Aisaia 16:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ O Moapɨn atrivim, e Moapian gumazamiziba ara iza Idomɨn nguibar ekiam Selan iti. Eghtɨ atrivim, nɨ sipsipɨn nguziba isɨ da amadaghtɨ, da Saionɨn Mɨghsɨamɨn mangam. Sipsipɨn kaba, Saionɨn Mɨghsɨamɨn gumazamiziba dar ganigh fogh suam, e uam dagɨaba takisɨn mɨn me danɨngam. Gumazir sipsipɨn kaba inigha zuiba, me gumazamiziba puvatɨzir danganimɨn zuir tuavimɨn mangɨ, Jerusalemɨn otivigham. Jerusalem, Saionɨn guivimɨn ababanim gami.

Aisaia 16:1 ပူးပေါင်းရင်းမြစ်များ

Aisaia 10:32

Apaniba datɨrɨghɨn Nopɨn nguibar ekiamɨn otivigha gɨfa. Egha Saionɨn Mɨghsɨamɨn amadaghan gara, uan dafariba apɨra, uan gavgaviba akakagha ghaze, me Jerusalemɨn nguibar ekiam gasɨghasɨghasa uari baraki.

2 Atriviba 3:4

Dughiar kamɨn, kantri Moapɨn Atrivim Mesa sipsipɨn avɨriba iti. A Israelian atrivimɨn apengan iti, egha azeniba bar takisɨn mɨn uan 100,000plan sipsipɨn apurir igiaba isa Israelɨn atrivim ganɨdi. Egha uaghan 100,000plan sipsipɨn apuriba amɨsɨva, dar arɨzibar ghora Israelian atrivim bagha da amadi.

2 Atriviba 14:7

Dughiar mamɨn, Amasia uan mɨdorozir gumaziba ko me ghua Idomian mɨdorozir gumazir 10,000pla, Danganir Zarir Amangsɨzir Avɨrim Itimɨn me ko mɨsosi. Egha me Idomia abɨragha, Selan nguibar ekiam ini. Egha Amasia nguibar ekiar kam, ziam Joktel a gatɨ. Ezɨ me dughiar kamɨn ikegha iza datɨrɨghɨn, ziar igiar kam a garɨsi.

2 Samuel 8:2

Egha gɨn, Devit ua uan mɨdorozir gumaziba ko ghua Moapia mɨsogha me abɨni. A men mɨdorozir gumaziba gaghora me mɨgeima, me 3plan bɨzir ruaribar nguazim gireghav iti. Egha a gumazir bɨzir faragha itiba ko bɨzir namba 2ɨn itibav gɨa ghaze, me aremegham. Egha namba 3ɨn gumazir bɨzim mɨgɨa ghaze, me aremeghan kogham. Ezɨ Moapia Devitɨn apengan ikia dagɨaba isa a ganɨdi.

Aisaia 42:11

Ia dakɨghtɨzir danganimɨn itir nguibabar gumazamiziba ko, Kedarian adarasi, ia tiariba akar an ziam fɨ. Ia Selan nguibamɨn gumazamiziba, ia mɨghsɨabar mavanegh dɨm mɨkɨm bar akongegh.

Esra 7:17

“Nɨ deravɨra dagɨabar amu. Nɨ bulmakaun apuriba ko, sipsipɨn apuriba ko sipsipɨn nguziba, ko wit ko wain, givezegh da inigh mangɨ Jerusalemɨn itir Godɨn Dɨpenimɨn otogh ofa gamir dakozimɨn ofa damu.

Maika 4:8

Ezɨ nɨ Jerusalem, God nɨn ikia uan gumazamizibar gari, mati sipsipbar gari gumazim uan sipsipbar garir dɨpenir dɨvazimɨn aven iti. Nɨ faragha me geghuvi moghɨn, nɨ bar ekevegh uan kantrin nguibaba bar da gativagh, dagh eghuvam.

Esekiel 45:16

“Kantrin kamɨn gumazamiziba bar, bizir kaba inigh Israelian atrivim bagh mangɨva ofabar amuam.