Aisaia 2:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Egh gɨn izamin dughiamɨn, Ikiavɨra Itir God dɨkavigh nguazir kamɨn gumazamiziba ivezir kuram me danɨngɨsɨ izam. Gumazamiziba bar an gantɨ, an atrivimɨn mɨn uan angazangarir ekiam ko gavgavim sara izɨtɨ, me bar puvɨram atiating, arɨ mangɨ dagɨar toribar mongegh ikiam. Tarazi nguazibar moziba okoregh dar aven mongam.

Aisaia 2:19 ပူးပေါင်းရင်းမြစ်များ

Aisaia 2:10

Ia gumazamiziba, ia arɨ mangɨ dagɨar toribar mongegh. Ia nguazibar moziba okoregh dar aven mongegh. Guizbangɨra, ia Ikiavɨra Itir Godɨn gantɨ, an atrivimɨn mɨn uan angazangarir ekiam ko gavgavim sara izɨtɨ, ia akong bar atiatigham.

Luk Osirizir Akar Aghuim 23:30

“ ‘Egh me dughiar kamɨn kamaghɨn mɨghsɨabav kɨmam, “Ia e gisɨn irɨghɨva, e mongegh!” ’

Hosea 10:8

Asebar ziaba fer danganiba, da mɨghsɨabar pɨn iti, ezɨ Israelia kagh men ziaba fa arazir kurabagh ami. Eghtɨ God danganir kabagh asɨghasigham, eghtɨ ogheba ko benir dɨkoniba aghung ofa gamir danganir kaba avegham. Eghtɨ gumazamiziba apanibar mongsɨ, kamaghɨn mɨghsɨabav kɨmam, “Ia e gisɨn irɨva e mongegh.”

Aisaia 2:21

Dughiar kamɨn, Ikiavɨra Itir God, uan anɨngagharim ko angazangarir gavgavim sara gumazamizibar araziba tuisɨghsɨ izam. Eghtɨ gumazamiziba atiatigh ivezir kuram gitaghsɨ, arɨ mɨghsɨar ekiabar ghuavanegh mozir torir kuiziba ko dagɨar toribar aven mongegh ikiam.

Akar Mogomem 11:19

24plan gumazir dapaniba mɨkemegha gɨvazɨma, Godɨn Dɨpenir an Nguibamɨn itim kuiaghirɨzɨma, me garima, Akar Dɨkɨrɨzir Gavgavim itir Boksiam Godɨn Dɨpenimɨn aven iti. Ezɨ overiamɨn onɨmariba taghtagha tintinibar zuima, nɨgɨnir dafam otozɨ, arariba dagarvasi, ezɨ mɨkɨmkɨzim otozɨ amozir ofɨzir ekiar dagɨabar mɨn gariba iri.

Hibru 12:26

Fomɨra itir dughiamɨn, Godɨn akam nguazim gamizɨ mɨkɨmkɨzim an oto. Ezɨ datɨrɨghɨn a kamaghɨn akar dɨkɨrɨzim e ganigha ghaze, “Kɨ ua nguazim damightɨ mɨkɨmkɨzim an otogham, eghtɨ nguazimra puvatɨ, kɨ nguazim ko overiam uaghara kamaghɨram aning damigham.”

Hagai 2:6

“ ‘Kar Ikiavɨra Itir Godɨn Gavgaviba Bar Itim kamaghɨn mɨgei. Dughiar otevimɨn, kɨ ua overiam ko, nguazim ko, ongarim ko, nguazir mɨdiarimɨn itir bizibagh nobaghnobagham.

Akar Mogomem 20:11

Egha kɨ atrivir dabirabir ghurghurir ekiamɨn garima a iti, ezɨ gumazir a gapiaghirim, kɨ an garima a iti. Ezɨ nguazim ko overiam aning arav ghu, eghtɨ gumazitam uam aningɨn ganan kogham.

