Aisaia 24:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ia deravɨram oragh! Ikiavɨra Itir God nguazim bar a gasɨghasɨghtɨ, a bar nguazir kɨnimɨn otoghtɨ gumazamiziba puvatɨgham. A nguazim dɨkaragh a rɨghɨrigham. Egh a gumazamizibar amightɨ, me arɨ tintinibar mangegham.

Aisaia 24:1 ပူးပေါင်းရင်းမြစ်များ

Nahum 2:10

Ninive bar ikuvigha, pura danganir kɨnir gumazamiziba puvatɨzimɨn mɨn iti. Gumazamiziba nguibar ekiam ategha tintinibar are. Me puvɨram aguava bar atiatigha, men sueroghofariba nɨsi. Men gavgaviba bar gɨvazɨma, men naviba me gɨghaghirima, men damaziba atiaghiregha guaba bar ghuari.

Aisaia 2:19

Egh gɨn izamin dughiamɨn, Ikiavɨra Itir God dɨkavigh nguazir kamɨn gumazamiziba ivezir kuram me danɨngɨsɨ izam. Gumazamiziba bar an gantɨ, an atrivimɨn mɨn uan angazangarir ekiam ko gavgavim sara izɨtɨ, me bar puvɨram atiating, arɨ mangɨ dagɨar toribar mongegh ikiam. Tarazi nguazibar moziba okoregh dar aven mongam.

Aisaia 42:15

Kɨ mɨghsɨaba bar dagh asɨghasigh, egh temeba ko grazibar amightɨ, da mɨsigham. Egh kɨ faner ekiaba ko dɨpar akarebar amightɨ, da bar dakegham.

Aisaia 24:20

Nguazim ivazvagh, mati gumazim wainɨn dɨpam apava onganigha mangɨn izegh gami. Egh mati averpenir muziarimɨn mɨn, amɨnir gavgavim a givaima, a mangɨn izegh damuam. Gumazamizibar arazir kuramɨn osɨmtɨzim, bar osemezɨ nguazim an ateran ibura. Kamaghɨn amizɨ, nguazim irɨgh, ua dɨkavighan iburagham.”

Esekiel 35:14

Kɨ Ikiavɨra Itir Godɨn Ekiam, kɨ kamaghɨn mɨgei: Kɨ bar moghɨra ia gasɨghasɨghtɨ, Kantrin Igharazibar Gumazamiziba kamaghɨn ganigh bar akongegham.

Esekiel 12:20

Nguibar ekiar datɨrɨghɨn gumazamiziba izɨvaziba ikuvigham. Eghtɨ kantri pura danganir kɨnimɨn mɨn ikiam. Eghtɨ Israelia kamaghɨn fogh suam, Kɨrara, kɨ Ikiavɨra Itir God.”

Luk Osirizir Akar Aghuim 21:24

Eghtɨ mɨdorozir gumaziba mɨsozir sababar tarazigh inivtɨ me arɨghirɨtɨ, me tarazi suighɨva, me amangɨtɨma me nguibar Israelɨn azenan itibar mangam. Eghtɨ Kantrin Igharazibar Gumazamiziba bar pazɨva Jerusalem damu mangɨ dughiar me Jerusalemɨn ganamin dughiam gɨvagham.”

Esekiel 6:6

Egh apaniba, Israelɨn nguibar ekiaba bar dagh asɨghasightɨ da ikuvigham. Eghtɨ men mɨghsɨabar pɨn itir danganir ia asebar ziaba feba ko, men ofa gamir dakoziba ikuvigh pura ikiam. Eghtɨ ian asebar marvir guaba me bar dagh asɨghasigham. Egh mughuriar aghuim zuir ofa gamir dakoziba bar da akararightɨ, Israelia amir arazir kurar kaba bar moghɨra gɨvagham.

Esekiel 5:14

Kɨ ia gasɨghasightɨ, kantrin igharazir ian boroghɨn itibar gumazamiziba izɨ ian gan kamaghɨn mɨkɨmam, ‘Mevzika! Me bar moghɨra ikufi. Ikiavɨra Itir God, men arazir kuraba ikarvagha me gasɨghasɨki.’

