Aisaia 22:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

^1-2 Ikiavɨra Itir God, Irebamɨn Mɨn Garir Biziba Otivamin Danganir Zarim bagh akar kam anɨngi. Ia Jerusalemɨn itir gumazamiziba, ia bar manmaghɨra nɨghnigha, dɨa nɨgɨnir dafam gamua, egha bar akonge? Ia uan dɨpenir inogoribar ghuavanega pamtem deima, ian nɨgɨnim nguibar ekiamɨn ruaghateviba bar dar ghu. Ian gumazir ariaghireziba, me mɨdorozir gumazir gavgavibar mɨn mɨsoghava ariaghirezir puvatɨ.

Aisaia 22:1 ပူးပေါင်းရင်းမြစ်များ

Jeremaia 21:13

“O Jerusalem, kɨ Ikiavɨra Itir God, kɨ guizbangɨra nɨ mɨgei. Nɨ oragh! Nɨ bar pɨn mar aperaghav ikia danganir zarir vɨn itibar gari. Nɨ mati dagɨar bar pɨn itim. Nɨ ghaze, ‘Tina izɨ e mɨsogham? Tinara izɨva en nguibar e aven modimɨn aven izam?’ Ezɨ puvatɨ.

Onger Akaba 125:2

Kamaghɨra, mɨghsɨaba Jerusalemɨn nguibam ekɨaruzɨ moghɨn, datɨrɨghɨn ko gɨn Ikiavɨra Itir God, uan gumazamiziba ekɨarugh men ganam.

Joel 3:14

Gumazamizir bar avɨrim, bar avɨrasemegh kotiam bagh danganir zarir kamɨn uari akuvagham. Ikiavɨra Itir God Izamin Dughiar Ekiam, bar dughiar ovezimɨn danganir zarir kamɨn otivam. Danganir zarir kamɨn ziar igharazim, God Ivezir Kuram Gumazamizibar Anɨngasa Mɨkeme.

Joel 3:12

Ezɨ God kamaghɨn mɨgei: “Kantribar gumazamiziba bar, dɨkavigh danganir zarir kamɨn izɨ. Me danganir zarir kam kamaghɨn a dɨbori, God Gumazamiziba Tuisɨsi. Kɨ danganir kam daperagh, Israelɨn boroghɨn itir kantribar gumazamiziba bar men arazir kuraba tuisɨgham.

Aisaia 15:3

Egha azir korotiaba aghuigha, nguibar ekiabar tuavibagh arui. Marazi uan dɨpenibar avughsamin danganibar iti, ezɨ marazi uari akuva itir danganibar iti, Me bar puv azima, temeriba men damazibar izaghira, egha uaghira nguazim giri.

Akɨnafarir Pol Romɨn Nguibar Ekiamɨn Itir Sios Bagha Osirizim 3:2

God bizir bar aghuir avɨriba Judabagh anɨngi! Bar bizir ekiam, God uan akam isa Judabagh anɨga ghaze, ia deravɨra a geghuv an ganam.

Maika 3:6

“Ia nan gumazamizibagh ifari, kamaghɨn amizɨ, kɨ ian anogoreghtɨ, ia ua irebamɨn mɨn gari bizibar ganan kogham, egh dar mɨngariba abɨghan kogh, egh ia gɨn otivamin bizibagh foghan kogh, dav kɨman kogham. Ia aruem iraghugha gɨvagha amɨnim pɨrizɨ moghɨn, ian dughiaba gɨvagham.”

Jeremaia 48:38

Kɨ Ikiavɨra Itir God, kɨ Moapɨn kantri gasɨghasigham, mati nguazir mɨner ingangariba puvatɨziba, gumazim ada abɨagharɨki. Kamaghɨn amizɨ, Moapɨn kantri ararer bar ekiam otogham. Eghtɨ me pɨn dɨpenibar azuaribar ikiam, o danganir me ivɨriabagh amua uari akuva itibar ikɨva, bar puvɨram aziam.

Aisaia 13:1

God kantri Babilon gasɨghasɨghasa, kamaghɨn, a irebamɨn mɨn garir bizimɨn aven, akam isa Emosɨn otarim, Aisaia ganɨngi.

Aghuzir Akaba 29:18

Ikiavɨra Itir God, akam gumazamizibagh anɨngizir puvatɨzɨ, me tintinibar arazir igharazir avɨrim gamighai. Ezɨ gumazir Godɨn Akar Gavgavibar gɨn zuim, a bar akongegham.

Onger Akaba 114:5

O Ongarim, nɨ manmaghsuava arav ghu? O Jordanɨn Fanem, nɨ manmaghsua ua ivemari puvatɨ?

2 Atriviba 6:28

Egha atrivim an azara, “Kɨ manmaghɨn nɨn akuraghasa nɨ ifonge?” Ezɨ amizim kamaghɨn a ikaragha ghaze, “Ga amizir kamning, kamaghɨn akam akɨri, nan otarim ga faragh anemam, egh dughiar igharazimɨn, ga an otarim amam.

2 Samuel 14:5

Ezɨ atrivim an azara, “Nɨ osɨmtɨzir manam iti?” Ezɨ amizim ghaze, “Atrivim, guizbangɨra, nan pam aremezɨ kɨ odiarimɨn iti.

