Aisaia 17:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ikiavɨra Itir God ua kamaghɨn mɨgei, “Dughiar kamɨn, Jekopɨn ovavir boribar ziar ekiam gɨvagham. Men bizir aghuir bar avɨriba ko, gumazamizir bar avɨrim gɨvagham, eghtɨ men kantri biziba bar puvatɨgh pura ikiam. Egha mati arɨmariam gumazir gavgavir dafam batozɨ, a bar agharim gura.

Aisaia 17:4 ပူးပေါင်းရင်းမြစ်များ

Aisaia 10:16

Ezɨ Ekiam, a Ikiavɨra Itir Godɨn Gavgaviba Bar Itim, a ziar ekiam ko gavgavir ekiam iti. Egh a datɨrɨghɨn arɨmariar bar kuratam amadaghtɨ, an Asiriabar mɨdorozir gumazibar amu, men gavgavir ekiam agɨvagham. Egh a uaghan avim damightɨ, a dɨkavigh isi mangɨ men biziba bar da agɨvagham.

Sefanaia 2:11

Ikiavɨra Itir God me damutɨ, me puvɨram atiatingam. Kantriba bar, a men asebar amutɨ da pura bizir kɨnibar mɨn otivam. Eghtɨ gumazamizir ongarimɨn mɨriamɨn itiba ko, gumazamizir ongarir arighatɨzimɨn itiba, me uan nguibabara ikɨva uan teviba apɨr dapaniba avighɨva an ziam fam.

Esekiel 34:20

“Ezɨ datɨrɨghɨn, kɨ Ikiavɨra Itir Godɨn Ekiam, kamaghɨn ia mɨgei: Ia oragh! Kɨ vaghvagh ian araziba tuisɨgh ia tuiragham. Egh ia sipsipɨn gavgavir mɨkarziba sara itiba kɨ vongɨn ia arɨgh, egh vongɨn sipsipɨn gavgaviba puvatɨzibar arɨgham.

Aisaia 24:16

Ia oragh! Nguazir kamɨn ruaghatevir bar saghon itibar gumazamiziba, me bar akongezir ighiabagh ami. Ezɨ men ighiam kamakɨn, “Ikiavɨra Itir God, arazir aghuibagh ami. Kamaghɨn amizɨ, e bar ziar ekiam a ganɨdi.” Ezɨ kɨ kamaghɨn mɨgei, “Iavzika! Kɨ bar akueghan kogham. Nan navim bar osɨmtɨzir dafam iti, ezɨ nan ikɨrɨmɨrim pura gɨvasava ami. Kɨ garima, gumazir arazir kurabagh amiba ko akar ifavaribagh amiba, igharaz darazigh ifara paza me gami.

Aisaia 24:13

Arazir kamra, nguazir kamɨn itir gumazamiziba bar me bativam, eghtɨ gumazamizir varazira ikiam, mati gumaziba olivɨn ovɨziba kuarigha da inigha gɨvazɨ, ovɨzir vabara olivɨn tememɨn guighav iti. Egha mati me wainɨn ovɨziba inigha gɨvazɨ, vaghvazibara wainɨn azenimɨn iti.

Aisaia 10:4

Ia bizitam damuva avegham. Bar puvatɨgham. Ian tarazi mɨdorozimɨn arɨmɨghiregham. Me ian tarazir suigh mangɨtɨ, ia kalabuziabar tongɨn bar atiatigh teviba apɨrigh mamaghɨra ikiam. Ia osɨmtɨzir bar kurar kam gitaghan kogham. Ikiavɨra Itir God bizir kabar amutɨ, da ia bativam, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

Aisaia 9:21

Manasen anabamɨn adarasi, Efraimɨn anabamɨn adarazi abɨnasa, ezɨ Efraimia Manaseba abɨnasa. Egha aning uaghan Judaba abɨnasa. Kamaghɨn amizɨ, Ekiam me ateghtɨ me uarira uarigh asɨghasɨgham, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

Aisaia 9:8

Ekiam mɨkemegha gɨvagha ghaze, a kantri Israel gasɨghasɨgham, kar Jekopɨn ovavir boriba. Eghtɨ dughiar kurar kam me batoghtɨ,

Jenesis 41:3

Ezɨ gɨn 7plan igharaziba dɨpamɨn ikegha anagava otifi. Egha me bar aghariba gunigha mɨkarziba eromotuegha men ganganiba bar ikufi. Ezɨ bulmakaun aghariba guizir kaba mɨkarziba sara itir kabar boroghɨn tuivighav iti.

Aisaia 10:3

God ian arazir kurar ia amir kaba ikarvagh, ia gasɨghasightɨ, ia manmaghɨn damuam? Dughiar kam, a kantrin saghon itimɨn gumaziba inigh izɨtɨ, me amɨnir gavgavimɨn mɨn izɨ ian bizibagh asɨghasɨghtɨ, ia manmaghɨn damuam? Ia ti ivegh mangɨ tina dama akurvazim iniam? Ian ziar ekiam ko bizir avɨrir ia iniziba, ia ti managh dar arɨghtɨ, da deraghvɨra ikiam? Bar puvatɨgham!

Aisaia 17:3

Apaniba, kantri Israelɨn nguibar gavgavibagh asɨghasigh, egh uaghan Damaskusɨn gumazamizibagh gativagham. Datɨrɨghɨn kantri Israel ko Siria, aning ziar ekiamning itima, gumazamizir avɨrim aningɨn iti. Eghtɨ kantrin kamning bar ikuvightɨ, gumazamizir varazira ikiam. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

2 Atriviba 17:3

An atrivimɨn itir dughiamɨn, Asirian Atrivim Salmaneser iza Israelia ko mɨsosi. Egha Asirian mɨdorozir gumaziba Israelia abɨra, ezɨ Hosia Salmaneserɨn akar dɨkɨrɨzimɨn a gamua ghaze, an an apengan ikɨva, egh zurara azenibar a takisɨn mɨn dagɨaba a danɨngam.

2 Atriviba 17:6

Ezɨ namba 9ɨn azenimɨn Hosia Israelian atrivimɨn itima, Asirian atrivim Samariaba dɨkabɨragha, men nguibar ekiam ini. Egha a Israelia inigha Asirian kantrin ghu. Egha marazi isa Halan nguibar ekiam gatɨ, egha marazi isa Gosanɨn Distrighɨn aven itir, Haborɨn Fanemɨn boroghɨra me arɨki. Ezɨ marazi Midian kantrin nguibabar iti.

Amos 3:12

Egha Ikiavɨra Itir God ua kamaghɨn mɨgei, “Laion sipsipɨn tam mɨsuegh anemeghtɨ, sipsipbagh eghuvir gumazim uam a inisɨ, mangɨ gantɨ, an mɨdiarir muziaribara ikiam, mati an suer agharimning ko kuarir nam. Eghtɨ arazir kamra, God Samarian itir gumazamizibar amuam. Samaria, a Israelɨn kantrin aven itir nguibar ekiam. Gumazamizir kaba deragha apiagha bar akongegha iti, me datɨrɨghɨn bar ikuvigham. Men tongɨn itir ikɨzir bar muziarim deragh ikɨvɨra ikiam, mati nguibar ekiamɨn itir bizir aghuiba bar ikuvizɨ, dakozir suemɨn otevimra irɨgh mamaghɨra ikiam.”