Esekiel 5:2

Egh 390plan aruebar gɨn ivezir kurar kam gɨvaghtɨ nɨ dɨkafigh. Eghtɨ arazir kam kamaghɨn Israelian akagham, apaniba Jerusalem inigha gɨfa. Nɨ dɨkavigh uan arɨzir pozir faragha itim inigh, Jerusalemɨn akazir ababanim gamir brighɨn kam gisɨn datɨgh, a daboroghtɨ a isi. Egh arɨzir pozir namba 2 inigh, brighɨn kamɨn mɨriam daruva da akun, uan mɨdorozir sabamɨn tintinibar ada aghor mangɨ. Egh arɨzir pozir namba 3 inigh da akunightɨ, amɨnim da ater tintinibar mangɨ. Eghtɨ kɨ uan mɨdorozir sabam inigh arɨzir kabar gɨntɨgh mangam.

Jeremaia 9:16

Kɨ me batuegh me amadaghtɨ, me mangɨ tintinibar kantrin fomɨra men inazir afeziaba ko me fozir puvatɨzibar tongɨn me ko ikiam. Eghtɨ kɨ apanibar amamangatɨghtɨ, me men gɨntɨgh mangɨ dughiar kɨ me gasɨghasɨghamim otogham.”

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.

Aisaia 29:16

Me biziba otavkɨra bar da adafi. Egha me kamaghɨn mɨgei, “Gumazir nguazir mɨnemɨn ingarim, a nguazimɨn mɨn gari.” Manmaghɨn ami? Pura bizir kɨnitam ti gumazir an ingarizim kamaghɨn a mɨkɨm suam, “Nɨ nan ingarizir puvatɨ,” mɨgɨrɨgɨar kam ti deraz, o? Egh pura bizir kɨnitam ti gumazir an ingarizim kamaghɨn a mɨkɨm suam, “Nɨ bizitam gɨfozir puvatɨ,” mɨgɨrɨgɨar kam ti deraz, o? Bar puvatɨ.

Aisaia 27:10

Nguibar ekiar kam fomɨra dɨvazir bar gavgavim iti, egha datɨrɨghɨn a bar ikuvigha iti. A datɨrɨghɨn pura nguibar dadar kɨnim mɨn itima, gumazitaba uam an itir puvatɨ. Egha bulmakaubar nguibamɨn mɨn otozɨ, da iza uari akuva ikia, dadaba ko tevsevibar dafariba apava, kagh avughsa iti.

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

Onger Akaba 146:9

Kantrin Igharazibar Gumazamizir en nguazimɨn itiba, Ikiavɨra Itir God deragha men gari. Amizir paba ariaghireziba ko, borir afeziaba ariaghireziba, a me fava men akurvasi. A gumazamizir arazir kurabagh amiba, a men tuaviba apaghapaki.

Nehemia 1:8

“Akar Gavgavir nɨ fomɨra isa Moses ganɨngizim, nɨ a gɨnɨghnɨgh, egh a gɨn amangan markɨ. Nɨ kamaghɨn mɨgɨa ghaze, ‘Ia Israelian gumazamiziba akɨrim na gasaraghtɨ, kɨ ia batueghtɨ, ia tintinibar mangɨ Kantrin Igharazibar Gumazamizibar tongɨn ikiam. Egh gɨn, dughiar ia saghon itir kantrin kamɨn, ia navibagh iragh ua na bagh izɨ nan akamɨn gɨn mangam. Eghtɨ kɨ nguazir ua bagha mɨsevezim, a nan ziam famin danganim, kɨ ian aku an mangam. Ia kantrin bar saghon itibar ikɨtɨ, kɨ ua ia inigh izam.’ E ua nɨ bagha ize, kamaghɨn kɨ nɨn azai, nɨ uan akar dɨkɨrɨzimɨn gɨn mangɨ en akurvagh.

2 Atriviba 21:13

Mati kɨ faragha Samarian nguibar ekiam ko Atrivim Ahap uan adarazi ko me gamizɨ moghɨn, kɨ arazir kamra Jerusalem damuam. Kɨ bar Jerusalem gasɨghasigh egh an gumazamiziba bar me gasɨghasigham. Eghtɨ Jerusalem mati itarim, me a ruegha gɨvazɨ, mɨnezir muziarir taba an itir puvatɨzɨ moghɨn a pura ikiam.

