Aisaia 17:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ God Israel gasɨghasɨghamin dughiar kamɨn, men nguibar ekiar gavgaviba, bar ikuvigh pura ikiam, da mati nguazir kamɨn fomɨra ikezir darazir nguibabar mɨn ganam. Israelia fomɨra mɨsoghasa izima, me uan nguibaba ategha are, ezɨ nguibar ekiar kaba pura mɨghsɨabagh isɨn itima, ruarim ada avara.

Aisaia 17:9 ပူးပေါင်းရင်းမြစ်များ

Aisaia 27:10

Nguibar ekiar kam fomɨra dɨvazir bar gavgavim iti, egha datɨrɨghɨn a bar ikuvigha iti. A datɨrɨghɨn pura nguibar dadar kɨnim mɨn itima, gumazitaba uam an itir puvatɨ. Egha bulmakaubar nguibamɨn mɨn otozɨ, da iza uari akuva ikia, dadaba ko tevsevibar dafariba apava, kagh avughsa iti.

Maika 7:13

Ezɨ kantrin kabar gumazamiziba bar arazir kurabagh ami. Kamaghɨn amizɨ, da danganir bar kurabar mɨn ikiam.

Maika 6:16

Atrivim Omri ko an otarim, Atrivim Ahap, ia aningɨn arazir kurabar gɨn ghuezir gumazamiziba, aning faragha amizir araziba, ia datɨrɨghɨn aningɨn gɨn ghua dagh ami, kamaghɨn amizɨ, kɨ ia gasɨghasightɨ, Kantrin Igharazibar Gumazamiziba, akɨrim ragh ia gasɨ dɨbovir akabar ia mɨkɨmam. Eghtɨ ia nan gumazamizir nguibar ekiar kamɨn itiba bar moghɨram aghumsigham.”

Maika 5:11

Egh kɨ ian nguibar ekiaba ko dar dɨvazir gavgaviba bar ada akarightɨ, ia uam adar mongɨva avegham.

Amos 7:9

Israelɨn nguibar kaba, kar Aisakɨn ovavir boribar danganir pɨn itir me asebar ziaba feba, da bar ikuvigham. Guizbangɨra, kɨ dɨkavigh atrivim Jeroboamɨn adarazi bar me agɨvagham.”

Hosea 10:14

Kamaghɨn amizɨ, ian apaniba izɨ ia mɨsogham, egh ian nguibar ekiar dɨvazir gavgaviba itibagh asɨghasɨgham. Osɨmtɨzir kam, mati Atrivim Salman fomɨram amizir arazim, a Betarbelɨn nguibar ekiam ko mɨsogha bar a gasɨghasɨki. An adarazi men boriba ko amiziba isa nguazimɨn me apɨzima, me tintinibar ariaghiri.

Aisaia 17:8

Egh me uamategh uari ingarizir ofa gamir dakoziba bagh mangan kogh, egh ua aser amizim Aseran ziam fan kogh, egh temer guarir aser amizim Aseran nedazim itiba, dar ziaba fan kogham. Egh pauran mughuriar aghuim zuim isɨ aser amizim Asera bagh me ofa gamir dakozibar uam a tuan kogham. Me uari uan dafaribar ingarigha asebar ziaba fer bizir kaba, me bar da agɨvagham.

Aisaia 17:10

O Israelia, God ian akurvazir bizir kam, ia a gɨnɨghnɨzir puvatɨ. Dughiar kurabar, a mati dagɨar bar ekiam, ia ghua an aven uari moga deravɨra iti. Ezɨ bar guizbangɨra, ia a gɨn amadagha bar a gɨnɨghnɨzir puvatɨ. Ia igharaz darazir asebar ziaba fava, ia ghaze, aser kaba ian akuraghtɨ, ia deravɨra ikiam. Egh ia mɨzaziba ko arɨmariaba ikɨ bar ikuvigh deragh ikian kogh, egh uamategh deraghamin tuaviba puvatɨgham. Mati ia wainɨn azenim oparigha, wainɨn ikarɨzibar dafaribar gari, da zuamɨram akɨmariba otivima, ia bar akonge. Ezɨ ia dar dagheba inighan kogham. Puvatɨ. Wainɨn ikarɨzir kaba mɨsightɨ, azenim bar ikuvigham.