Aisaia 18:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Itiopian kantrin dɨpabar vongɨn itir gumazamiziba, mevzika! Nguazir kamɨn apizir avɨriba an ikia, mɨgha mangɨn izegh gami.

Aisaia 18:1 ပူးပေါင်းရင်းမြစ်များ

Sefanaia 3:10

Nan gumazamizibar marazi tintinimɨn kantrin igharazibar ghue, ezɨ marazi kantri Itiopian iti, me ofaba inigh na bagh izam.

2 Atriviba 19:9

Asiriaba mɨsogha itima, gumazir maba iza Atrivim Senakerip mɨgɨa ghaze, “Itiopian Atrivim Tirhaka uan mɨdorozir gumaziba ko iza nɨ ko mɨsoghasa.” Ezɨ Senakerip Jerusalem iniasa nɨghnɨsi, kamaghɨn amizɨ, an akɨnafarir mam osirizɨ, an abuir gumaziba a inigha Hesekia bagha ghu.

Sefanaia 2:12

O Itiopian gumazamiziba, ia uaghan Ikiavɨra Itir God mɨdorozimɨn aven ia mɨsoghtɨ ia arɨmɨghiram.

Matyu 23:37

Egha Iesus ua kamaghɨn mɨgei, “Oio, ia Jerusalemɨn adarasi, kɨ ian apangkufi! Ia Godɨn akam inigha izir gumazibav sozi me ariaghiri, egha God ia bagha amadir gumaziba, ia dagɨaba isa, me ginivi, me ariaghiri. Dughiar avɨribar kɨ ian boriba akuv me mughasa, mati tuarir amebam uan avɨzimingɨn nguziba avarazɨ moghɨn, kɨ ia damuasa ifonge. Ezɨ ia na bagh izan aghua.

Esekiel 30:9

“Dughiar kamɨn, Itiopiaba deravɨram apiagha ghaze, bizir kuratam me bativan kogham. Eghtɨ Isip ikuvightɨma, kɨ gumazitaba amadaghtɨ me kuriba inigh mangɨ Itiopiabav kɨm suam, Isip bar ikuvigha gɨfa. Eghtɨ Itiopiaba bar atiatigh dɨgavir kuram damigham. Ia ikiangsɨzir akam baragh! Dughiar kurar kam, bar roghɨra izi!

Aisaia 31:1

Ia abuir gumaziba, ia kantri Isipɨn ghuava uarir akurvaghasa, men azangsɨsi, iavzika! Ia bar ikuvigham. Ia Isipian hoziaba ko men karisɨn avɨriba ko karisɨn suizir gumazir bar gavgaviba, ia nɨghnɨzir gavgavim dar iti. Ia ti ghaze, Isipia ian akuragham. Egha ia Israelian Godɨn Bar Zuezim, nɨghnɨzir gavgavim an itir puvatɨ. Egha ia uarir akurvaghasa Ikiavɨra Itir Godɨn azangsɨzir puvatɨ. Kamaghɨn amizɨ, ia bar ikuvigham. Iavzika!

Onger Akaba 91:4

A tuarir amebam uan nguziba ave moghɨn, uan avɨzimningɨn nɨ avaraghtɨ nɨ aven ikiam. Kamaghɨra, nɨ Ikiavɨra Itir God, an apengan ikɨtɨ a deravɨra nɨ modogh nɨ geghuv nɨn ganam. A ifarir puvatɨ. A zurara uan akar a mɨkemezibar gɨn mangɨ, nɨn oramɨn mɨn ikɨ, deravɨra nɨn ganam.

Onger Akaba 61:4

Nan ifongiam kamakɨn, kɨ zurara nɨn dɨpenimɨn ikɨ mamaghɨra ikɨ mangɨ ovegham. Kɨ, tuarir nguziba uan amebamɨn avɨzimɨn apengan ikia deragha iti moghɨn, kɨ nɨn apengan bar deravɨra ikiasa. (Ighiam gamua an suiam atugha avughsegha ua ighiam gami.)

Onger Akaba 57:1

O God, nɨ nan apangkuvigh nan akuragh. Kɨ nɨn boroghɨra ikia bar deragha iti, mati tuarir nguziba uan amebamɨn avɨzibar apengan modoghav ikia deraghavɨra iti. Kɨ kamaghɨra deravɨra ikɨ mangɨtɨ, bizir na gasɨghasɨghamin kaba mangɨ gɨvagham.

Onger Akaba 36:7

O God, nɨn apangkuvir arazim bar derazɨ e bar a gifonge. Gumazamiziba bar ghua nɨn aven modi. Mati tuarir nguziba uan amebamɨn avɨzimningɨn apengan ghua modi.

Onger Akaba 17:8

Nɨ uabɨ uan damazir tuzim geghuva deragha an gari moghɨn, nɨ na geghuv deragh nan ganam. Mati tuarir amebam uan nguziba akumakua uan avɨzimningɨn apengan me modi moghɨn, nɨ na avaragh na modogh.

Rutɨn Eghaghanim 2:12

Nɨ arazir aghuim gamizir bizim, Ikiavɨra Itir God nɨ ikaragh ivezir aghuim nɨ danɨng. Guizbangɨra, Ikiavɨra Itir God, Israelian God nɨ geghuv nɨ avaragh nɨn ganasa nɨ ifonge, kamaghsua nɨ a bagha ize. Eghtɨ a deraghvɨra nɨ damuam.”

Aisaia 37:9

Asiriaba mɨsogha itima, gumazir maba iza Atrivim Senakerip mɨgɨa ghaze, “Itiopian Atrivim Tirhaka uan mɨdorozir gumaziba ko iza nɨ ko mɨsoghasa.” Ezɨ Senakerip Jerusalem iniasa nɨghnɨsi, kamaghɨn amizɨ, an akɨnafarir mam osirizɨ, an abuir gumaziba a inigha Hesekia bagha ghu.

Aisaia 45:14

Ikiavɨra Itir God kamaghɨn mɨgei, “Kantri Isip ko Itiopian dagɨaba ko biziba, da Israelia ian biziba. Eghtɨ apaniba kantri Sabean itir gumazir ruariba kalabus datɨgh, ia bagh me amadaghtɨ me izɨ, pura ian ingangarir gumazir kɨnibar mɨn ikiam. Egh me ian guabar uan teviba apɨrigh kamaghɨn mɨkɨm suam, ‘Bar guizbangɨra, God ia ko iti. A uabɨra bar guizbangɨra God, ezɨ godɨn tam ua itir puvatɨ!’ ”