Aisaia 17:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Israelia datɨrɨghɨn bar avɨrasemegha, mati witba Refaimɨn danganir zarimɨn bar puvɨram otifi. Eghtɨ apaniba me gasɨghasɨgh gɨvaghamin dughiamɨn, me bar avɨrasemeghan kogham, mati me azenimɨn witba akoregha gɨvazɨ, witɨn vaghvaziba mɨtivighav iti.

Aisaia 17:5 ပူးပေါင်းရင်းမြစ်များ

Matyu 13:30

Ia da ateghtɨma da mar witba ko aghung, mangɨ dagheba iniamin dughiamɨn otogh. Eghtɨ kɨ ingangarir kam damuamin gumaziba kamagh me mɨkɨmam: Ia ogher kurar kam faragh anesɨva a dapongsɨva an ikɨzibar amu. Eghɨva ia witba iniva da akuvagh da isɨva nan dagher dɨpenim darɨgham.’ ”

Joel 3:13

Ikɨzir kaba, me bar gumazamizir kuraba! Kamaghɨn amizɨ, ia sabar ikɨzɨrɨziba inigh me aghor, mati daghem anigha gɨfa. Egh pamten me dɨkabɨn, mati gumazim wainɨn ovɨziba dɨkabɨri danganimɨn da dɨti. Ezɨ wainɨn dɨpaba bar izɨvagha fasfasi. Eghtɨ, gumazamizir kaba kamaghɨra bar ikuvigham.”

Jeremaia 51:33

Ikiavɨra Itir Godɨn Gavgaviba Bar Itim, Israelian God, a kamaghɨn mɨkeme: “Babilon, a guivir dirimɨn mɨn iti. Eghtɨ mati gumaziba raizɨn daghem iniasa a dɨkabɨri moghɨn, apaniba a dɨkabɨnigham. Ezɨ ingangarir kam damuamin dughiam, a roghɨra izegha gɨfa.”

2 Samuel 5:18

Filistiaba iza Refaimɨn danganir zarimɨn otogha tintinibar ghuegha mongegha iti.

2 Samuel 5:22

Ezɨ Filistiaba gɨn ua izegha, Refaimɨn danganir zarimɨn tintinibar uari aghamsigha iti.

Hosea 6:11

“O Judaba, ia uakan, kɨ ia amizir araziba bagh ian anɨngaghamin dughiam ginabagha gɨfa, eghtɨ ia ivezir kuram iniam, mati gumazim uan azenimɨn dagheba asi. Egh gɨn, kɨ uan gumazamizibar amutɨ, me ua deraghvɨra ikiam.”

Jeremaia 9:22

Ikiavɨra Itir God mɨkɨmasa na mɨgɨa ghaze, “Ariaghirir gumazamizibar kuaba pura tintinibar nguazimɨn ikiam, mati afiar buariba, ko witɨn ikɨziba pura tintinibar irav iti. Ezɨ gumazir dagh eghuvamiba puvatɨ.”

Josua 15:8

Egha sautɨn amadaghan ghua Hinomɨn Otarimɨn danganir zarimɨn ghua Jebusɨn Mɨghsɨamɨn oto. Jerusalemɨn nguibam danganir kamɨn iti. Ezɨ nguazir mɨtaghniam ghuavɨra ikia ghua aruem uaghiri naghɨn amadaghan itir mɨghsɨamɨn oto, a Hinomɨn danganir zarimɨn mɨriamɨn iti. Mɨghsɨar kam, a Refaimɨn danganir zarimɨn iti.

Josua 18:16

Egha mɨtaghniam bar ghua Hinomɨn otarimɨn danganir zarimɨn boroghɨn itir mɨghsɨamɨn mɨriamɨn ghu. Mɨghsɨar kam, notɨn amadaghan Refaimɨn danganir zarimɨn mɨriamɨn tughav iti. Egha ghua sautɨn amadaghan Hinomɨn danganir zarim atu. Danganir zarir kam, a Jebusian nguibar mɨghsɨamɨn mɨriamɨn sautɨn amadaghan iti. Egha mɨtaghniam ghua Enrogelɨn dɨpar emɨmɨrimɨn tu.

Aghuzir Akaba 27:25

Nɨ dadabar gantɨ da nɨn nguazimɨn otiv ruartɨ, nɨ uan asɨziba bagh da aghorɨva da akuvaghtɨ me dar amam. Eghtɨ dadar igiaba uam otivam. Eghtɨ nɨ gɨn memeba amangɨva, dagɨaba inigh nguazim givesegh. Egh nɨ sipsipɨn arɨziba iniva, ua bagh korotiaba isamam.