“Kɨ uan gumazamiziba ategh uamategh uan nguibamɨn mangam. Eghtɨ me uarira ikɨ uan arazir kurabar ivezir kuram ini mangɨtɨ, mɨzazir kam gɨvaghamin dughiam otogham. Me uan arazir kurabar ikarvazim bagh ivezir kuram ko mɨzazim iniam, egh gɨn me uamategh na bagh izɨ na buriam. Me pazɨ uari baregh, egh gɨn me ua na baghvɨra izam.”
Aisaia 18:4 - Godɨn Eghaghanim: Akar Gavgavir Dɨkɨrɨzir Ghurim ko Igiam4 Ikiavɨra Itir God kamaghɨn na mɨkeme, “Kɨ uan Nguibamɨn ikiava, gumazamizibar arazibar gara, puram aghumra ikia men gari. Egha kɨ me gasɨghasɨghasa navim dɨkavir puvatɨ. Kɨ me mɨzua pura nɨmɨra iti, mati aruem nguazim gisirazɨma, an fefem ghuavanadi. Egha kɨ mati dagheba iniamin dughiam roghɨra izima, ghuariaba dɨmagaribar iza azenibagh iri moghɨn, kɨ nɨmɨra ikia me mɨzuavɨra iti.” အခန်းကိုကြည့်ပါ။ |
Aisaia 18:4
17 ပူးပေါင်းရင်းမြစ်များ
Ia gan! Ikiavɨra Itir God uan Nguibam ategha izaghiri, egh nguazir kamɨn itir gumazamizibar arazir kurabar ikarvaghamin ivezim me danɨngam. Eghtɨ gumazir igharazir darazi me mɨsoghezɨ me ariaghireziba, nguazim uabɨ ovengezir gumazir kabar ghuziba mongan iburagham. Bar puvatɨgham. A gumazamiziba amizir arazir kurar kaba bar da azenim datɨgham.
Dughiar kamɨn, Itiopian kantrin gumazamiziba bizir bar aghuiba inigh mangɨ Ikiavɨra Itir Godɨn Gavgaviba Bar Itim danɨngam. A kantrin gavgavim. A kantrin dɨpar bar avɨriba itim. Kantrin kamɨn itir gumazamiziba bar ruarigha, mɨkarziba bar dera. Egha kantrin kam, mɨdorozimɨn ziar ekiam iti, ezɨ kantrin igharaziba bar an atiatingi. Eghtɨ me uan bizir aghuiba inigh izɨ Saionɨn Mɨghsɨamɨn izam. Ikiavɨra Itir God, ua bagha danganir kam amɨsefe, eghtɨ gumazamiziba an izɨ, an ziam fam.
E Israelia, e gantɨ, Filistian abuir gumaziba izɨ uarir akurvaghsɨ en azangsɨghtɨ, e manmaghɨn men akam ikarvagham? E kamaghɨn men akam ikarvagham, “Ikiavɨra Itir God, Saionɨn nguibamɨn ingarigha a gamizɨ a tugha gavgafi. Ezɨ an gumazamiziba osɨmtɨzir ekiaba me bativir dughiabar, me a bagh mangɨ an aven modogh deravɨra ikiam.”
Bar puvatɨ. Nan akurvazim, a bar roghɨra izegha gɨfa. Eghtɨ kɨ ua mɨzuaman kogham. Israelia, kɨ zuamɨra izɨ ian akurvagh apanir ia abɨriba, kɨ bar puv me damightɨ, ia ua deravɨra ikiam. Egh kɨ uaghan Saionɨn nguibar ekiamɨn akurvaghtɨ, a deravɨra ikiam. Kɨ uan ziar ekiam ko gavgavim damightɨ, aning Israelia ian tongɨn azenim girɨgham.”
Atiatir bar ekiam, Asiriaba batoghtɨ, men nguibar ekiar gavgavim irɨgham. Men mɨdorozir gumazibar dapaniba, bar atiatigh uan mɨdorozir inir avɨzir asaraghav itim ategh onganigh puvɨram aregham.” Kar Ikiavɨra Itir Godɨn Akar Gavgavim. A Saionɨn Mɨghsɨamɨn ikia, avimɨn mɨn iti. A Jerusalemɨn nguibar ekiamɨn ikia, danganir ekiar avir pamtemɨn isimɨn mɨn iti.
O Ikiavɨra Itir God, nɨ uan gumazamizir oveaghuezibar amutɨ, me ua dɨkavigham. Nɨ uan gumazamizir ovengezibar kuabar amutɨ, me gɨn ua angamɨra ikiam. Ia mozimɨn itir kuaba, ia ua osegh dɨmɨva bar akuegh ighiabar amuam! O Ikiavɨra Itir God, nɨ mati dɨmagarimɨn ghuariam nguazir mɨsɨngizim girima, oghevsevir igiaba a bativi moghɨn, nɨ gumazamizir oveaghuezibar amutɨ, me nguazim ategh ua dɨkavam.
“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.
ကြော်ငြာတွေ