Aisaia 22:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Elamɨn kantrin mɨdorozir gumaziba, me piba ko baribar suiki, egha me mɨsoghasa hoziaba ko karisba sara izi. Ezɨ Kirɨn nguibar ekiamɨn mɨdorozir gumaziba, me mɨsoghasa uan oraba sara izi.

Aisaia 22:6 ပူးပေါင်းရင်းမြစ်များ

2 Atriviba 16:9

Ezɨ Atrivim Tiklat Pileser, Ahasɨn akam baregha, uan mɨdorozir gumaziba inigha ghua, Damaskusɨn nguibar ekiamɨn mɨsogha a ini. Egha Tiklat Pileser, Atrivim Resinɨn mɨsoghezɨ, an areme. Egha Damaskusɨn gumazamiziba, kalabuziar gumazamizibar mɨn me inigha, Kirɨn nguibar ekiamɨn ghu.

Aisaia 21:2

Ezɨ God bizir bar kurar mam nan aka, kɨ irebamɨn mɨn garir bizimɨn, an gani. Kɨ orazi, Ikiavɨra Itir God kamaghɨn mɨgei: “Babilonia, me gumazamizibagh ifara paza me gami darasi. Egha me arazir kam gamima a ghua bar ekefe. Kamaghɨn amizɨ, ia kantri Elamɨn itir mɨdorozir gumaziba, ia izɨ Babilonia mɨsogh. Eghtɨ ia Midian kantrin mɨdorozir gumaziba, ia izɨ nguibar ekiar kam an ekɨarugh. Kɨ osɨmtɨzir Babilonia gumazamizir igharazibagh anɨdiba agɨvagham.”

Amos 9:7

Ikiavɨra Itir God kamaghɨn mɨgɨa ghaze: “O Israelia, kɨ Itiopian gumazamiziba deragha men gari moghɨn, kɨ uaghan deragha ian gari. Kɨ Kritɨn nguibamɨn Filistiaba inigha ize, egha kantri Kirɨn, kɨ Sirian gumazamiziba inigha ize, egha kamaghɨra, kɨ Isipɨn kantrin ia inigha ize.

Amos 1:5

Kɨ nguibar ekiar kam Damaskus, an ainɨn tiar akabar dɨvazir gavgaviba bar ada akararigham. Egh kɨ Avenɨn Danganir Zarimɨn itir gumazamiziba batuegh, uaghan Beteden kantrin atrivim batuegham. Eghtɨ kantri Sirian itir gumazamiziba mangɨ aruem anadi naghɨn itir nguazim Kirɨn, aven kalabusɨn mɨn ikiam. Kɨ Ikiavɨra Itir God, kɨ kamaghɨn mɨkeme!”

Aisaia 15:1

Ikiavɨra Itir God kantri Moap gɨnɨghnɨgha akar kam anɨngi: Apaniba dɨmagarimɨn iza kantri Moapɨn otogha, Arɨn nguibar ekiam gasɨghasɨsi. Me ghua Kirɨn nguibar ekiam gasɨghasɨghizɨ, Moapɨn kantri datɨrɨghɨn bar ikufi.

Jenesis 10:22

Siemɨn otaribar ziabar kara: Elam, Asur, Arpaksat, Lidia ko Aram.

Aisaia 22:7

Mɨsoghamin karisba ian danganir zarir bar aghuiba bar dagh izefe. Ezɨ mɨdorozir gumaziba hoziaba mɨkɨrvazir karisbagh apiagha, men nguibar ekiamɨn tiar akabar otivigha gɨvagha mɨsoghasa gara iti.

Aisaia 11:11

Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.