Aisaia 2:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Asebar gɨn zuir arazir guar avɨriba, Jekopɨn ovavir boribagh izɨfa, ezɨ me mati Filistian gumazamiziba. Ezɨ kukunir gumazibar arazir kuraba, me aruem anadi naghɨn itir kantriba dama da ini. Ezɨ me datɨrɨghɨn Kantrin Igharazibar Gumazamizibar arazibar gɨntɨsi. Kamaghɨn amizɨ, O Ikiavɨra Itir God, nɨn gumazamiziba, Jekopɨn ovavir boriba, nɨ akɨrim ragha me gasara.

Aisaia 2:6 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 11:20

Guizbangɨra, God kamaghɨn ami. Arazir an amizir kamɨn mɨngarim kamakɨn, me nɨghnɨzir gavgavim Godɨn itir puvatɨzɨ, a me aghore. Ezɨ ia nɨghnɨzir gavgavim Godɨn ikia, egha deravɨra iti. Kamaghɨn amizɨ ia deragh uari bagh gan, uari uan ziaba fan markɨ. Ia atiatingtɨ deragham.

2 Atriviba 1:2

Dughiar mamɨn, Israelian Atrivim Ahasia, uan dɨpenimɨn azuarim pɨn aperaghav iti. Azuarir kamɨn bɨrim akariaghɨrɨzɨ, Ahasia nguazim girɨgha bar kufi. Kamaghɨn amizɨ, a gumazir maba amada, eghtɨ me Filistian kantrin itir nguibar ekiam Ekronɨn mangɨ Ekronɨn asem Balsebup, an azangsɨgh fogh suam, a ua deragh otogham, o puvatɨgham.

Jeremaia 10:2

A kamaghɨn mɨgɨa ghaze: “Ia kantrin igharaziba amir arazibar gɨn mangan markɨ. Me overiamɨn igharagha garir otivir bizibar gara bar atiatingi. Ezɨ ia dar ganɨva, atiatingan markɨ.

Aisaia 8:19

Eghtɨ gumazamiziba ia mɨkɨmtɨ, ia mangɨ gumazamizir oveaghuezibar duaba ko mɨkɨm, me da nɨghnɨziba iniam. Egha me kuarazibar mɨn imoba, sighsirir akabar mɨgei. Ezɨ gumazamizir oveaghueziba, me nɨghnɨziba gumazamizir angamɨra itibar anɨngan iburagham. Kamaghɨn amizɨ, e tizim bagh aseba ko gumazamizir oveaghueziba da nɨghnɨziba iniasa ivemara me bagha zui? Puvatɨ. Arazir kam ikufi. Me uan God bagh mangɨ.

Aghuzir Akaba 6:1

Nan borim, gumazitam gumazir igharazitam da puram an bizim ini, egh tɨghar uam a ikarvagham, ezɨ nɨ a ko akam akɨrigha gɨvagha ghaze, “Nɨ a ikarvaghan iburaghtɨ, kɨ nɨ bagh a ikarvagham.” Nɨn arazir kam bar derazir puvatɨ.

Onger Akaba 106:35

Israelia kantrin igharaziba ko ikia men guiviba ko otariba uarir iti. Egha me amir arazir kuraba uaghan me ko dagh ami.

Nehemia 13:23

Dughiar kamɨn, kɨ uaghan kamaghɨn gari, Judan gumazir maba Asdotia ko Amonia ko Moapian amizir mabar iti.

2 Eghaghaniba 24:20

Ezɨ Godɨn Duam, ofa gamir gumazim Jehoiadan otarim Sekaraia gapasa. Ezɨ gumazamiziba Sekaraian ganasa, an azenim girɨgha ghua bar me gafiragha mɨtɨgha kamaghɨn mɨgei, “Ikiavɨra Itir God kamaghɨn mɨgei: Ia an Akar Gavgaviba munasaragha gɨfa, kamaghɨn amizɨ, ia deraghvɨra ikian kogham. Ia tizim bagha arazir kam gami? Ia akɨrim ragha Ikiavɨra Itir God gasaragha gɨfa, kamaghɨn amizɨ, an akɨrim ragha ia gasara.”

2 Eghaghaniba 15:2

Ezɨ Asaria ghua Atrivim Asan gara kamaghɨn a mɨgei, “Atrivim Asa, nɨ oragh. Nɨ ko, Judan anabam ko Benjaminɨn anabamɨn adarasi, ia oragh. Ia Ikiavɨra Itir Godɨn boroghɨra ikɨtɨ, a ia ko ikiam. Egh ia a buriva a baghvɨra ikɨtɨ, a ia ateghtɨ, ia an boroghɨn ikiam. Egh ia akɨrim a gasaraghtɨ, an akɨrim ia gasaragham.

