Aisaia 17:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ia nɨgɨnir ekiar kam baragh! Kar kantrin avɨribar mɨdorozir gumaziba uari akuvir nɨgɨnim. Men nɨgɨnim mati, ongarim pamtem iza dadarimɨn dɨpɨraghira tɨngazi.

Aisaia 17:12 ပူးပေါင်းရင်းမြစ်များ

Luk Osirizir Akar Aghuim 21:25

Egha Iesus ua kamaghɨn mɨgei, “Eghtɨ arazaraziba aruem ko iakɨnim ko mɨkoveziba bativam. Eghtɨ ongarim dɨpɨr tɨngaghɨvɨra ikɨtɨma, nguazimɨn gumazamiziba bar atiatigh okam nɨghnɨgham.

Jeremaia 6:23

O Saion, nɨ mati guivir dirim! Ezɨ apanir kaba, me apangkuviba puvatɨzir gumaziba. Me gumazir igharazibagh asɨghasɨghasa bar ifonge. Me barir piba ko barir afuziba suisi. Me hoziabar apiagh izɨtɨ, nɨgɨnir ekiam otivam. Mati ongarim gigim gɨra tɨngazi. Egh me uari darigh mɨtivigh ikɨ, egh Babilon ko mɨsoghsɨvɨra gan ikiam.”

Onger Akaba 18:4

Guizbangɨra, kɨ atam areme. Ovevem benir gavgavimɨn mɨn na ikiagharigha gɨfa, Mati ongarim dɨkava dɨpɨraghira, na avasava ami.

Akar Mogomem 17:15

Ezɨ ensel kamaghɨn na mɨgei, “Dɨpar nɨ ganizir kabanang, amizir arazir kurabagh amim dagh isɨn aperaghav iti, dar mɨngarimra kara: da mɨkarzir igharagha gariba ko, dakoziba bar dar gumazamiziba ko, kantriba bar dar gumazamiziba ko, vaghvagha akabav geir gumazamiziba.

Akar Mogomem 17:1

Ezɨ 7plan enselɨn itarir 7plan suighizir kabanangɨn mav iza kamaghɨn na mɨgei, “Nɨ kagh izɨ. Eghtɨ kɨ amizir ivezir kuram iniamim, nɨn akaghasa. Amizir kam, arazir kurabagh amir amizim, a dɨpar ekiar avɨribagh isɨn apiav itir amizim.

Esekiel 43:2

Ezɨ kɨ garima, Israelian Godɨn angazangarir ekiam ko gavgavim aruem anadi naghɨn ikegha izi. Ezɨ angazangarir ekiam ko gavgavim izir dughiamɨn, kɨ nɨgɨnir ekiam barazima, a mati ongarir ekiaba dɨpɨra tɨngazi. Ezɨ Godɨn angazangarim nguazim gamima a bar dafogha taghtasi.

Aisaia 28:17

Kɨ Godɨn guizɨn arazim damightɨ, a mati gumazir mam bizimɨn ruarimɨn ababanim tuisɨghsɨ, benim amɨkɨrɨvagh bizimɨn ruarimɨn dɨbobonim gɨfogham, egh men araziba tuisɨgham. Eghtɨ arazir aghuim, mati gumazir mam bizibar osɨmtɨziba gan dagh foghsɨ, a skelɨn mɨn otogh ian akaba tuisɨgham. Ia ti ghaze, ian arazir ifavariba ian akuraghtɨ, ia deravɨra ikiam. Ezɨ puvatɨ. Kɨ bar dughiar kuram damightɨ a ia batogham. Egha ia, mati aperiar dafam otogha gumazamizibagh asɨghasɨghizɨ moghɨn, ia bar ikuvigh mangɨ mongamin danganiba puvatɨgham.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Onger Akaba 29:3

Ikiavɨra Itir Godɨn tiarim ongaribagh isɨn izima, da bar a barasi. Godɨn Gavgavir Bar Ekiam Itim, araribar mɨn pamten dagarvasi. An akam ongarimɨn danganiba bar dagh isɨn pamten dagarvagha da avara.

Dɨboboniba 10:35

Me Akar Dɨkɨrɨzir Gavgavimɨn Boksiam inigha mangasava amir dughiabar, Moses zurara kamaghɨn mɨgei, “O Ikiavɨra Itir God, nɨ dɨkavigh mangɨ uan apaniba ko mɨsogh me batokegh. Egh gumazir nɨ gifongezir puvatɨziba, nɨ me damightɨ, me tintinibar aregh.”

Onger Akaba 83:2

Nɨ gan, nɨn apaniba me mɨdoroziba fori da otifi. Ezɨ gumazir nɨn aghuaziba nɨn akaba batosi.

Aisaia 8:9

Ia deravɨram oragh, ia kantrin roghɨra itiba ko saghon itibar gumazamiziba. Ia uari akuvagh mɨsoghsɨ gan ikɨ. Eghtɨ ian gavgavim bighirɨghtɨ, ia dɨgavir kuram damigh puram onganim damuam.

Aisaia 13:4

Ia mɨghsɨabagh isɨn nɨgɨnir dafar kam baragh, kar gumazir bar avɨribar nɨgɨnim. Kantrin avɨribar mɨdorozir gumaziba iza uari akufa. Ikiavɨra Itir Godɨn Gavgaviba Bar Itim, mɨsoghasa uan mɨdorozir gumaziba akufa.

Aisaia 54:17

Eghtɨ mɨsoghamin bizir katam nɨ gasɨghasighan kogham. Eghtɨ nɨ mɨtɨgh gavgavigh gumazir pura mɨgɨrɨgɨaba nɨ gasibar mɨgɨrɨgɨaba ikarvagham, eghtɨ men mɨgɨrɨgɨaba gavgaviba bar puvatɨgham. Ezɨ arazir kamra kɨ deravɨra uan ingangarir gumazamizibar garava, me gamizɨ, me uan apaniba dɨkabɨri. Nan arazir kam, a ivezir aghuimɨn mɨn, kɨ a isa uan ingangarir gumazamizibagh anɨdi. Kɨ Ikiavɨra Itir God, kɨ mɨkemegha gɨfa.”

Maika 4:11

Ezɨ kantrin avɨriba ia gasɨghasɨghasa uari akufa. Egha me ghaze, “Aria, e Jerusalemɨn nguibar ekiam bar a gasɨghasigh, an gantɨ a bar ikuvigh ikiam.”

Daniel 7:2

Kar bizir kɨ dɨmagarimɨn irebamɨn ganiziba. Amɨnim danganiba bar dar iza ongarim gamima a dɨkafi, egha dɨpɨra tintinibar zui.