Aisaia 22:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ikiavɨra Itir Godɨn Gavgaviba Bar Itim, nan Ekiam, an osɨmtɨzir guar avɨriba ia bativamin dughiam amɨsevegha gɨfa. Osɨmtɨzir kaba, Irebamɨn mɨn Garir Bizibar Garir Danganir Zarimɨn ia bativam. Dughiar kamɨn, apanir bar avɨrim izɨva pamtemɨn dɨmɨva ivemar mangɨ izegh damutɨ, ia dɨgavir kuram damigh onganigham. Egh me nguibar ekiamɨn dɨvazir gavgavim akartɨ, ia atiatingtɨ, ian dɨmdiam bar saghon mangɨ mɨghsɨabar tugham.

Aisaia 22:5 ပူးပေါင်းရင်းမြစ်များ

Luk Osirizir Akar Aghuim 23:30

“ ‘Egh me dughiar kamɨn kamaghɨn mɨghsɨabav kɨmam, “Ia e gisɨn irɨghɨva, e mongegh!” ’

Maika 7:4

Ezɨ gumazir igharaziba ghaze me deragha arazir aghuibagh ami, ezɨ God men gari, me ikuvigha mati grazir ataghatariba ko, benir dɨkoniba itiba. Dughiam otogha gɨfa, ezɨ God uan gumazamizibagh asɨghasɨghasa, mati an akam inigha izir gumazim mɨkemezɨ mokɨn. God kamaghɨn damutɨ, an gumazamiziba okam nɨghnɨgh onganigh tintinibar nɨghnɨgham.

Aisaia 37:3

Me ghuava otivigha kamaghɨn Aisaia mɨgei, “Atrivim Hesekia ghaze, Kar osɨmtɨzir ekiaba ko aghumsɨziba otivir dughiam. Asiriaba dɨbovir mɨgɨrɨgɨar avɨribar e gami. E amizir navim asangizɨmɨn mɨn ami, a borim batamin dughiam otozɨ, an a batamin gavgaviba puvatɨ.

Aisaia 10:6

Nan gumazamizir kaba na ategha uamategha nguazir kamɨn bizibagh amua, na gamizɨ kɨ bar men anɨngaghe. Kamaghɨn amizɨ, kɨ Asiriaba amadaghtɨ, me mangɨ gumazamizir kɨ anɨngaghavɨra itir kabagh asɨghasɨgh, egh me dɨkɨtɨ me mati gumazim tuavir beghneazim dɨti moghɨn me magɨram. Egh me uan ifongiabar gɨn mangɨ men bizir aghuiba me dama da mɨkegh, da inigh uan kantrin mangam.

Hosea 10:8

Asebar ziaba fer danganiba, da mɨghsɨabar pɨn iti, ezɨ Israelia kagh men ziaba fa arazir kurabagh ami. Eghtɨ God danganir kabagh asɨghasigham, eghtɨ ogheba ko benir dɨkoniba aghung ofa gamir danganir kaba avegham. Eghtɨ gumazamiziba apanibar mongsɨ, kamaghɨn mɨghsɨabav kɨmam, “Ia e gisɨn irɨva e mongegh.”

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Aisaia 22:1

Ikiavɨra Itir God, Irebamɨn Mɨn Garir Biziba Otivamin Danganir Zarim bagh akar kam anɨngi. Ia Jerusalemɨn itir gumazamiziba, ia bar manmaghɨra nɨghnigha, dɨa nɨgɨnir dafam gamua, egha bar akonge? Ia uan dɨpenir inogoribar ghuavanega pamtem deima, ian nɨgɨnim nguibar ekiamɨn ruaghateviba bar dar ghu. Ian gumazir ariaghireziba, me mɨdorozir gumazir gavgavibar mɨn mɨsoghava ariaghirezir puvatɨ.

Matyu 24:16

Dughiar kamɨn Judian Distrighɨn itir gumazamiziba arɨ mɨghsɨabar ghuavanangam.

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Aisaia 5:5

Kɨ datɨrɨghɨn uan wainɨn azenim damuamin arazimɨn gun ia mɨkɨmam. Kɨ azenim avɨnizir dɨvazim akarigh a gasɨghasigham. Egh kɨ wainɨn azenim avɨnizir dɨvazim akarightɨ a irɨgham. Eghtɨ asɨzir atiaba wainɨn azenimɨn aven mangɨ azenim dɨkabɨn wainɨn ikarɨzibar amɨva, dagh asɨghasigham.

Esta 3:15

Ezɨ gumazir akɨnafarir kam inigha zuiba, me zuamɨra ghua kantrin kamɨn nguibaba bar a adagh arui. Egha me Susan nguibar ekiamɨn uaghan akɨnafarimɨn akam akuni, ezɨ gumaziba bar oraki. Ezɨ atrivim ko Haman, uaningra ikia wain apava uaning mɨgɨava eghari. Ezɨ Susan itir gumazamiziba mɨgɨrɨgɨar kam baregha dɨgavir kuram gamigha nɨghnɨghava avenge.

2 Atriviba 25:10

Babilonian mɨdorozir gumazir Nebusaradanɨn gɨn zuiba, me bar moghɨra Jerusalem avɨnizir dɨvazim gasɨghasɨgha bar anekaragharɨki.

2 Atriviba 19:3

Me ghuava otivigha kamaghɨn Aisaia mɨgei, “Atrivim Hesekia ghaze, Kar osɨmtɨzir ekiaba ko aghumsɨziba otivir dughiam. Asiriaba dɨbovir mɨgɨrɨgɨar avɨribar e gami. E amizir navim asangizɨmɨn mɨn ami, a borim batamin dughiam otozɨ, an a batamin gavgaviba puvatɨ.

Aisaia 63:3

“Kɨ uabɨra, kɨ wainɨn ovɨziba dɨkabɨra da mɨrmɨri moghɨn, kantriba dɨkabɨri, ezɨ kantrin tamɨn gumazitam nan akurazir puvatɨ. Kɨ men atara bar men anɨngaghe, egha bar pamtemɨn me dɨkarazɨ, men ghuziba pura tintinibar asavamaga, nan korotiabagh ira dar poke.

Aisaia 63:6

Nan anɨngagharir bar ekiam na gamima, kɨ ikɨzir avɨribar gumazamiziba dɨkabɨni. Kɨ puv me gamua uan anɨngagharim men akazɨ, me a baraki, mati me nan anɨngagharim itir itarimɨn wainɨn dɨpam ame, egha bar ongani. Ezɨ kɨ me mɨsogha men ghuziba isa nguazim ginge.”

Esekiel 7:7

O Israelɨn nguazimɨn itir gumazamiziba, ia bar moghɨra, ian dughiam roghɨra izegha gɨfa. Eghtɨ ia ua mɨghsɨabar uari akuv bar akueghan kogham. Ia datɨrɨghɨn atiatim sara uari akuv akong ikiam.

Sefanaia 1:15

Dughiar kamɨn, Ikiavɨra Itir Godɨn anɨngagharim azenim giram, eghtɨ gumazamiziba osɨmtɨzir ekiamɨn aven ikɨ men naviba bar ikuvigham, eghtɨ biziba tintinimɨn ikuvam. Eghtɨ ghuariaba aruem avaraghtɨ, mɨtater pɨgha duar dafam otogham.