1 Samuel 11:5

Dughiar kamɨn Sol uan obarir azenimɨn ingarigha gɨvagha, bulmakaun azenimɨn ingariziba inigha iza, gumazamizibar azirakam barasi. A nguibamɨn izegha gɨvagha men azai, “Ia tizim bagha bar moghɨrama azi?” Ezɨ me Jabesia amadazir akaba bar dar gun a geghari.

1 Samuel 3:1

Ezɨ otarir igiam Samuel, a Elin apengan ikia, Ikiavɨra Itir Godɨn ingangarim gami. Azenir avɨriba ghuezɨma, Ikiavɨra Itir God mɨgɨrɨgɨar avɨriba Israelia ganɨngizir puvatɨ. Dughiar vabara a irebamɨn mɨn garir bizibar aven a me mɨgei.

Gumazir Dapaniba 18:23

Ezɨ Maika ko mɨsoghasa zui darasi, Danɨn adarazir dei, ezɨ Danɨn anabamɨn adarazi ragha Maikan azara, “Manmaghɨn ami? Nɨ tizim bagha avɨrir dafar kam ko izi?”

Godɨn Araziba 22:8

“Egh ia dɨpenir igiamɨn ingar, egh dɨpenimɨn pɨn itir avughsamin danganimɨn mɨriabar, bɨrir oteviba asegh. Eghtɨ gɨn gumazitam an ikɨ nguazim girɨgh aremeghan kogham, kamaghɨn ia osɨmtɨziba puvatɨgham.

Jenesis 21:17

Ezɨ God borimɨn ararem baraki, ezɨ an ensel Godɨn nguibamɨn ikia Hagarɨn diagha a mɨgɨa ghaze, “Hagar, manmaghɨn ami? Nɨ atiatingan markɨ. God nɨn borimɨn ararem baregha gɨfa.

Matyu 10:27

Kɨ mɨtatemɨn ia mɨkemezir akaba, ia aruer angazangarimɨn dav kɨm. Egh sighsirir akar ia oraghiziba, ia mangɨ dɨpenir nogoribar tuiv dar gun gumazamizibav kɨm.

Aisaia 22:5

Ikiavɨra Itir Godɨn Gavgaviba Bar Itim, nan Ekiam, an osɨmtɨzir guar avɨriba ia bativamin dughiam amɨsevegha gɨfa. Osɨmtɨzir kaba, Irebamɨn mɨn Garir Bizibar Garir Danganir Zarimɨn ia bativam. Dughiar kamɨn, apanir bar avɨrim izɨva pamtemɨn dɨmɨva ivemar mangɨ izegh damutɨ, ia dɨgavir kuram damigh onganigham. Egh me nguibar ekiamɨn dɨvazir gavgavim akartɨ, ia atiatingtɨ, ian dɨmdiam bar saghon mangɨ mɨghsɨabar tugham.

Jeremaia 19:13

Ia Jerusalemɨn nguibar ekiamɨn itir dɨpeniba ko Judabar atrivibar dɨpenir siriabagh isɨn ghua mɨkoveziba bagha mughuriar aghuim zuir ofabagh amua, aseba bagha wain inger ofabagh ami. Eghtɨ Jerusalemɨn itir dɨpenir kaba bar moghɨra Tofetɨn danganimɨn mɨn otoghtɨ, gumazamizibar kuaba dar aven ikɨ Godɨn damazimɨn bar mɨzegham.’ ”

Jeremaia 32:29

Me izɨ nguibar ekiar kam daboroghtɨ a isigham. Eghtɨ avir kam dɨpeniba bar dar isigham, dɨpenir kaba gumazamiziba faragha dagh isɨn ghuavanaga, ofan mɨgharir mughuriar aghuim zuiba aser Bal bagha dagh amua, wainɨn ofaba aser igharaziba bagha da inge. Ezɨ gumazamiziba amir arazir kaba na gamima kɨ bar anɨngaghe.

Jeremaia 32:32

Israelia ko Judaba na damutɨ kɨ bar men anɨngaghɨvɨra ikiasa, me arazir kurar igharagha garibagh amuavɨra iti. Gumazamizir kɨniba ko, atriviba ko, gumazir dapaniba ko, ofa gamir gumaziba ko, akam inigha izir gumaziba ko, Judan gumazamiziba ko, Jerusalemɨn itir gumazamiziba, me bar moghɨra arazir kurabagh ami.

Sefanaia 1:5

Gumazamizir uan dɨpenibar isɨriabar ghuavanaga, aruem ko, iakɨnim ko, mɨkovezibar ziaba feba, kɨ me gasɨghasigham. Gumazamizir avɨrim nan ziam fa kamaghɨn mɨgei, ‘E Ikiavɨra Itir Godɨn ziamɨn pɨn an akakagha ghaze, Bar guizbangɨra, e an gɨn zui.’ Ezɨ puvatɨ, me uaghan asem Molekɨn ziam fa ghaze, ‘E asem Molekɨn ziamɨn pɨn akakagha ghaze, Bar guizbangɨra, e asem Molekɨn gɨn zui.’ Kamaghɨn amizɨ, kɨ me gasɨghasigham.