Aisaia 2:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ikiavɨra Itir God otivamin dughiamɨn, a gumazamizir uarira uari feba bar me abɨragham, eghtɨ me bar aghumsigham. Eghtɨ a uabɨra dughiar kamɨn ziar ekiam iniam.

Aisaia 2:11 ပူးပေါင်းရင်းမြစ်များ

Onger Akaba 18:27

Gumazamizir uari abɨriba, nɨ men akurvasi. Gumazamizir uari pɨrafiba, nɨ me abɨri.

Aisaia 2:17

Ikiavɨra Itir God otivamin dughiamɨn, a gumazamizir uarira uari feba bar me abɨragham, eghtɨ me bar aghumsigham. Eghtɨ marvir guaba uaghan bar gɨvagham. Eghtɨ Ikiavɨra Itir God uabɨra dughiar kamɨn ziar ekiam iniam.

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Aisaia 24:21

Eghtɨ Ikiavɨra Itir God uabɨ mɨsevezir dughiamɨn, a Godɨn Nguibamɨn itir mɨdorozir gumaziba ko, nguazir kam gativir atriviba, ivezir kuram isɨ me danɨngam.

Aisaia 13:11

Ikiavɨra Itir God kamaghɨn mɨgei, “Gumazamizibar arazir kuraba nguazir kam gizɨfa, kamaghɨn amizɨ, kɨ men arazir kuraba ikarvagh, puv me damigham. Gumazamizir uarira uan ziaba feba, kɨ me dɨkabɨragham. Gumazamizir igharaz darazi paza me gamua uari feba, kɨ pazɨ me damigh men ifaghatir arazim agɨvagham.

Aisaia 12:4

Dughiar kamɨn ia kamagh mɨkɨmam: “E Ikiavɨra Itir God, an ziam dɨpon, egh a mɨnabɨva, uarir akurvaghsɨ an dɨmam. Egh ingangarir ekiar an amizibar gun kantribar gumazamiziba bar moghɨra me mɨkɨmɨva, an ziar ekiamɨn gun mɨkɨm.

Maika 4:6

Ikiavɨra Itir God kamaghɨn mɨgɨa ghaze, “Gɨn otivamin dughiamɨn, gumazamizir kɨ faragha ivezir kuram me ganɨga, kalabuziar gumazamizibar mɨn kantrin igharazimɨn amadaziba ko, suer kurar daruan iburaziba, kɨ ua me akuvam.

Hosea 2:18

“Dughiar kamɨn, kɨ asɨzir atiaba ko, kuruziba ko, kuaraziba koma akar dɨkɨrɨzir gavgavim damigham. Eghtɨ da nan gumazamizibagh asɨghasɨghan kogham. Egh mɨdorozim gamir biziba, mati barir piba ko, afuziba, kɨ bar ada apɨrarigham. Eghtɨ nan gumazamiziba navir amɨrizimɨn ikɨ nguazir kamɨn ikiam, egh uam atiatingan kogham.

Esekiel 39:22

Egh dughiar kamɨn ikegh mangɨ dughiaba bar, Israelɨn ikɨzim kamaghɨn deragh fogham, Kɨ Ikiavɨra Itir God, kɨ men God.

1 Pita 5:5

Ezɨ kamaghɨra, ia gumazamizir igiaba, ia gumazamizir aruabar apengan ikɨ. Egh ia bar uari abɨrir arazimɨn gɨn mangɨva egh uaghan Godɨn gumazamizibar apengan ikɨ. Godɨn Akɨnafarim kamaghɨn mɨgei: “God zurara gumazir uan ziaba feba, a me dɨkabɨri, egha gumazir uan ziaba dɨkabɨriba God men apangkuva egha bar deravɨra me gami.”

2 Korin 10:17

Godɨn Akɨnafarim kamaghɨn mɨgei, “Tina bar akongeghsɨ, an Ekiam amizir arazibagh nɨghnɨgh, a bagh bar akongegh.”

2 Korin 10:5

Egha e ifavarir akaba, ko nɨghnɨzir guar avɨriba dɨkabɨri. Nɨghnɨzir kaba, gumazamiziba Godɨn fofozim iniasava amima, da men tuaviba apɨri. Ezɨ e gumazamizibar nɨghnɨziba ikiagharɨsi, mati me gumazir kuram isa kalabus gatɨ. Egh e men nɨghnɨzibar amightɨ, men nɨghnɨziba Kraisɨn akamɨn gɨrara mangam.

