Aisaia 2:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ O God, nɨ gumazamiziba bar me dɨkabɨraghtɨ me bar aghumsigham. Egh nɨ gumazamizir kaba, men arazir kuraba gɨn amadagh ua me fan markɨ.

Aisaia 2:9 ပူးပေါင်းရင်းမြစ်များ

Aisaia 5:15

Gumazamiziba bar, me bar aghumsigham. Gumazamizir uarira uan ziaba feba, God me dɨkabɨragham, eghtɨ me ua ziaba puvatɨgham.

Akɨnafarir Pol Romɨn Nguibar Ekiamɨn Itir Sios Bagha Osirizim 3:23

Gumazamiziba bar moghɨra arazir kuram gamigha, Godɨn angazangarimɨn saghon ikia an aven mangan ibura.

Mak Osirizir Akar Aghuim 3:29

Eghtɨ gumazitam Godɨn Duamɨn ziam gasɨghasightɨma God an arazir kurar kam, a gɨn amadaghan kogham. Egh gumazir kam aremeghtɨ, arazir kurar kam an ikɨvɨra ikiam.”

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

Nehemia 4:5

Nɨ men osɨmtɨzim avaragh men arazir kuraba gɨn amangan markɨ. Guizbangɨra, me dɨvazimɨn ingarir gumazibar damazimɨn akar dɨbovir kurabagh amua nɨ gamizɨ, nɨn anɨngagharim men iti.”

Josua 24:19

Ezɨ Josua me mɨgɨa ghaze, “Ia zuamɨra kamaghɨn mɨkɨman markɨ, egh suam, kɨ Ikiavɨra Itir Godɨn ziam fam. Guizbangɨra, Ikiavɨra Itir God, godɨn igharazitam a ko magh garir puvatɨ. A uabɨra, ia an ziam fasa a ifonge. Ia akɨrim a gasaragh godɨn igharazibar ziaba fɨtɨ, a ian arazir kuraba gɨn amadaghan kogham.

Kolosi 2:23

E bar fo, arazir kaba me dav kɨm suam, da nɨghnɨzir aghuibar gɨn zui. Da guizbangɨra bar puvatɨ. Arazir kaba ghaze, ia uari uan ifongiamɨn gɨn mangɨva mɨghɨghvɨra Godɨn ziam fer arazibar amu. Egha ghaze, ia uarigh ifarɨva uari dɨkabɨn. Egha ghaze, ia Godɨn ingangarim damuva uan mɨkarzim mɨzazir kuram a danɨng. Egh arazir kaba, da en mɨkarzibar akuragh navir ghurimɨn araziba dɨkabɨragh da gɨvaghan kogham. Bar puvatɨgham.

Jeremaia 18:23

Ikiavɨra Itir God, nɨ fo, me na mɨsueghtɨ kɨ aremeghasava ami. Eghtɨ nɨ men arazir kuraba gɨn amangan markɨ. Men osɨmtɨziba agɨvan markɨ. Nɨ men anɨngaghvɨra ikɨva, men apanibar amutɨ, me izɨ nɨn damazimɨn me dɨkabɨragh.”

Aisaia 57:9

Ia paura ko sandan mughuriar bar isɨngtɨzim zuim uari gaghua, asem Melekɨn ziam fasa zui. Egha ia asebar ziaba fasa, abuir gumaziba amadima, me aseba buria nguibar bar saghon tibar zui. Egha ia uaghan me amadima, me Gumazamizir Oveaghuezibar Nguibamɨn ghua, dar duaba buri, eghtɨ ia dar ziaba fɨsɨ damuam.

Onger Akaba 62:9

Gumazir kɨniba mati, amɨnim pura akamɨn otiva zui. Gumazir ziaba itiba, me uaghan pura biziba. E men osɨmtɨziba tuisɨgh fogham, me guizbangɨrama osemes ti. Men osɨmtɨziba akamɨn otivir amɨnim ko magh ghue.

Onger Akaba 49:2

Ia gumazir ziaba itiba ko ziaba puvatɨziba, dagɨaba itir gumazamiziba, ko dagɨaba puvatɨziba, ia akar kam deragh a baragh.

Kolosi 2:18

Eghtɨ gumazitam bizitam irebamɨn mɨn bizimɨn ganigh, kamaghɨn a uabɨra uan ziam fɨtɨ, ia an akam baraghan markɨ. Gumazir kam suam, ia uarigh ifarɨva uari dɨkabɨnɨva egh enselbar ziaba fɨ. Eghtɨ ia an akam baraghan markɨ. Gumazir kam a uan nɨghnɨzim ko navir ghurimɨn arazibar gɨn ghua, pura mɨgɨa ghaze, kɨ uabɨ bar fo. Eghtɨ ia gumazir kamaghɨn amitam ateghtɨ a ia dɨkabɨragh, ian ivezir aghuim okɨman markɨ.

Onger Akaba 59:5

O Ikiavɨra Itir Godɨn Gavgaviba Bar Itim, nɨ Israelian God. Nɨ dɨkavigh zuamɨra izɨ ivezir kuram isɨ Kantrin Igharazibar Gumazamizibar anɨng. Gumazir uan namakaba isa apanibar dafaribagh arɨziba, nɨ men apangkuvan markɨ, nɨ bar me gasɨghasɨkigh. (Ighiam gamua an suiam atugha avughsegha ua ighiam gami.)

Aisaia 5:16

Ikiavɨra Itir Godɨn Gavgaviba Bar Itim uan arazir aghuimɨn gumazamiziba akɨr men akagham, egh a uabɨ ziar ekiam iniam. Egh a uabɨ gumazamizibar akagh suam, a Godɨn arazir aghuiba ko arazir zuruzibaram amim.