Aisaia 16:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Me uaghan uan wainɨn azenir aghuir Hesbonɨn nguibar ekiam ko, Sipman nguibar ekiamɨn boroghɨra itibagh nɨghnɨgha, dar apangkuvavɨra iti. Kantrin igharazibar atriviba fomɨra, wainɨn azenir kabar wainɨn dɨpabar amasa bar ifonge. Ezɨ wainɨn dɨpar kaba me gamima, me bar ongani. Ezɨ wainɨn azenir kaba datɨrɨghɨn, bar mɨsigha ikuvigha gɨfa. Moapia fomɨra wainɨn azenir bar avɨriba ike, da Hesbon ko Sipman nguibar ekiamningɨn ikegha, ghua notɨn amadaghan Jaserɨn nguibar ekiamɨn ghua, aruem anadi naghɨn itir gumazamiziba puvatɨzir danganimɨn tu. Egha maghɨra ghua Amangsɨzim Itir Dɨpar Akarem girɨgha ghua vongɨn aruem uaghiri naghɨn tu.

Aisaia 16:8 ပူးပေါင်းရင်းမြစ်များ

Aisaia 15:4

Hesbonɨn nguibar ekiam ko, Elealen nguibar ekiamɨn itir gumazamiziba, me uaghan bar puvɨram azi, ezɨ Jahasɨn nguibar ekiamɨn itir gumazamiziba, men azir akaba barasi. Ezɨ mɨdorozir gumazir gavgaviba uaghan osemegha ara dei. Guizbangɨra, Moapian gavgavim bar gɨfa.

Dɨboboniba 32:38

ko Nebo, ko Balmeon, me dar ingari. Egha me nguibar ekiam Balmeon, ziar igharazim a gatɨ. Me uaghan nguibar ekiam Sipman ingari. Egha nguibar ekiar me ua ingariziba, me ziar igiaba dagh arɨki.

Jeremaia 48:32

Jaserɨn nguibam ikuvizir dughiamɨn, kɨ azi. Eghtɨ Sipman nguibam, nɨ ikuvightɨ, kɨ nɨ bagh azivɨra ikiam. Sipma, nɨn wainɨn azeniba, da bar avɨrasemegha ghua, Amangsɨzim Itir Dɨpar Akaremɨn mɨriamɨn tugha ghua, Jaserɨn dɨpar akaremɨn tu. Apaniba izɨ wainɨn ikarɨzir ovɨzir aghuiba, ko nɨn temer taba saram asɨghasɨgham.

Aisaia 24:7

Egha me garima, wainɨn ovɨzir igiaba mɨdɨima, wainɨn ikarɨziba uaghan mɨdɨi. Ezɨ gumazamizir wainɨn dɨpaba apa bar akongeziba, me datɨrɨghɨn naviba bar osemegha iti.

Aisaia 16:9

“Kɨ Jaserɨn nguibar ekiam ko, Sipman wainɨn azeniba bagha azi. Ezɨ nan damazir temeriba uaghan Hesbon ko, Elealen nguibar ekiamning gisɨn iri. Kɨ fo, ia bar ikuvigha gɨfa, kamaghɨn amizɨ, ian gumazamiziba wainɨn azenibar mangɨ, wainɨn ovɨzir andɨziba kuarsɨ bar akuegh dɨm ivemar mangɨgh izegh damuan kogham.

Aisaia 10:7

Ezɨ Asirian atrivimɨn nɨghnɨzim, nan nɨghnɨzim ko voroghɨra ghuzir puvatɨ. A ghaze, a kantrin avɨrir igharaziba uaghan bar dagh asɨghasɨgh, da agɨvasa nɨghnɨsi.

2 Samuel 1:21

“En mɨdorozir gumazir gavgaviba Gilboan mɨghsɨabar ariaghire. Ezɨ mɨdorozir oraba pura mɨghsɨar kabagh irav iti. Ezɨ Solɨn oram uaghan pura iti, ezɨ me borem uam a gazuir puvatɨ. Kamaghɨn amizɨ, kɨ kamaghsua, amozim ko dɨmagarimɨn ghuariam mɨghsɨar kam uam a giran markɨ. Eghtɨ dagher aghuiba ua nguazir kamɨn aghungan kogham.

Josua 13:25

Dar ziabar kara: Jaserɨn nguazim, ko Gileatɨn Distrighɨn itir nguibar ekiaba, ko Amonian nguazimɨn akuar mam, a ghua Aroerɨn nguibar ekiamɨn tu. Aroer, a Raban nguibar ekiamɨn boroghɨn aruem anadi naghɨn iti.

Josua 13:19

ko Kiriataim, Sipma, Seretsahar, a danganir zarir kamɨn itir mɨghsɨar muziarim gisɨn iti.

Dɨboboniba 32:3

“Nguazir Ikiavɨra Itir God Israelia en akurazɨ, e inizir kam, nguibar ekiar kaba an iti, Atarot, ko Dibon, ko Jaser, ko Nimra, ko Hesbon, ko Eleale, ko Sipma, ko Nebo, ko Beon. Kar bulmakauba ikiamin nguazir bar aghuim. Ia fo, e bulmakaun bar avɨriba iti.

Dɨboboniba 21:32

Ezɨ Moses Jaserɨn nguibar ekiam konasa gumazir maba amangizɨ, me moga garir gumazibar mɨn ghua nguibar kam gasɨghasɨghamin tuavir aghuitam gɨfoghasa ghue. Ezɨ Israelia dɨkavigha ghua a korogha an boroghɨn itir nguibar doziba sara, da inigha Amorian gumazamizir dar itibar agɨrazɨ, me are.

Dɨboboniba 32:35

ko Atrot Sofan, ko Jaser, ko Jokbeha,