Luk Osirizir Akar Aghuim 18:14

Kamaghɨn amizɨ kɨ guizbangɨra ia mɨgei, gumazir dagɨaba isir kam, a Godɨn damazimɨn dera, egha dɨpenimɨn ghu. Ezɨ igharazim puvatɨ. Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiaba iniam.”

Sekaraia 9:16

“Dughiar kamɨn, Ikiavɨra Itir God men God uan gumazamiziba iniam, mati laion sipsipbagh asɨghasɨghasava amima, sipsipbagh eghuvir gumazim uam me iniam. Eghtɨ me bar deraghvɨram an nguazimɨn ikiam, mati atrivimɨn dapanir asuamɨn itir dagɨar ivezir bar pɨn kozibar mɨn taghtagham.

Sefanaia 3:16

O Jerusalem, Dughiam izɨtɨ me nɨ mɨkɨm suam, Ia Saionɨn gumazamiziba, ia puram akongɨva bizitamɨn atiatingan markɨ.

Sefanaia 3:11

“Nan gumazamiziba, ia guizbangɨra nan akam batoke. Eghtɨ kɨ bizir kabar amutɨ da otivamin dughiamɨn, ian tongɨn itir gumazir uari fa akaba batoziba, kɨ bar me batuegham. Eghtɨ ia Jerusalemɨn ikiam, kar nan mɨghsɨam, egh ia ifaghatɨ ua nan akaba batoghan kogham. Kamaghɨn amizɨ, ia uamategh Jerusalemɨn izeghɨva, nɨ ua uan arazir kurabagh nɨghnɨgh aghumsɨghan markɨ.

Maika 5:10

Ikiavɨra Itir God, kamaghɨn Israelia mɨgɨa ghaze: “Gɨn otivamin dughiamɨn, kɨ mɨdorozir bizibagh asɨghasɨgham. Egh ian hoziabagh asɨghasɨgh ian karisba apɨrarigham.

Obadia 1:8

Ezɨ Ikiavɨra Itir God ua ghaze: “Kɨ ia gasɨghasɨghamin dughiam, kɨ Idomian fofozir gumazibagh asɨghasigham, egh mɨghsɨabar pɨn itir Ison ovavibar fofozir aghuiba itir gumaziba, kɨ me da bar da batuegham.

Amos 9:11

Ikiavɨra Itir God kamaghɨn mɨgɨa ghaze, “Dughiatam otoghtɨ, kɨ Atrivim Devitɨn ikɨzimɨn aven atrivitam damightɨ, a tugham. Dɨpenir kam kɨ gɨn uam anekɨrigh, an dɨvaziba ua da aseghtɨ, dɨpenir kam fomɨra ikezɨ moghɨn ua ganam.

Joel 3:18

Dughiar kamɨn, wainɨn azenir avɨriba otivigh mɨghsɨaba avegham, eghtɨ mɨghsɨar muziariba bar, bulmakaun avɨriba dar ikiam. Eghtɨ gɨn Judan nguazimɨn itir daghurir dakeziba, dɨpar avɨriba zurara dagh izɨvagh ivemaram. Eghtɨ dɨpatam Ikiavɨra Itir Godɨn Dɨpenimɨn ikegh azenan izɨ, emɨr ivemar Akasɨn Temeba Itir Danganir Zarimɨn mangam.

Hosea 2:21

Kɨ Ikiavɨra Itir God, kɨ dughiar kamɨn uan gumazamiziba Israelian azangsɨziba baragham. Egh amozim amadaghtɨ, a nguazim gizam. Eghtɨ men azenibar dagheba ko, wainba ko, olivɨn temer me borem isiba, bɨva avɨrasemegham, mati Jesrilɨn azenir aghuim.

Hosea 2:16

Egha Ikiavɨra Itir God kamaghɨn Israelia mɨgei: “Ia dughiar kamɨn, nan amuimɨn mɨn ikɨ kamaghɨn na dɨpon suam, ‘Nɨ nan pam.’ Egh ia ua kamaghɨn na gɨnɨghnɨghan kogh suam, ‘Nɨ aser kam Bal, nɨ nan Ekiam.’ Puvatɨ.

Esekiel 39:11

Ikiavɨra Itir God kamaghɨn mɨgei, “Bizir kaba bar otivightɨma, kɨ Israelɨn nguazimɨn Gok afɨsɨ nguazim a danigham. Danganir kam, Amangsɨzim Itir Dɨpar Akaremɨn aruem anadi naghɨn danganir zarimɨn ikiam, egh gumazamizir mangɨgh izegh gamibar tuavim apɨrigham. Me gɨn Gok uan mɨdorozir gumaziba ko, danganir zarir kamɨn bar me afam. Egh me ziar kam a darɨgham, ‘Gokɨn Mɨdorozir Gumazibar Danganir Zarim.’

