Aisaia 18:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ia gumazamizir nguazir kamɨn ruaghatevim bar an itiba, ia bar oragh. Ia gantɨ, me ababanitam mɨghsɨabar a kuazaghtɨ, ia deravɨram an gan. Egh ia oraghtɨ me sɨghatam givitɨ, ia kuariba arigh deragh a baragh.

Aisaia 18:3 ပူးပေါင်းရင်းမြစ်များ

Aisaia 5:26

Egh Ikiavɨra Itir God kantrin bar saghon itimɨn mɨdorozir gumaziba bagh dɨmdɨar ababanitam damightɨ, me izɨ an gumazamizibagh asɨghasɨgham. Ia gan! Mɨdorozir gumazir kaba bar puvɨra ivemar akɨzɨrɨgh izam.

Aisaia 26:11

O Ikiavɨra Itir God, nɨ gumazamizir kurabagh asɨghasɨghasa uan agharim ghufegha gɨfa. Ezɨ me an ganizir puvatɨ. Egh nɨ me ateghtɨ, me an gan fogh suam, nɨ uan gumazamizibar akurvaghasa bar ifonge. Eghtɨ gumazir kurar kaba bar aghumsigham. Eghtɨ nɨ uan apaniba bagha atɨzir avir kam, bar me dapongtɨ me isigh.

Matyu 13:16

“Ezɨ ia, ian damaziba bizibar gari, ezɨ ian kuariba akam barasi. Kamaghɨn ia bar akongegh!

Matyu 13:9

Tina kuarimning iti, an oragh.”

Sekaraia 9:14

“Ikiavɨra Itir God uan gumazamizibagh isɨn azenaram otogh barir pimɨn asam. Eghtɨ an afuziba onɨmarim mɨn taghtagh zuamɨra mangam. Eghtɨ Ikiavɨra Itir Godɨn Ekiam sɨgham givigh, sautɨn amadaghan ikegh, pamtem sueba akun daru, amɨnir bar gavgavim ko, amozim sara izam.

Maika 6:9

Ia fofozir aghuim gifueghɨva, Ikiavɨra Itir Godɨn atiating an apengan ikiam. Ia oragh! Ikiavɨra Itir God Jerusalemɨn nguibar ekiamɨn diagha ghaze, “O nguazir kamɨn itir gumazamizir iza nguibar kamɨn uari akuviba, ia oragh!

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.

Jeremaia 22:29

O Israelian nguazim, Israelian nguazim, Israelian nguazim, nɨ Ikiavɨra Itir Godɨn akam baragh!”

Aisaia 13:4

Ia mɨghsɨabagh isɨn nɨgɨnir dafar kam baragh, kar gumazir bar avɨribar nɨgɨnim. Kantrin avɨribar mɨdorozir gumaziba iza uari akufa. Ikiavɨra Itir Godɨn Gavgaviba Bar Itim, mɨsoghasa uan mɨdorozir gumaziba akufa.

Aisaia 13:2

A kamaghɨn mɨgei: “Nɨ nan nir avɨzir pɨn itim isɨ ababanimɨn mɨn temeba puvatɨzir mɨghsɨar mamɨn a kuasagh, eghtɨ mɨdorozir gumaziba an ganigh izɨ uari akuvagh ikiam. Nɨ pamtemɨn men dɨmtɨ, me zuamɨra izɨ. Eghtɨ nɨ uan dafarim ghufegh, Babilonɨn itir gumazir aruar uan ziaba feba, tiar akar ekiabar amadaghan men akagh, egh me amadaghtɨ, me mangɨ me ko mɨsogh.

Aisaia 7:18

“Eghtɨ dughiar kamɨn Ikiavɨra Itir God bobemɨn Isipian diaghtɨma, mɨdorozir gumazir bar avɨrim, saghon mar Isipɨn Faneba bar dar suiabar ikegh, berezir bɨzir bar avɨrimɨn mɨn izam. Egh an Asiriaba bobemɨn men diaghtɨ me aparir okoruabar mɨn izam.

Aisaia 1:2

Ikiavɨra Itir God kamaghɨn mɨgei: “O overiam, nɨ kuarim atɨgh, eghtɨ nguazim, nɨ uaghan oragh. Borir kɨ garima ekeveziba, me datɨrɨghɨn nan akaba batosi.

Onger Akaba 50:1

Godɨn Bar Gavgaviba Itim, a en Ikiavɨra Itir God. An aruem anadi naghɨn ikegha ghua aruem uaghiri naghɨn itir gumazamiziba bar men dei.

Aisaia 31:9

Atiatir bar ekiam, Asiriaba batoghtɨ, men nguibar ekiar gavgavim irɨgham. Men mɨdorozir gumazibar dapaniba, bar atiatigh uan mɨdorozir inir avɨzir asaraghav itim ategh onganigh puvɨram aregham.” Kar Ikiavɨra Itir Godɨn Akar Gavgavim. A Saionɨn Mɨghsɨamɨn ikia, avimɨn mɨn iti. A Jerusalemɨn nguibar ekiamɨn ikia, danganir ekiar avir pamtemɨn isimɨn mɨn iti.

Aisaia 49:22

Ikiavɨra Itir God, en Ekiam, kamaghɨn Jerusalemɨn gumazamizibav gei, “Kɨ uan inir avɨzim asaraghtɨ, an ababanimɨn mɨn ikiam, eghtɨ kɨ uan dafarim, ababanimɨn mɨn uaghan a ghufegham. Eghtɨ Kantrin Igharazibar Gumazamiziba an ganigh nɨn boriba uam ada inigh izam. Me nɨn otariba uan evaribar arigh me inigh izam. Me nɨn guiviba isɨ uan dɨpɨzibar afegh me inigh izam.

Jeremaia 51:27

Ia kantrin avɨribar tongɨn akaba amang, egh nguaziba bar dar gumazamizibar tongɨn sɨgham givi, eghtɨ me Babilonia mɨsoghsɨ biziba akɨr. Ia Araratba ko, Miniba ko, Askenasba, men diaghtɨ me izɨ. Egh mɨdorozim bagh gumazir ekiar tam amɨsefegh. Mɨdorozir gumaziba uan hoziabar apiagh, egh odezir okoruamɨn mɨn izam.

Maika 1:2

Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.

Aisaia 11:12

Kantriba bar dar gumazamiziba gansɨ, Ekiam nir avɨzim ghufegh ababanimɨn mɨn anesaragham, egh a Israelia ko, Judan gumazamizir apaniba inigha ghua kalabuz gatɨziba, a ua me akuvagham. Me datɨrɨghɨn tintinibar ikia nguazir ruaghateviba bar dar iti, eghtɨ Ekiam ua me inigh izam.