɨ bagha dagɨar kaba bar dar ingari.

Jopɨn Akɨnafarim 3:7

Gumazamiziba uarir ikiava bar akongezir arazim dɨmagarir kamɨn a gamizir puvatɨzɨ, deraghai. Dɨmagarir kamɨn amiziba boriba batezir puvatɨzɨ, kamaghɨn deraghai.

Amos 6:7

Kamaghɨn amizɨ, iarara faragh mangɨ kantrin igharazitamɨn kalabusɨn mɨn ikiam. Egh ua isar ekiabar amuan kogham.