Akar Mogomem 16:18

Ezɨ overiamɨn onɨmariba taghtagha zuima, nɨgɨnir dafam overiamɨn otozɨ, arariba dagarvasi, ezɨ mɨkɨmkɨzir ekiam oto. Kar mɨkɨmkɨzir bar ekiam, fomɨra gumazamiziba otozir dughiamɨn iza datɨrɨghɨn tu, mɨkɨmkɨzir ekiar kamagh garitam fomɨra otozir puvatɨ.

Akar Mogomem 11:13

Ezɨ dughiar kamra mɨkɨmkɨzir dafam otozɨ, God nguibar ekiamɨn dɨpeniba 10plan okoruabar da tuirazɨ dar okoruar mam bar ikufi. Ezɨ 7,000plan gumazamiziba ariaghire, ezɨ ariaghirezir puvatɨziba ikia, bar atiatigha Godɨn uan Nguibamɨn itimɨn ziam fe.

Akar Mogomem 9:6

Dughiar kamɨn, gumazamiziba ovengsɨ tuaviba buriam, egh me ovengan kogham. Me ovengsɨ bar ifueghtɨ, ovevem men arɨmangam.

Hibru 11:38

Nɨghnɨzir gavgavimɨn itir gumazir kaba, men araziba bar dera, ezɨ nguazir kamɨn gumaziba arazir aghuibar me damuan fɨrɨn, me men ikufi. Kamaghɨn amizɨ, me tintinibar ghua, gumazamiziba puvatɨzir danganiba ko mɨghsɨabar puram arua, egha dagɨar toriba ko nguazimɨn aven itir mozibar aven iti.

2 Tesalonika 1:9

Kamaghɨn amir gumazamiziba ivezir kurar kam inigh; bar ikuvigh mamaghɨra ikiam. Egh me Ekiamɨn saghon ikɨva, uaghan an gavgavimɨn angazangarir ekiamɨn saghon ikiam.

Maika 7:17

Egh me fogh suam, me gavgaviba bar puvatɨ, mati kuruziba uan navibar nguazim davaram. Egh akongɨva atiatigh uan danganir mogomeba ategh, Ikiavɨra Itir God bagh izam, a en God.”

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Aisaia 30:32

Ikiavɨra Itir God, Asiriabav sozir dughiamɨn, Godɨn gumazamiziba bar akueghɨva, gitaba ko buar guar avɨriba mɨsoghɨva, Ekiam me mɨsozir aghorimɨn tɨngagharim gɨrara mangam.

Onger Akaba 7:6

O Ikiavɨra Itir God, nɨ anɨngaghegh dɨkavighasa kɨ ifonge. Apaniba bar anɨngaghegha na mɨsosi, nɨ izɨ nan akuragh. O nan God, nɨ gumazibar araziba tuisɨghamin dughiam amɨsefe, kamaghɨn nɨ dɨkavigh izɨ nan akuragh.

1 Samuel 14:11

Kamaghɨn amizɨ, aning uaning isa Filistiabar akazɨ, me aningɨn gani. Egha kamaghɨn mɨgei, “Ia munagh gan. Hibruian gumazir maba muna izi, me dagɨar torir me aven modibar aven ikegha, azenim giregha izi.”

1 Samuel 13:6

Filistiaba ko Israelia uariv sosi. Ezɨ Filistiaba bar pamtemɨn mɨsozima, Israelia uarir gari me mɨdorozim gafiraghan kogham. Kamaghɨn amizɨma, Israelian marazi ghua nguazir toribar aven ghue, ezɨ marazi benir epariabar aven monge, ezɨ marazi mɨghsɨamɨn dagɨar toribar aven monge, ezɨ marazi dagɨar ekiabar tizibar monge, ezɨ marazi mozir dɨpabar aven, dar akɨribar monge.

Jopɨn Akɨnafarim 9:6

A nguazim gavgavim a danɨngasa bizibagh nobaghnobazima, nguazim puvɨra ivazvasi.