Esekiel 38:19

Kɨ atarɨva navir kuram ikɨ, nan anɨngagharim avimɨn mɨn na dɨkavtɨ, kɨ kamaghɨn mɨkɨm suam: Kɨ mɨkɨmkɨzir ekiam amadaghtɨ, a Israelɨn nguazimɨn otogh a ginobaghnobagham.

Esekiel 38:14

“Nguazir kamɨn gumazim, nɨ nan akam an gun Atrivim Gok mɨkɨm suam, ‘Kɨ Ikiavɨra Itir Godɨn Ekiam, kɨ kamaghɨn mɨgei: Nɨ gantɨ, nan gumazamiziba Israelia deravɨra dapiagh ikiam. Eghtɨ nɨ dughiar kamra dɨkavigh me bagh mangɨ.

Jeremaia 9:24

Gumazim bar akueghsɨ, a bizir bar vamɨra bagh bar akongegham. Bizir kam kamakɨn: Kɨ Ikiavɨra Itir God, a na gɨfozir bizim bagh bar akongegh. Kɨ zurara nguazimɨn gumazamiziba bar men apangkufi. Egha kɨ zurara guizɨn arazimɨn gɨn ghua arazir aghuibar me gami. Kɨ arazir kam damuasa bar akonge. Kɨ Ikiavɨra Itir God, kɨ kamaghɨn mɨkemegha gɨfa.”

Aisaia 52:6

Kamaghɨn amizɨ, kɨ uabɨ mɨsevezir dughiamɨn, kɨ uabɨ uan gumazamiziba ua me iniam, eghtɨ me deravɨra nan ziam gɨfogham. Egh me kamaghɨn fogh suam, kɨrara, kɨ Ikiavɨra Itir God, kɨ uabɨra biziba bar dar gun mɨgei.”

Aisaia 37:23

Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!

Aisaia 30:23

Eghtɨ Ekiam ia oparizɨ dagher ovɨziba bagh amozim amadaghtɨ, a izighirɨ da ruam, eghtɨ da deravɨra nguazir kamɨn otivam. Eghtɨ ia dagher avɨriba ikiam. Eghtɨ ian bulmakauba uaghan damamin grazir avɨriba ikiam.

Aisaia 29:18

Eghtɨ dughiar kamɨn kuarir orazir puvatɨziba, akɨnafarir me osirizimɨn akaba baragham. Eghtɨ damazir kurar bar mɨtarmemɨn aven itiba, ua ganam.

Aisaia 28:5

Eghtɨ dughiar kamɨn, gumazamizir ikiavɨra itir vabara, me Ikiavɨra Itir Godɨn Gavgaviba Bar Itim bagh bar akuegham. A uabɨ atrivimɨn dapanir asuar aghuimɨn mɨn ikiam, egh mati akɨmarir bɨzim me uan dapanibagh aghui.

Aisaia 26:1

Dughiatam gɨn otoghtɨ, Judan nguazimɨn itir gumazamiziba ighiar kam damuam: En nguibar ekiaba bar gavgafi! Ikiavɨra Itir God, a uabɨ en dɨvazir bar mɨtiar gavgavimɨn mɨn iti. An en akurvazima, e uan apaniba dɨkabɨri.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Aisaia 4:1

Dughiar kamɨn, 7plan amiziba gumazitamɨn suiragh a muigh, kamaghɨn pamtem a gakaghonam, “E dagheba ko korotiaba uari uarir akurvagh ikiam. E paba puvatɨgha bar aghumsɨki. Kamaghɨn amizɨ, e uari, nɨ en pam gavagh.”

2 Tesalonika 1:10

Ezɨ Dughiar God atɨzim, Ekiam ua izɨtɨma an gumazamizir nɨghnɨzir gavgavim an itiba, me an ziam fɨva, ziar ekiam a danɨng a bagh bar akuegham. Ia Godɨn akar e ian tongɨn kunizim, ia nɨghnɨzir gavgavim an iti. Kamaghɨn amizɨ, ia dughiar kamɨn uaghan me ko ikiam.

2 Samuel 22:28

Gumazamizir uari abɨriba, nɨ men akurvasi. Gumazamizir uari pɨrafiba, nɨ me abɨri.

