Aisaia 21:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ezɨ God bizir bar kurar mam nan aka, kɨ irebamɨn mɨn garir bizimɨn, an gani. Kɨ orazi, Ikiavɨra Itir God kamaghɨn mɨgei: “Babilonia, me gumazamizibagh ifara paza me gami darasi. Egha me arazir kam gamima a ghua bar ekefe. Kamaghɨn amizɨ, ia kantri Elamɨn itir mɨdorozir gumaziba, ia izɨ Babilonia mɨsogh. Eghtɨ ia Midian kantrin mɨdorozir gumaziba, ia izɨ nguibar ekiar kam an ekɨarugh. Kɨ osɨmtɨzir Babilonia gumazamizir igharazibagh anɨdiba agɨvagham.”

Aisaia 21:2 ပူးပေါင်းရင်းမြစ်များ

Jeremaia 49:34

Ikiavɨra Itir God, akam Elamɨn kantrin gumazamizibar iti. Ezɨ Sedekaia Judan atrivimɨn otozir dughiamra, God akar kam maghɨra a isa uan akam inigha izir gumazim Jeremaia ganɨngi:

Aisaia 33:1

Ia kantrin igharazibagh asɨghasɨzi darasi, iavzika! Ia bar ikuvigham. Bar guizbangɨra, ia datɨrɨghɨn ikuvizir puvatɨ. Ezɨ ia kantrin igharazibagh asɨghasɨghamin dughiam, a gɨfa, eghtɨ ia uari ikuvigham. Ia igharaz darazigh ifarava, uan akar dɨkɨrɨziba abigha me isa apanibar agharim garɨsi. Bar guizbangɨra, tarazi datɨrɨghɨn ia gifarazir puvatɨ. Eghtɨ ia igharaz darazigh ifaramin dughiam, a gɨvagham. Eghtɨ igharaz darazi ia gifar, ia isɨ apanibar dafarim darɨgham.

Aisaia 24:16

Ia oragh! Nguazir kamɨn ruaghatevir bar saghon itibar gumazamiziba, me bar akongezir ighiabagh ami. Ezɨ men ighiam kamakɨn, “Ikiavɨra Itir God, arazir aghuibagh ami. Kamaghɨn amizɨ, e bar ziar ekiam a ganɨdi.” Ezɨ kɨ kamaghɨn mɨgei, “Iavzika! Kɨ bar akueghan kogham. Nan navim bar osɨmtɨzir dafam iti, ezɨ nan ikɨrɨmɨrim pura gɨvasava ami. Kɨ garima, gumazir arazir kurabagh amiba ko akar ifavaribagh amiba, igharaz darazigh ifara paza me gami.

Onger Akaba 60:3

E nɨn gumazamiziba, nɨ osɨmtɨzir avɨriba e ganɨngi, mati nɨ wainɨn onganim e ganɨdima, e anepava ongani.

Akar Mogomem 13:10

Eghtɨ gumazitam kalabusɨn mangɨsɨ, God amamangatɨghtɨ, a kalabusɨn mangɨ. Eghtɨ gumazitam mɨdorozir sabamɨn ovengsɨ, God an amamangatɨghtɨ, a mɨdorozir sabamɨn ovengam. Bizir kaba otivtɨma, Godɨn gumazamiziba nɨghnɨzir gavgavim ikɨ tugh gavgavigh mamaghɨra ikɨ.”

Daniel 5:28

Ezɨ akar kamɨn mɨngarim, ‘Abɨkigh,’ a kamakɨn, God nɨn kantri abɨghizɨ, an vuer mam Midian kantrin ghu, ezɨ an vuer mam Persian kantrin ghu.”

Daniel 8:20

“Sipsipɨn apurir komɨn pumuning itir nɨ ganizim, a kantri Midia ko kantri Persian ababanim.

Jeremaia 51:53

Eghtɨ Babilon ti overiamɨn ghuanabogh, egh mɨsoghamin danganir gavgavimɨn ingarightɨ, kɨ gumaziba ameghtɨ, me izɨ a gasɨghasɨgham. Kɨ Ikiavɨra Itir God, kɨ mɨkemegha gɨfa.”

Jeremaia 51:44

Kɨ mɨzazim Bel gasegham, a Babilonɨn asem. Kɨ a damightɨ bizir a tuavaremeziba, uam a dar migham. Eghtɨ Kantrin Igharazibar Gumazamiziba uam an izan kogham. Eghtɨ Babilonɨn dɨvazir ekiam bar akarighirɨgham.

Jeremaia 51:11

Ia Babilonɨn apaniba, ia mɨdorozim bagh mangɨsɨ uan afuziba amɨnɨva, oraba ini. Ikiavɨra Itir God ghaze, Babilonia an Dɨpenim gasɨghasɨki, ezɨ a ivezir kuramɨn me ikarvaghasa. Egh a Midian atrivibar nɨghnɨziba feghtɨ, me Babilonia mɨsogham. A tuavir kamra, bar Babilon gasɨghasigham.

Jeremaia 50:34

Ezɨ men Akurvazir Gumazim, a gavgavir ekiam iti, ezɨ an ziam kara, Ikiavɨra Itir Godɨn Gavgaviba Bar Itim. A men akuragh men apaniba abɨragham. Egh a dabirabir aghuim isɨ nguazir kamɨn gumazamiziba bar me danɨngam. Eghtɨ Babilonia puvatɨgham. A me damightɨ me pazɨvɨra ikiam.