Godɨn Araziba 32:26

Ikiavɨra Itir God ghaze, nan nɨghnɨzim kamakɨn, kɨ ti me gasɨghasigh bar me kuvaremeghtɨ, gumazamiziba bar me gɨn amadagh ua me gɨnɨghnɨghan kogham.

Godɨn Araziba 28:64

“Egh Ikiavɨra Itir God, ia amangightɨ ia nguazir kamɨn tintinibar kantrin igharazibar mangegham. Ia kantrin kabar ikɨva, men asebar ziaba fam, aser kabar marvir guaba, me temeba ko dagɨabar dar ingari. Ia ko ian inazir afeziaba fomɨra aser kabar ziaba fer puvatɨ.

Godɨn Araziba 4:27

Egh Ikiavɨra Itir God, ia aghamsightɨ ia tintinibar mangɨ kantrin igharazibar ikiam, egh ian gumazamizir avɨrim arɨmɨghireghtɨ vabara ikiam.

Esekiel 24:11

Nɨ datɨrɨghɨn mɨnevsevim isɨ avivkɨabagh isɨn anefaghtɨ, a isi mangɨ bar aghefegh. Mɨner kam, a bar mɨze, eghtɨ mɨnemɨn itir mɨneziba isi mangɨ bar gɨvaghtɨ, mɨnem ua bar zuegham.

Jeremaia 40:15

Ezɨ Johanan ko Gedalia uaningra itir dughiamɨn, Johanan nɨmɨra kamaghɨn Gedalian mɨgei, “Ga uaning. Nɨ na ateghtɨ kɨ mangɨ Ismael mɨsueghtɨ ana aremeka. Gumazitam bizir kam gɨfoghan kogham. Nɨ aneteghtɨ a nɨ mɨsueghtɨ, nɨ aremeghtɨ, Judan datɨrɨghɨn iza nɨ akuvagha itiba, me tintinibar mangegham. Eghtɨ en gumazamizir ikiavɨra itir varazira, e bar ikuvigham.”

Jems 1:1

Kɨ Jems, kɨ God ko Ekiam Krais Iesusɨn ingangarir gumazim. Kɨ ia 12plan Israelɨn itir anababa bagha akɨnafarir kam osiri. Kar ia gumazamizir uan nguibam ategha ghua kantrin igharazibar itiba. Kɨ dughiar aghuim ia ganɨdi.

Aposel 17:6

Egha me aningɨn apizir puvatɨgha, Jeson ko Kraisɨn marazi kurɨvegha nguibar ekiamɨn garir gumazir dapaniba bagha me inigha ghu. Egha kamaghɨn dei, “Gumazir kaba osɨmtɨzim nguazir kamɨn nguibaba bar dagh arɨgha iza datɨrɨghɨn kagh oto.

Jeremaia 50:17

Ikiavɨra Itir God kamaghɨn mɨkeme: “Israelia mati sipsipɨn mam, ezɨ nguibar maba mati laionba, me a gasɨghasɨghasa an agɨntɨsi. Asirian atrivim faragha an suiragha aneme. Egha gɨn Babilonɨn Atrivim Nebukatnesar an aghariba ame.

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”

Aisaia 13:5

Me kantrin bar saghon itimɨn ikegha ize, egha me mati Ikiavɨra Itir Godɨn piba ko bariba. A bar anɨngaghegha, me akuvagh me damutɨ, me nguazir kamɨn itir kantribagh asɨghasɨgh, bar me agɨvagham.

Aisaia 13:13

Dughiar kamɨn, kɨ Ikiavɨra Itir Godɨn Gavgaviba Bar Itim, uan anɨngagharir bar dafam sara izam. Egh kɨ overiam ko nguazim damightɨ, aning nɨgham, eghtɨ nguazim isɨvagh uan danganim ategham.”

Aisaia 24:19

Nguazim bar puvɨra nɨgh bɨghirɨ, akaba akarɨghiregh ikiam.