Onger Akaba 20:8

Gumazamizir kamaghɨn amiba, me asaghpora ira bar puvarɨsi. E puvatɨ. E dɨkavigh tuivigh gavgavigham.

Onger Akaba 46:10

A kamaghɨn mɨgɨa ghaze, “Ia uarir asugh nɨmɨra ikɨ. Egh deragh na gɨfogh, kɨ guizbangɨra God. Kantriba bar nan ziam fɨ. Nguazir kamɨn itir gumazamiziba bar kamaghɨn mɨkɨm suam, Kɨrara kɨ ekevegha bar pɨn iti.”

Aghuzir Akaba 30:13

Ezɨ gumazamizir maba uan ziaba fa ghaze, e bar derazɨ, gumazir igharaziba me pura biziba.

Aisaia 23:9

Kar Ikiavɨra Itir Godɨn Gavgaviba Bar Itim mɨgeima, arazir kam oto. Gumazir uan gavgaviba ko, uan ziar ekiaba fa bar akongeziba, Ikiavɨra Itir God me dɨkabɨnasa. Egha a uaghan gumazir ziar ekiaba itibar ziaba dɨkabɨnasa, bizir kam gami.

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.

Maika 2:3

Kamaghɨn amizɨ, Ikiavɨra Itir God kamaghɨn mɨgɨa ghaze, “Ia oragh! Kɨ ia gasɨghasɨghasa nɨghnɨsi, eghtɨ ia arɨ mangamin tuaviba puvatɨgham. Dughiar kurar kam ia batoghtɨ ia ganigh fogham, egh ia ua gɨn, uan ziaba fɨsɨ kamaghɨn damuan kogham.

Onger Akaba 18:28

O Ikiavɨra Itir God, nɨ nan God, nɨ angazangarim na ganɨdi. Egha na da mɨtarmem batosi.

Onger Akaba 46:11

Ikiavɨra Itir Godɨn Gavgaviba Bar Itim, an e ko iti. A Jekopɨn God, a en danganir mogomem. (Ighiam gamua an suiam atugha avughsegha ua ighiam gami.)

Onger Akaba 94:2

Nɨ gumazamizibar amightɨ me nɨn kotiamɨn tuivam. Nɨ datɨrɨghɨn gumazir akaba batozibar arazim ikarvagh, ivezir kuram me danɨng.

Aghuzir Akaba 16:5

Ikiavɨra Itir God, gumazir ifaghata uari uan ziaba feba bar men aghua. Ezɨ e kamaghɨn fo, Ikiavɨra Itir God, me ateghtɨ me pura mangeghan kogham. Puvatɨ. A ivezir kuram me danɨngam.

Aisaia 10:12

Asirian atrivim ghaze, a bar pɨn mar ikia bar gavgafi, egha a uabɨra uan ziam fe. Eghtɨ gɨn nan Ekiam, a faragha mɨkemezɨ moghɨn, a Saionɨn Mɨghsɨamɨn ikɨ, a Jerusalemɨn nguibar ekiam, a uan ingangariba bar dar amigh gɨvaghtɨ, a gɨn uamategh mangɨ ivezir kuram Asirian atrivim danɨngam.

Aisaia 14:15

“Ezɨ noka, nɨ irɨgha gɨfa, nɨ bar vɨn mar magɨrɨ Gumazamizir Oveaghuezibar Nguibamɨn ikɨ, egh nɨ bar apengan ikiam.

Aisaia 40:23

An atriviba ko gumazir ziaba itiba abɨrima, me ua ziaba puvatɨ.

Jeremaia 12:9

Nan gumazamizir kɨ ua baghavɨra inabaziba, me mati kuarazir mam, kuarazir isaba iza anekɨarugha a gasɨghasɨsi. Kɨ kantrin igharazibar diaghtɨ me izɨ nan gumazamizir kɨ ua baghavɨra inabazibagh asɨghasɨgham, Mati gumazim asɨzir atiabar diaghtɨ, me uaghan izɨ kuarazir kam amam.

Daniel 4:34

Gɨn 7plan azeniba gɨvazɨ, kɨ Nebukatnesar, kɨ kogha Godɨn nguibamɨn gara, egha nan nɨghnɨziba ua dera. Egha kɨ Godɨn Bar Pɨn Itim bagha bar akonge. A Godɨn ikia mamaghɨra itim, kamaghɨn, kɨ an ziam fam. Egha kɨ kamaghɨn mɨgei: God atrivimɨn ikɨ mamaghɨra ikiam. Eghtɨ an atrivir kam dughiabar ikɨvɨra ikiam.