Aisaia 16:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ E uari, e Moapian gumazamizir aragharuiba, ia e ateghtɨ, e izɨ ian tongɨn ian nguazimɨn ikiam. Eghtɨ ia en ganɨva e mueghtɨ, en apaniba e gasɨghasɨghan kogham! “E fo, osɨmtɨzir datɨrɨghɨn e bativir kaba gɨvaghtɨ, en apaniba en kantri ategh mangɨ ua pazɨ e damuan kogh,

Aisaia 16:4 ပူးပေါင်းရင်းမြစ်များ

Aisaia 14:4

Eghtɨ Ikiavɨra Itir God kamaghɨn damightɨ, ia Babilonɨn atrivim gɨnɨghnɨgh ighiar dɨbovir akar kam damuam. Ighiar kam kamakɨn: “Maia! Ia ganigh, atrivir gavgavim irɨgha gɨfa. Manmaghɨn amizɨ, atrivir puvɨra atara uan ziam fer kaba irɨ? Ikiavɨra Itir Godra, paza gumazibagh amir gumazir kurar kabar gavgavim agɨfa.

Malakai 4:3

Kɨ Ikiavɨra Itir Godɨn Gavgaviba Bar itim ghaze, bizir kabar amuamin dughiamɨn, ia gumazir kurar kaba ia tuzir siribar mɨn me dɨkabɨn me abɨnigham.

Aisaia 51:13

Kɨ Ikiavɨra Itir God, ia ti na bakɨnɨghɨnigha gɨfa. Kɨrara, kɨ ian ingari. Kɨ overiam an danganimram anetɨgha, nguazimɨn ingarigha, gavgavim an mɨngarim ganɨngi. Ezɨ ia tizim bagha gumazir kurar ia dɨkabɨn ia gasɨghasɨghamibar atiati? Gumazir kaba bizitamɨn ia damighan kogham. Men anɨngazir kuram pura gɨvagham.

Aisaia 9:4

Gumazamiziba bar akongezir bizim, a kamakɨn: Nɨ fomɨra Midianɨn kantrin gavgaviba apɨragharɨghizɨ moghɨn, datɨrɨghɨn men apanibar gavgaviba apɨragharigha gɨfa. Guizbangɨra, apaniba faragha nɨn gumazamizibagh ativagha, me gamima, me mati bulmakaun mam, gumazim ter ararim isa an tuem gatɨgha, ingangarim zuamɨram a damuasa, a gaghora a mɨsosi. Ezɨ nɨ apanibar aghoriba ko ter arariba apɨragharɨghizɨ, me ua nɨn gumazamiziba paza me gamir puvatɨ.

Akar Mogomem 11:2

Egh nɨ Godɨn Dɨpenim okarizir danganir dɨvazir ekiamɨn aven itim, an apanan markɨ. God Kantrin Igharazibar Gumazamiziba danganir uari akuvir kam me ganɨngi. Eghtɨ marazi izɨ Jerusalem dɨkɨ mangɨ 42plan iakɨnibar tugham. Kamaghɨn amizɨ, nɨ anetakigh.

Luk Osirizir Akar Aghuim 21:24

Eghtɨ mɨdorozir gumaziba mɨsozir sababar tarazigh inivtɨ me arɨghirɨtɨ, me tarazi suighɨva, me amangɨtɨma me nguibar Israelɨn azenan itibar mangam. Eghtɨ Kantrin Igharazibar Gumazamiziba bar pazɨva Jerusalem damu mangɨ dughiar me Jerusalemɨn ganamin dughiam gɨvagham.”

Sekaraia 10:5

Me mɨdorozir gumazir gavgavibar mɨn uari inigh, uan apaniba abɨntɨ, mati mɨdorozir gumaziba nguibar ekiamɨn zuir tuavimɨn uan apaniba, nguazir beghneazibar me dɨkabɨri. Kɨ Ikiavɨra Itir God me ko ikiam. Kamaghɨn amizɨ, me bar pamtemɨn mɨsogh mangɨ, hoziabagh apiazir mɨdorozir gumazibav sogh me abɨnigham.

Jeremaia 48:18

“Gumazir Moap gasɨghasɨghamin ingangarim itim, a ia batogh ian dɨvazir gavgavibagh asɨghasigham. Kamaghɨn amizɨ, ia Dibonɨn nguibar ekiamɨn gumazamiziba, ia mati atrivimɨn guivir dirim uan ziam fe, egh ia uan ziar ekiaba gɨn amadagh, gumazir kɨnibar mɨn nguazir mɨdiarim dapiagh.