Aisaia 30:32

Ikiavɨra Itir God, Asiriabav sozir dughiamɨn, Godɨn gumazamiziba bar akueghɨva, gitaba ko buar guar avɨriba mɨsoghɨva, Ekiam me mɨsozir aghorimɨn tɨngagharim gɨrara mangam.

Aisaia 34:2

Ikiavɨra Itir God, kantriba bar me ko mɨdorozir gumaziba, bar men anɨngaghegha me bagha navim isi, egha me aremeghasa, a mɨkemegha gɨfa.

Aisaia 34:10

Avir kam mungeghan kogham. Puvatɨ. An arueba ko dɨmagaribar isi gavgavigh mamaghɨra ikɨtɨ, an mɨgharim zuraram otivam. Eghtɨ Idomɨn nguazim pura ikɨ mangɨtɨ men ovavir borir gɨn otivamiba, men danganiba inigh mangɨ dughiabar ikɨ mamaghɨra ikiam. Eghtɨ gumazitam ua danganir kamɨn mangan kogham.

Jeremaia 51:34

Ezɨ Jerusalemɨn nguibar ekiam kamaghɨn mɨgei: “Babilonɨn Atrivim Nebukatnesar puvɨra na mɨsoke, mati a na apava bar na agɨfa. A mati aser mam bar na tuavareme. Egha nan bizir aghuibar uan navim gazuima a izɨfa. Ezɨ kɨ mati itarir mam, an amegha gɨvazɨ, dagher nataba an itir puvatɨ. Egha gɨn a bar na dɨsi. Babilonia bar nan mɨkarzim gasɨghasɨki, ezɨ nan ghuzim ire. Kamaghɨn amizɨ, me osɨmtɨzim iti, ezɨ Ikiavɨra Itir God men osɨmtɨzir kam ikarvagham.”

Nahum 1:5

God uan gavgavim akazɨ, mɨghsɨaba agoa nɨgha, dɨpabar mɨn otifi. A uan gavgavim akazɨ, mɨkɨmkɨzim nguazim ginobagha a gamima a nɨsi, ezɨ gumazamiziba uaghan agoa nɨsi.

Aisaia 29:2

Kɨ osɨmtɨzim inigh izɨtɨ a nɨ bativam. Eghtɨ nɨ bar osemegh tiarim akarɨva arangam. Nɨ nan ofa gamir dakozimɨn mɨn iti, eghtɨ ghuzim bar nɨ ruegh nɨ avaragham, mati gumaziba ofa gamir dakozim gisɨn asɨzibav sozi, dar ghuziba ofa gamir dakozim avarazɨ moghɨn nɨ avaragham.

Aisaia 32:12

Ia uan azenir obarir aghuiba ko wainɨn azenir aghuiba bagh uan osɨmtɨziba akakaghsɨ, ia uan evaribav mɨsogh azirakabar amu.

Esekiel 6:14

Kɨ uan agharim men nguazimɨn anemadaghtɨ a bar moghɨra ikuvigham. Kɨ notɨn amadaghan Diplan nguibamɨn ikegh mangɨ gumazamiziba puvatɨzir danganir sautɨn itimɨn otogh, men nguaziba bar dar amightɨ, da gumazamiziba puvatɨzir danganibar mɨn ikiam. Kɨ men nguibatam ateghtɨ a ikian kogham. Da danganir kɨnibar mɨn ikiam. Eghtɨ gumazamiziba deravɨra na gɨfogh suam, kɨ uabɨ kɨ Ikiavɨra Itir God.”

Esekiel 7:12

Osɨmtɨzim otivamin dughiam a roghɨra izegha gɨfa. Eghtɨ dughiar kamɨn gumazamiziba bizibagh ivesɨ akongan markɨ. Eghtɨ gumazamizir biziba amangasa amiba naviba osɨman markɨ. Dughiar kamɨn kɨ gumazamiziba bar me gasɨghasigham.

Esekiel 7:14

Nan anɨngagharim gumazamizir kaba bar men iti. Kamaghɨn amizɨ, me mɨdorozim damusɨ sɨgham givi biziba akɨrɨva, men gumazitam mɨdorozim bagh mangan kogham.