Aisaia 7:19

Egh me kantri Judan danganiba bar dagh izɨvagham. Me danganir moziba bar dagh izɨvagh, dagɨar toriba ko ogheba aghuir danganiba ko benir dɨkoniba itiba bar dagh izɨvagham.

Aisaia 13:13

Dughiar kamɨn, kɨ Ikiavɨra Itir Godɨn Gavgaviba Bar Itim, uan anɨngagharir bar dafam sara izam. Egh kɨ overiam ko nguazim damightɨ, aning nɨgham, eghtɨ nguazim isɨvagh uan danganim ategham.”

Aisaia 24:1

Ia deravɨram oragh! Ikiavɨra Itir God nguazim bar a gasɨghasɨghtɨ, a bar nguazir kɨnimɨn otoghtɨ gumazamiziba puvatɨgham. A nguazim dɨkaragh a rɨghɨrigham. Egh a gumazamizibar amightɨ, me arɨ tintinibar mangegham.

Aisaia 24:18

Eghtɨ gumazitam dughiar kurar kamɨn mɨgɨrɨgɨam bareghɨva arɨmangam, a torir ekiamɨn magɨrɨgham. Egh a uamategh anabogh arɨ mangɨsɨ, ivem gasagham. Guizbangɨra, overiam kuighirɨghtɨ, amozir ekiam nguazim giram. Eghtɨ nguazimɨn mɨngarim nɨgham.

Aisaia 24:19

Nguazim bar puvɨra nɨgh bɨghirɨ, akaba akarɨghiregh ikiam.

Aisaia 33:10

Ikiavɨra Itir God kamaghɨn mɨgei, “Kɨ datɨrɨghɨn dɨkavigh ingangarim damuam, eghtɨ gumazamiziba ganigh nan ziar ekiam fam.

Jeremaia 4:29

Kɨ Jeremaia, kɨ garima, mɨdorozir gumazir maba hoziabagh apiazɨ, gumazir maba uan pibar suigha mɨdorozim bagha izi. Ezɨ gumazamizir danganir kabar itiba, me baregha, bar moghɨra uan nguibaba ataghɨraghava are. Men marazi ara ghua ruaribar aven monge, ezɨ marazi ghua dagɨar toribar aven monge. Ezɨ nguibaba bar moghɨra pura mɨsevir kɨnibar itima, gumazamiziba puvatɨ.

Jeremaia 48:28

“Ia Moapia, ia uan nguibaba ategh mangɨ dagɨabar tongɨn mongegh. Ia kuaraziba danganir kurabagh isɨn mɨkonibar ingari moghɨn damu.

Esekiel 33:27

“Nɨ me mɨkɨm suam: Kɨ Ikiavɨra Itir Godɨn Ekiam, kɨ zurara angamɨra ikia mamaghɨra iti, kɨ uan ziamɨn bar guizbangɨra ia mɨgei: Danganir ikuvizibar ikiavɨra itir gumazamiziba, apaniba izɨ me mɨsoghɨrarɨgham. Ezɨ nguibabar azenan itir gumazamiziba, kɨ asɨzir atiabar amutɨ, da izɨ me mɨsogh me amam. Eghtɨ mogomer danganiba ko dagɨar toribar moga iti darasi, arɨmariar kuraba me damutɨ me arɨghiram.

Nahum 3:11

Ia Niniveba, ia uaghan Tebesbar mɨn otivam. Ia dɨpar onganibar amɨ gumazir onganibar mɨn otivam. Ian nɨghnɨziba onganightɨ ia daighiram, egh apanibar atiating arɨ mangɨ mongsɨ danganiba buriam.

Hagai 2:7

Ikiavɨra Itir Godɨn Gavgaviba Bar Itim ghaze, Kɨ kantrin igharazibagh nuabaghtɨ me akong, uan bizir aghuir ivezir bar pɨn koziba inigh kagh izɨtɨ, nan Dɨpenim ganganir aghuim damuam.

2 Samuel 22:46

Men gavgaviba bar gɨvazɨ, me nɨrɨzim ko agorogem sara na bagha izi.