Jeremaia 48:8

Apaniba izɨ nguibaba bar dagh asɨghasigham, eghtɨ nguibatam deragh ikian kogham. Kɨ Ikiavɨra Itir God, kɨ mɨkemezɨ moghɨn, me danganir zariba ko, danganir mɨghsɨabar itibagh asɨghasigham.

Aisaia 33:1

Ia kantrin igharazibagh asɨghasɨzi darasi, iavzika! Ia bar ikuvigham. Bar guizbangɨra, ia datɨrɨghɨn ikuvizir puvatɨ. Ezɨ ia kantrin igharazibagh asɨghasɨghamin dughiam, a gɨfa, eghtɨ ia uari ikuvigham. Ia igharaz darazigh ifarava, uan akar dɨkɨrɨziba abigha me isa apanibar agharim garɨsi. Bar guizbangɨra, tarazi datɨrɨghɨn ia gifarazir puvatɨ. Eghtɨ ia igharaz darazigh ifaramin dughiam, a gɨvagham. Eghtɨ igharaz darazi ia gifar, ia isɨ apanibar dafarim darɨgham.

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Aisaia 15:6

Me fo, Nimrimɨn dɨpam bar mɨsɨngizɨ, an apɨnimɨn itir oghevseviba uaghan mɨsɨngi. Me ghaze, Danganir kam, oghevseviba ko, temeba ti uam an aghungan kogham.

Godɨn Araziba 24:14

“Eghtɨ ian ingangarir gumazim, kar ian anavɨra o ikɨzir igharazimɨn gumazir ian nguibamɨn aven itim, an onganarazibar amutɨ, ia pazɨva a damuan markɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 16:20

Dughiar bar otevimɨn, Godɨn navir amɨrizim ko dabirabir aghuarim anɨdim, a Satanɨn gavgavim gasɨghasɨghɨva ian amamangatɨghtɨ, ia Satan dɨkaraghtɨma, a ian dagaribar apengan ikiam. En Ekiam Krais Iesusɨn apangkuvim ia ko ikɨ.

Sekaraia 9:8

“Kɨ uan gumazamizibar garima me mɨzazir ekiam ini. Kamaghɨn amizɨ, kɨ uan kantri geghuv, mɨdorozir gumaziba ateghtɨma, me nguazir kamɨn izeghan kogham. Kɨ uam apaniba ateghtɨ me ua nan gumazamiziba abɨnɨva arazir kurabar me damuan kogham.”

Aisaia 49:26

Egh kɨ nɨn apanibar amutɨ, me uarira uariv sogh uarigh asɨghasigham, mati gumazim uan namakabar tuzibar amam. Me pamtem uarira uariv sogham, mati gumazim uan namakabar ghuziba apa bar ongani. Eghtɨ nguazir kamɨn gumazamiziba bar bizir kɨ amizir kamɨn ganigh, me kamaghɨn fogh suam, Kɨ uabɨra, kɨ Ikiavɨra Itir God. Kɨ gumazir uamategha uan gumazamiziba isim. Kɨ ian Akurvazir Gumazim. Kɨ Jekopɨn adarazir Godɨn Gavgaviba Bar Itim.”

Aisaia 54:14

Kɨ uan arazir aghuimɨn gɨn mangɨ nɨ damightɨ, nɨ gavgavigham. Eghtɨ gumazir nɨ dɨkabɨraghamin tam ua nɨn boroghɨn ikian kogham. Eghtɨ nɨ bizitam uam an atiatingan kogham. Atiatir arazim nɨn saghon ikiam.

Aisaia 58:7

God kamaghɨn mɨgei, “Arazir kɨ ifongezim a kamakɨn: Ia dagheba isɨ mɨtiriaba azir gumazamizibar anɨng. Ia gumazir onganarazibar gantɨ, me dakuamin dɨpeniba puvatɨghtɨ, ia me inigh uan dɨpenibar mangɨ. Ia gumazimɨn gantɨ, a uan mɨkarzim avamin iniba puvatɨghtɨ, ia iniba a danɨng. Ia uan adarazir gantɨ me osɨmtɨziba initɨ, ia men akurvagh.

Jeremaia 40:11

Ezɨ dughiar kamɨn Judan marazi Moap ko, Amon ko, Idom ko kantrin igharazibar iti. Me kamaghɨn akam baraki, Babilonɨn atrivim gumazamizir varazira ataghizɨ me Judan nguazimɨn itima, ezɨ atrivim me gativagh men ganasa, Gedalia amɨsefe, a Ahikamɨn otarim, egha Safanɨn igiavotarim.