Aisaia 22:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Kamaghɨn kɨ ia mɨgei, Ia nan navim damutɨ, a nɨmɨra ikɨsɨ damuan markɨ. Nan navim bar ikuvizɨ kɨ azia iti, kamaghɨn amizɨ, ia na ateghtɨ kɨ uabɨra ikiam. Nan gumazamiziba bar ikufi, ezɨ kɨ me ginɨghnɨghav arai.

Aisaia 22:4 ပူးပေါင်းရင်းမြစ်များ

Jeremaia 9:1

Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.

Matyu 2:18

“Me Raman nguibamɨn tiarir mam barasi, azirakam ko tuatem. Reselɨn boriba ua itir puvatɨ. Kamaghɨra a uan ovengezir boriba bagha azi. A navir amɨrizim inian aghua.”

Maika 1:8

Ezɨ Maika kamaghɨn mɨgei: “Bizir kaba otivam, eghtɨ nan navim bightɨ kɨ aziam. Kɨ uan osɨmtɨzir kam akakaghsɨ dagarir asuabar aghuan kogham, kɨ pura inir kurar bɨbɨziba ikiam. Egh kɨ afiar atiabar mɨn arongam. Egh kɨ ponemɨn mɨn arangam.

Jeremaia 31:15

Ikiavɨra Itir God kamaghɨn mɨgei: “Me Raman nguibamɨn tiarir mam barasi, azir akam ko tuatem. Reselɨn boriba ua itir puvatɨ. Kamaghɨra, a uan ovengezir boriba bagha azi. A navir amɨrizim inian aghua.

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Onger Akaba 77:2

Osɨmtɨziba na bativir dughiaba, kɨ Ekiam buriava an dei. Kɨ dɨmagaribar uan dafariba favɨra ikia a ko mɨgɨa, navir amɨrizim inizir puvatɨ.

Luk Osirizir Akar Aghuim 19:41

Iesus Jerusalemɨn boroghɨra iza, egha an gara a bagha azi.

Matyu 26:75

Ezɨ Pita Iesus mɨkemezir mɨgɨrɨgɨam ginɨrɨ, “Tuarim tɨghar akegham, eghtɨ nɨ faraghɨvɨra dughiar pumuning ko mɨkezim, na mɨkɨm suam, nɨ na gɨfozir puvatɨ.” Egha Pita azenimɨn ghua bar puvɨrama azi.

Jeremaia 8:18

Kɨ Jeremaia, kɨ kamaghɨn mɨgei: “Nan apangkuvir ekiam ko navim bar oseme, ezɨ nan nɨghnɨziba bar ikufi. Nan osɨmtɨzim agɨvamin tuaviba puvatɨ.

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Aisaia 33:7

Ia munagh ganigh! Mɨdorozir gumazir gavgaviba tintinibar tuavibar mɨtivighav ikia akurvazim bagha diava arai. Ezɨ abuir gumaziba mɨdorozim agɨvasa ingangarir mɨtiam gami, ezɨ mɨdorozim gɨvazir puvatɨ. Kamaghɨn amizɨ, abuir gumaziba datɨrɨghɨn bar puvɨram azi.

Aisaia 15:3

Egha azir korotiaba aghuigha, nguibar ekiabar tuavibagh arui. Marazi uan dɨpenibar avughsamin danganibar iti, ezɨ marazi uari akuva itir danganibar iti, Me bar puv azima, temeriba men damazibar izaghira, egha uaghira nguazim giri.

Jeremaia 9:18

Ezɨ gumazamiziba kamaghɨn mɨgei: “Are, me zuamɨra izɨva e bagh azirakar ighiabar amu. Me pamtem azi mamaghɨra ikɨ mangɨtɨ, e azitɨ temeriba en damazibar izɨv otiv iram.

Esekiel 27:31

Me nɨ bagha uan dapanir arɨzibar suigha da asiagharɨgha, azirakar korotiar bɨbɨziba aghui. Me nɨ bagha arava men navir averiaba bar ikufi.

Esta 4:1

Mordekai kamaghɨn oregha bar atiatingi. Kamaghɨn a uan korotiaba abigha bar oseme. Egha azirakar korotiar bɨbɨziba aghuigha averenim isa uan dapanir arɨzim gaghui, egha tuavir kamɨn men akaghasa, a bar oseme. Egha a nguibar ekiamɨn aven arua pamten azirakar ighiabagh ami.

Esekiel 21:11

Mɨdorozir sabar kam, me datɨrɨghɨra borem a gaghuizɨ a bar zuegha iti. A ingangarim damuasa me anekɨri. Me anemɨnegha borem a gaghuigha a isa gumazir gumazibav soghtɨ me arɨmɨghiramimɨn dafarim garɨsi.