Aisaia 2:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ia gumazir kɨniba kamagh me gɨnɨghnɨghan markɨ, egh suam, me ian akurvagham. Puvatɨ. Me dughiar otevimra ikegh arɨmɨghiregham. Mati gumazim abuan duam suasa uabɨ gekuigha gɨfa.

Aisaia 2:22 ပူးပေါင်းရင်းမြစ်များ

Jeremaia 17:5

Ikiavɨra Itir God kamaghɨn mɨgɨa ghaze, “Gumazim akɨrim ragha na gasaragha, nɨghnɨzir gavgavim gumazir kɨnimɨn ikia ghaze, kɨ uan gavgavimɨn uabɨn akurvagh deravɨra ikiam, gumazir kam a bar ikuvigham.

Onger Akaba 146:3

Ia uarir akurvaghsɨ nguazir kamɨn atriviba ko, gumazir dapaniba, me gɨnɨghnɨghan markɨ. Me pura gumazir kɨniba, me ian akuraghan kogham.

Jems 4:14

Ia zurara kamaghɨn mɨgɨa, egha ia fozir puvatɨ, bizir manam gurumzaraghan otivam. Ian ikɨrɨmɨrim mati mɨgharim, a dughiar otevimra ikeghɨva bar gɨvagham.

Onger Akaba 8:4

kɨ kamaghɨn nɨghnɨgha ghaze, e gumazamiziba ti manmaghɨram amizir biziba, ezɨ nɨ mɨghɨgha e gɨnɨghnɨsi? E pura biziba. Manmaghɨram amizɨ, nɨ bar puvɨrama e gɨnɨghnɨsi?

Aisaia 40:15

Bar guizbangɨra, Ikiavɨra Itir God, kantribar garima, me mati pura biziba. Me mati dɨpar muziarir ofɨzir vamɨra ira mɨner ekiam giri. Egha mati gumazim nguazir mɨnezir muziarir bar vamɨran osɨmtɨzim gɨfoghsɨ a inigh skel datɨghtɨ, an osɨmtɨziba puvatɨgham. Kantriba bar, Godɨn damazimɨn guizbangɨra bar sufi. A saghuiamɨn itir arighatɨzibar garima, men osɨmtɨziba mati nguazir mɨnezir kɨnim.

Onger Akaba 62:9

Gumazir kɨniba mati, amɨnim pura akamɨn otiva zui. Gumazir ziaba itiba, me uaghan pura biziba. E men osɨmtɨziba tuisɨgh fogham, me guizbangɨrama osemes ti. Men osɨmtɨziba akamɨn otivir amɨnim ko magh ghue.

Jenesis 7:22

Ezɨ nguazimɨn itir bizir angamɨra itiba bar ariaghire.

Jenesis 2:7

Egha gɨn Ikiavɨra Itir Godɨn Gavgavim nguazim inigha gumazir mamɨn ingari. Egha uan ikɨrɨmɨrir angamɨra itim anɨdir amɨnim isa, gumazimɨn atinimɨn a giverezɨma, an an aven ghu, ezɨ gumazim angamɨra iti.

Jopɨn Akɨnafarim 27:3

dughiabar zurara God na ataghizɨ, kɨ angamɨra ikiavɨra iti,

Aisaia 40:17

Nguazir kamɨn kantriba bar, me Ikiavɨra Itir Godɨn damazimɨn pura biziba. Me pura bizir kɨniba.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.

Malakai 3:15

E gumazir uari fa akaba batozibar gari, me bar akuegha deraghavɨra iti. Ezɨ gumazir arazir kurabagh amiba, me bizir aghuir avɨriba iti. Ezɨ gumazir arazir kuraba Godɨn akakaghasa dagh amiba, me ghaze, God ti me gasɨghasɨgham, ti puvatɨgham? Ezɨ God me gasɨghasɨghizir pu. Bar puvatɨ.’ ”