Aisaia 24:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Nguazir bar mɨsɨngigha, an gavgavim gɨfa, ezɨ an azirakar amɨrizibagh ami. Ezɨ gumazamizir ziaba itiba, men gavgaviba uaghan gɨfa.

Aisaia 24:4 ပူးပေါင်းရင်းမြစ်များ

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.

Aisaia 3:26

Egh me nɨn biziba bar da inigham. Nɨ mati amizim, me bar an korotiaba suezɨ, a pura bibiamra nguazim gaperaghav iti moghɨn ikiam. Eghtɨ nɨn gumazamiziba nɨn gantɨ, bizir kaba nɨ bativtɨ, men naviba bightɨ me bar puv aziam.

Jeremaia 12:4

Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Aisaia 64:6

E nɨn damazimɨn arazir kurabagh amigha, bar mɨze. E amir arazir kaba e ghaze, da ti derazɨ e dagh ami, arazir kaba nɨn damazimɨn bar ikuvigha, mati inir avɨzir bar pughpurizim. En arazir kurar kabara e gamima, e amɨnim ter afarir mɨdiaribagh ivarazɨ da ghuezɨ moghɨn, e bar mɨsigha atam ariaghire.

Aisaia 28:1

O Efraimɨn anabamɨn adarasi, iavzika! Ian nguibar ekiar bar aghuim Samaria bar ikuvigham. Ian gumazir aruaba wain apava onganigha, Samarian ziam bar puvɨram a fa kamaghɨn mɨgɨa ghaze, a nguibar ekiar bar gavgavim. A mɨghsɨar bar muziarim gisɨn iti, a nguazir bar aghuir dagheba oparamimɨn tongɨn iti, egha a bar deragha gari, mati ian gumazir aruaba uan dapanibagh arɨzir akɨmaribar mɨn, bar dera. Egh ian nguibar ekiam dughiar ruarimɨn ikeghan kogh, mati akɨmarim mɨsigha ikuvizɨ moghɨn, ikuvigham.

Aisaia 24:3

Nguazim bar moghɨra ikuvigh pura ikiam. Bizir kaba otivasa Ikiavɨra Itir God mɨkemegha gɨfa.

Aisaia 24:21

Eghtɨ Ikiavɨra Itir God uabɨ mɨsevezir dughiamɨn, a Godɨn Nguibamɨn itir mɨdorozir gumaziba ko, nguazir kam gativir atriviba, ivezir kuram isɨ me danɨngam.

Joel 1:10

Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.