Aisaia 21:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Nan dapanim onganizɨ, nan mɨkarzim atiatim bangɨn nɨsi. Aruem iraghugha gɨvazɨ, amɨnirbɨrim nguibam avarazɨ dughiaba, kɨ zurara guaratɨziba bagha bar ifonge. Ezɨ datɨrɨghɨn puvatɨ, amɨnirbɨrim otozɨ irebam na gamima, kɨ bar atiatingi.

Aisaia 21:4 ပူးပေါင်းရင်းမြစ်များ

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Daniel 5:5

Me kamaghɨn amima, gumazimɨn dafarim zuamɨra bɨrimɨn otogha bɨrim gisɨn osiri. Danganir kamɨn lam isia an angazangarim bar ekefe, ezɨ atrivim bar deraghavɨra dafarir kamɨn garima, an osiri.

Daniel 5:1

Ezɨ datɨrɨghɨn Belsasar atrivir igiamɨn otogha, dɨmagarir mamɨn a isar ekiar mam gamua, egha uan gumazir ekiar tausen plan diazɨ me isar kamɨn izegha, a ko wainɨn dɨpam api.

Jeremaia 51:57

Atrivir kam, an ziam, Ikiavɨra Itir Godɨn Gavgaviba Bar Itim, kamaghɨn mɨkeme: “Kɨ Babilonɨn gumazir dapanibar amightɨ, me wainɨn dɨpabar ameghɨva onganigham. Kar fofozir gumaziba ko, gumazir ekiaba ko, gavmanba ko, mɨdorozir gumaziba. Me daku onganigh, ua dɨkavighan kogham.

Jeremaia 51:39

Ezɨ kɨ Ikiavɨra Itir God, kɨ guizbangɨra mɨgei: Men naviba arazir kurabar amusɨ dɨkavamin dughiamɨn, kɨ isar ekiatam me bagh a damightɨ, me dɨpar onganir avɨribar amɨva, bar ikuvigham. Egh me gɨn dakuv onganigh, egh ua dɨkavighan kogham.

Esta 5:12

Egha Haman ua kamaghɨn mɨgei, “Kwin Esta, uabɨ isar ekiar mam gamigha gumazir igharazitamɨn diazir puvatɨ. An atrivim ko narara inabazɨma ga ghu. Egha ghaze, guarara gurumzaraghan mangɨ a ko ua damam.

Godɨn Araziba 28:67

Ia biziba bar dar gan atiatim ian anangam. Egh dughiabar avɨgh mɨzarazibar suam, ‘Aio! Mɨzarazim zuamɨra mangɨghtɨ, Guaratɨzim izɨtɨ, deragham.’ Egh guaratɨzibar ia zurara avɨgh suam, ‘Aio! Guaratɨzim zuamɨra mangɨghtɨ, mɨzarazim izɨtɨ, deragham.’

Daniel 5:30

Ezɨ dɨmagarir kamra, Midian kantrin gumaziba iza Babilonɨn Atrivim Belsasarɨn mɨsoghezɨ ana areme.

Godɨn Araziba 32:11

Ikiavɨra Itir God, deragha Israelian gara me geghuvima, me bizitamɨn irɨzir puvatɨ. Mati kuarazir bagam uan nguziba mɨghamin arazarazibar da afi, ezɨ nguziba irasava amima a dar apengan ghua uan avɨzimɨn da fegha anadima, da irir puvatɨ.

Onger Akaba 55:5

Atiatim bar puvɨra nan anadima kɨ agoa nɨzima, atiatim bar na avara.

1 Atriviba 1:49

Gumazir Adoniya koma apiagha ameziba akar kam baregha, me bar atiatigha agoi. Kamaghɨn amizɨ, me dɨkavigha Adoniya ategha tintinibar ghue.

Onger Akaba 55:6

Ezɨ kɨ ghaze, “Kɨ kuarazir bunbamɨn mɨn avɨziba ikɨtɨ deragham. Kɨ danganitamɨn mangɨ ikɨ avughsɨsɨ, mɨghegh an mangam.

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.