1 Eghaghaniba 10:13

Sol Ikiavɨra Itir Godɨn akam baraghizir puvatɨ. A Ikiavɨra Itir Godɨn Akar Gavgavim batoke. An oveaghuezibar duabar dia, nɨghnɨzim uabɨ danɨng tuavim uabɨn akakaghasa, dar azai. Kamaghɨn amizɨ, an areme.

Dɨboboniba 23:7

Ezɨ Balam maghɨra God a mɨkemezir akabar gun me mɨgei: “Moapian Atrivim Balak, Aramɨn kantrin aven aruem anadi naghɨn mɨghsɨabar na inigha kagh ize. Egha ghaze, ‘Nɨ izɨ na bagh mɨkɨm. Me ikuvighsɨ nɨ akavsiatam Israelian gumazamizibar atɨghtɨ, nɨn aseba me damutɨ, me ikuvigham.’

Ofa Gami 20:6

“Eghtɨ gumazitam na tegh, kukunir gumaziba ko, ariaghirezir gumazibar duaba ko mɨgeiba bagh mangɨ, a mati tuavimɨn amizim tintinibar arua gumazir igharaziba koma akui. Kamaghɨn, kɨ gumazir kamɨn apanim damuva uan gumazamizibar tongɨn a batuegham.

Ofa Gami 19:31

“Egh ia nɨghnɨzir aghuim inisɨ, mangɨ ariaghirezir gumazamizibar duaba ko mɨgeir gumazimɨn azaraghtɨ, me duar kurabar nɨghnɨzim ia danɨngan markɨ. Ia kamaghɨn damu, ia nan damazimɨn bar mɨzegham. Kɨ Ikiavɨra Itir God, ian God, kɨ mɨkemegha gɨfa.

Ua Me Ini 34:16

Eghtɨ ameboghfeziaba uan otarir igiaba Israelɨn azenan itir amizir igiabar ikɨsɨ me ginamtɨ, amizir kaba me inigh mangɨtɨ, me na ategh asebar ziaba fam. Nan damazimɨn arazir kam mati gumazamiziba, uari isa tintinibar akuir arazim.

Ua Me Ini 22:18

“Ia imezibagh amir amizibav sueghtɨ me arɨmɨghiregh.

1 Samuel 6:2

ezɨ Filistiaba, uan ofa gamir gumaziba ko kukunir gumazibar diazɨ me izima, me kamaghɨn men azai, “E manmaghɨn Ikiavɨra Itir Godɨn Boksiam damuam? E uam an danganimɨn anemangɨsɨ, e manmaghɨra anemangam?”

Aisaia 14:29

“Ia Filistian gumazamiziba, ia oragh. Aghorir ian mɨsoghezir kam, a dɨpɨriaghirɨgha gɨfa, eghtɨ ia bizir kam bagh bar akongan markɨ. Gɨn kuruzitam oveghtɨ, kuruzir kuratam an danganim iniam. Egh kuruzir kam, a kuruzir bar kuram bateghtɨ, an avɨziba ikɨ, egh mɨghɨ mangɨ izegh damuam.

Jeremaia 12:7

Ikiavɨra Itir God ghaze, “Israelian gumazamizir kɨ ua baghavɨra mɨseveziba, kɨ akɨrim ragha me gasaragha gɨfa. Gumazamizir kɨ bar gifongezir kaba, kɨ datɨrɨghɨn apanibar amamangatɨghtɨ, me me dɨkabɨragham.

Maika 5:12

Egh kɨ ian meziba ko akavsiaba batuegh, ian kukunir gumaziba agɨvaghtɨ, me ua ikian kogham.

Sefanaia 1:8

Ikiavɨra Itir God ghaze, Dughiar kɨ uan gumazamizibav soghamim, kɨ atrivimɨn gumazir dapaniba ko, atrivimɨn otariba ko, kantrin igharazibar arazibagh amir gumazamiziba, kɨ me gasɨghasigham.

2 Atriviba 17:20

Ezɨ Ikiavɨra Itir God akɨrim ragha bar Israelia gasara. Egha a puv me gamua, egha apaniba amangizɨ me iza me gasɨghasɨki. Israelia arazir kuraba ataghizir puvatɨ, ezɨ Ikiavɨra Itir God men aghuagha, me batoghezɨ me an damazimɨn saghon ghue.

Maika 5:11

Egh kɨ ian nguibar ekiaba ko dar dɨvazir gavgaviba bar ada akarightɨ, ia uam adar mongɨva avegham.