Jeremaia 50:14

Ikiavɨra Itir God kamaghɨn Babilonɨn apanibav keme: “Ia barir pibar asavamadir darasi, ia Babilonɨn nguibam ekɨarugh, egh tuivigh mɨsogh. Ia uan barir afuzibar bar a gasegh! Ia tam ataghɨraghan markɨ. Babilonia me arazir kuramɨn Ikiavɨra Itir God gami, kamaghɨn amizɨ, ia nguibar kam bar a gasɨghasɨkigh.

Jeremaia 31:25

Eghtɨ gumazitamɨn mɨkarzim amɨragham, kɨ ua gavgavim a danɨngam. Eghtɨ gumazitam amɨragh damaziba an siram, kɨ gavgavir igiam a danɨngam.”

Jeremaia 31:20

Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

Aisaia 47:6

Kɨ bar puvɨra uan gumazamizibar atari, egha kɨ ua uan gumazamizibar mɨn me gɨnɨghnɨzir puvatɨ. Egha kɨ nɨ ataghizɨ, nɨ iza paza me gamua, egha nɨ tong men apangkuvizir pu. Bar puvatɨ. Nɨ bar pazavɨra me gamua osɨmtɨzir bar dafam me ganɨngi. Egha nɨ uaghan gumazamizir ghuribagh amima me osɨmtɨzir dafam ateri.

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

Aisaia 22:6

Elamɨn kantrin mɨdorozir gumaziba, me piba ko baribar suiki, egha me mɨsoghasa hoziaba ko karisba sara izi. Ezɨ Kirɨn nguibar ekiamɨn mɨdorozir gumaziba, me mɨsoghasa uan oraba sara izi.

Aghuzir Akaba 13:15

Gumazim nɨghnɨzir aghuim ikiam, gumazamiziba a gifuegham. Ezɨ gumazir ifariba, me tuavir kuramɨn zui.

Onger Akaba 79:11

Nɨ kalabusɨn itir gumazamizibar ararem baragh. Nɨ uan gavgavir ekiamɨn, gumazir apaniba mɨsueghtɨ aremeghasava amiba, uam men akuragh.

Onger Akaba 12:5

Ezɨ Ikiavɨra Itir God ghaze, “Gumazamizir onganarazibagh amiba, gumazamizir igharaziba paza me gamizɨ me mɨzaziba isa ara iti. Me nan akurvazim iniasa bar ifonge. Kɨ datɨrɨghɨn dɨkavigh izɨ men akurvagham.”

1 Samuel 24:13

Nɨ aghuzir akar fomɨra itir kam gɨfo, ‘Gumazir kurabara, arazir kurabagh ami.’ Ezɨ kɨ gumazir kuram puvatɨ, kɨ arazir kuratamɨn nɨ gamizir puvatɨ. Bar puvatɨ.

2 Atriviba 17:6

Ezɨ namba 9ɨn azenimɨn Hosia Israelian atrivimɨn itima, Asirian atrivim Samariaba dɨkabɨragha, men nguibar ekiam ini. Egha a Israelia inigha Asirian kantrin ghu. Egha marazi isa Halan nguibar ekiam gatɨ, egha marazi isa Gosanɨn Distrighɨn aven itir, Haborɨn Fanemɨn boroghɨra me arɨki. Ezɨ marazi Midian kantrin nguibabar iti.

Onger Akaba 25:3

Gumazamizir nɨghnɨzir gavgavim nɨn itiba, apaniba me abɨn aghumsɨzim me danɨngan kogham. Gumazamizir pura nɨn akaba batoziba, merara aghumsɨzim iniam.

Onger Akaba 119:158

Gumazir akaba batoziba, me nɨn Akar Gavgavibar gɨn zuir puvatɨ. Gumazir kaba, kɨ men gara nan navim bar ikuvizɨ, kɨ bar men amɨra.

Daniel 5:9

Kamaghɨn amizɨ, Atrivim Belsasar bar atiatingi. Egha an atiatir guam asaragha an gavgavim gɨvazɨma, an soroghafariba a ginɨsi. Ezɨ an gumazir ekiaba nɨghnɨghava avenge, kamaghɨn amizɨ, me bizitam damuan ibura.

Jenesis 10:22

Siemɨn otaribar ziabar kara: Elam, Asur, Arpaksat, Lidia ko Aram.

Aisaia 11:11

Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.

Aisaia 14:4

Eghtɨ Ikiavɨra Itir God kamaghɨn damightɨ, ia Babilonɨn atrivim gɨnɨghnɨgh ighiar dɨbovir akar kam damuam. Ighiar kam kamakɨn: “Maia! Ia ganigh, atrivir gavgavim irɨgha gɨfa. Manmaghɨn amizɨ, atrivir puvɨra atara uan ziam fer kaba irɨ? Ikiavɨra Itir Godra, paza gumazibagh amir gumazir kurar kabar gavgavim agɨfa.

Aisaia 14:7

“Ezɨ datɨrɨghɨn nguazir kamɨn ruaghateviba bar, avughsa navir amɨrizimɨn iti. Dar gumazamiziba bar akuegha ighiabagh ami.

Jeremaia 25:25

Egha ghua Simrin atriviba ko, Elamɨn kantrin atriviba ko, Midian kantrin atriviba ko,

Jeremaia 49:35

Ikiavɨra Itir Godɨn Gavgaviba Bar itim, a kamaghɨn mɨgei: “Barir pim, a mati Elamɨn kantrin agharim, ezɨ me apaniba dɨkabɨnasa bar gavgafi. Eghtɨ kɨ men barir piba apɨrarigham.

Daniel 8:2

Kɨ irebamɨn uabɨn garima, kɨ zuamɨra ghua Elamɨn provinsɨn oto. Egha Susan nguibar ekiamɨn tughav iti. Ulain Fanemɨn boroghɨn.