Aisaia 21:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Aisaia 21:3 ပူးပေါင်းရင်းမြစ်များ

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Aisaia 26:17

O Ikiavɨra Itir God, e mati amizim borim batasa mɨzazim isa pamtemɨn arai moghɨn, e nɨn damazimɨn mɨzazim isi.

Onger Akaba 48:6

Me nguibamɨn gara nɨghava agoa mɨzazim isi, mati amizim borim batasa mɨzazim isi.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Jeremaia 48:41

Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Aisaia 16:11

Kamaghɨn amizɨ, kɨ Moapia ko, Kirheresɨn nguibar ekiamɨn gumazamiziba bagha nan navim bar oseme. Gumazimɨn navim bar osemegha gita mɨsogha ighiar amɨrizibagh ami moghɨn, nan navim bar oseme.

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Jeremaia 49:22

Ia gan! Apaniba Bosran nguibam gasɨghasɨghasa puvɨra izi, mati isam mɨghegha pɨn ghuavanabogha, tuigha izaghira asɨzim iniasa avɨziba one. Eghtɨ dughiar kamɨn, Idomɨn mɨdorozir gumaziba atiatigh okam nɨghnɨgham, mati amiziba boriba batasa mɨzaziba barasi.”

Aisaia 16:9

“Kɨ Jaserɨn nguibar ekiam ko, Sipman wainɨn azeniba bagha azi. Ezɨ nan damazir temeriba uaghan Hesbon ko, Elealen nguibar ekiamning gisɨn iri. Kɨ fo, ia bar ikuvigha gɨfa, kamaghɨn amizɨ, ian gumazamiziba wainɨn azenibar mangɨ, wainɨn ovɨzir andɨziba kuarsɨ bar akuegh dɨm ivemar mangɨgh izegh damuan kogham.

Aisaia 15:5

Mevzika! Kɨ uaghan Moapian apangkuvigha, me bagha azi. Kɨ garima, me uan nguibam ategha, ara ivemara Soarɨn nguibar ekiam ko, Eklat Selisian nguibar ekiamɨn zui. Me aziavɨra ghua Luhitɨn nguibar ekiamɨn tuavimɨn ghuavanadi. Egha me uan osɨmtɨzir ekiam gɨnɨghnɨgha pamtem aziava ara Horonaimɨn nguibar ekiamɨn tuavimɨn zui. Ezɨ men ararem bar ekefe.

Godɨn Araziba 28:67

Ia biziba bar dar gan atiatim ian anangam. Egh dughiabar avɨgh mɨzarazibar suam, ‘Aio! Mɨzarazim zuamɨra mangɨghtɨ, Guaratɨzim izɨtɨ, deragham.’ Egh guaratɨzibar ia zurara avɨgh suam, ‘Aio! Guaratɨzim zuamɨra mangɨghtɨ, mɨzarazim izɨtɨ, deragham.’

Jon Osirizir Akar Aghuim 16:21

Amizim borim batasava amuava, a fo, a mɨzazim iniamin dughiam otogha gɨfa. Kamaghɨn an oseme. Egha an otegha gɨvagha, a ua mɨzazir kam gɨnɨghnɨzir puvatɨ. An borim nguazimɨn otogha gɨfa, kamaghɨn amizɨ, a bar akonge.

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Jeremaia 6:24

Ezɨ Jerusalemia kamaghɨn mɨgei: “E apanir kam, an eghaghanim baregha gɨfa. Egha e men atiatia agharapaniba bar en amia. E nɨghnɨghava avenge, en ararem mati, amizim borim batasa mɨzazir ekiam isava arai.