Aisaia 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia gumazamiziba, ia arɨ mangɨ dagɨar toribar mongegh. Ia nguazibar moziba okoregh dar aven mongegh. Guizbangɨra, ia Ikiavɨra Itir Godɨn gantɨ, an atrivimɨn mɨn uan angazangarir ekiam ko gavgavim sara izɨtɨ, ia akong bar atiatigham.

Aisaia 2:10 ပူးပေါင်းရင်းမြစ်များ

Jeremaia 10:7

Nɨ kantriba bar dar gumazamiziba bar me gativagha men gari, ezɨ me bar nɨn atiating nɨn apengan ikɨ nɨn ziamra fam. Ezɨ nguazir kamɨn fofozir aghuiba itir gumaziba ko atriviba, men tav nɨn mɨn amir puvatɨ.

2 Tesalonika 1:9

Kamaghɨn amir gumazamiziba ivezir kurar kam inigh; bar ikuvigh mamaghɨra ikiam. Egh me Ekiamɨn saghon ikɨva, uaghan an gavgavimɨn angazangarir ekiamɨn saghon ikiam.

Luk Osirizir Akar Aghuim 23:30

“ ‘Egh me dughiar kamɨn kamaghɨn mɨghsɨabav kɨmam, “Ia e gisɨn irɨghɨva, e mongegh!” ’

Luk Osirizir Akar Aghuim 12:5

Ezɨ, ia tinarama atiatingam, kɨ ian akagham. Ia Godɨn atiating, a ian namnam gasɨghasighɨva, gɨn ia inigh helɨn avim mɨkɨnamin gavgavim iti. Ezɨ kɨ guizbangɨra ia mɨgei, ia Godɨn atiating.

Hosea 10:8

Asebar ziaba fer danganiba, da mɨghsɨabar pɨn iti, ezɨ Israelia kagh men ziaba fa arazir kurabagh ami. Eghtɨ God danganir kabagh asɨghasigham, eghtɨ ogheba ko benir dɨkoniba aghung ofa gamir danganir kaba avegham. Eghtɨ gumazamiziba apanibar mongsɨ, kamaghɨn mɨghsɨabav kɨmam, “Ia e gisɨn irɨva e mongegh.”

Jeremaia 10:10

Ezɨ Ikiavɨra Itir God, a guizbangɨra God. A Godɨn zurara ikia mamaghɨra itim, egh atrivimɨn ikɨ mamaghɨra ikiam. Ezɨ an anɨngagharim nguazim gamima, a ivazvasi, eghtɨ gumazamiziba deraghvɨra ikian kogham.

Aisaia 42:22

O Israelia, ia datɨrɨghɨn bar paza iti. Apaniba ia gasɨghasɨgha ian biziba okemegha da inigha ghue. Me uaghan pamtem ian suigha ia inigha ghua kalabuziar dɨpeniba ko toribar aven ia arɨki. Ia mati pura bizir kɨniba, apaniba ia okemegha ia inigha ghue, ezɨ ian akurvagh ua ia iniamin gumaziba puvatɨ.

Aisaia 10:3

God ian arazir kurar ia amir kaba ikarvagh, ia gasɨghasightɨ, ia manmaghɨn damuam? Dughiar kam, a kantrin saghon itimɨn gumaziba inigh izɨtɨ, me amɨnir gavgavimɨn mɨn izɨ ian bizibagh asɨghasɨghtɨ, ia manmaghɨn damuam? Ia ti ivegh mangɨ tina dama akurvazim iniam? Ian ziar ekiam ko bizir avɨrir ia iniziba, ia ti managh dar arɨghtɨ, da deraghvɨra ikiam? Bar puvatɨgham!

Onger Akaba 90:11

Tinara nɨn adarir ekiamɨn gavgavim gɨfo? Nɨ atarima gumazamiziba nɨn atiati, tinara men atiatir kam gɨfo?

Jopɨn Akɨnafarim 31:23

Kɨ Godɨn gavgavir ekiam gɨnɨghnɨgha puv atiati. A gumazir arazir kurabagh amibagh asɨghasɨghasa, bizir kuraba amadi. Kamaghɨn amizɨ, kɨ arazir aghuibaram ami.

Jopɨn Akɨnafarim 40:13

Egh Oveaghuezibar Nguibamɨn, kalabuziar danganimɨn me arɨkigh. Egh me isɨ nguazir torim datɨghtɨ, gumazamizir igharaziba ua men ganan kogham.

Aisaia 25:11

Egh Moapia, mati gumazim ongarir torir ekiamɨn ikiava, ovengan atiatia ongarir dadarimɨn mangasa nɨghnɨgha, uan dafarimningɨn pamtemɨn ongarim mɨsogha afozofogha zui moghɨn, me osɨmtɨzir kam gitavɨraghsɨ arazir bar igharazibar amuam. Eghtɨ Ikiavɨra Itir God uan dafarimɨn me abɨraghtɨ, me fogh suam, bizir me uari fasa amir kaba, da men akuraghan kogham.

Jeremaia 13:9

“Kɨ Ikiavɨra Itir God, kɨ kamaghɨn mɨgei: Kɨ Judaba ko Jerusalemia uari uan ziaba feir arazim abɨraghtɨ, me inir ikuvizir kamɨn mɨn ikuvightɨ, men ziar ekiam gɨvagham.

Nahum 3:11

Ia Niniveba, ia uaghan Tebesbar mɨn otivam. Ia dɨpar onganibar amɨ gumazir onganibar mɨn otivam. Ian nɨghnɨziba onganightɨ ia daighiram, egh apanibar atiating arɨ mangɨ mongsɨ danganiba buriam.