Aisaia 15:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Me fo, Nimrimɨn dɨpam bar mɨsɨngizɨ, an apɨnimɨn itir oghevseviba uaghan mɨsɨngi. Me ghaze, Danganir kam, oghevseviba ko, temeba ti uam an aghungan kogham.

Aisaia 15:6 ပူးပေါင်းရင်းမြစ်များ

Dɨboboniba 32:36

ko Betnimra, ko Betharan, me ua deraghavɨra dar ingarigha da avɨnizir dɨvazir gavgaviba uaghan dar ingari. Egha me uan sipsipba bagha dɨvazir aghuibar ingari.

Akar Mogomem 8:7

Ezɨ faragha zuir ensel uan sɨgham givima, amozir ofɨzir ekiar dagɨabar mɨn gariba ko avim, aning ghuzim sara isafuragha nguazim giri. Ezɨ me nguazim ko temeba 3plan okoruabar vaghvagha da tuira, ezɨ nguazimɨn okoruar mam, avim bar an isi. Ezɨ temebar okoruar mam, avim bar an isi, egha avim uaghan nguazimɨn aghuir graziba bar adar isi.

Josua 13:27

Ezɨ Gatɨn anabamɨn adarasi, Jordanɨn Fanemɨn danganir zarimɨn itir nguibar kaba ini. Dar ziabar kara: Betharamɨn nguibam, ko Betnimran nguibam, Sukotɨn nguibam, ko Safonɨn nguibam, ko Atrivim Sihonɨn nguazir otevir mam, a Hesbonɨn nguibar ekiamɨn atrivim, a faragha an gari. Egha Gatɨn anabamɨn adarasi, nguazir Jordanɨn Faner mɨriamɨn itim inigha ghua aruem anadi naghɨn otogha, bar ghua notɨn amadaghan Galilin Dɨpar Akaremɨn tu.

Dɨboboniba 32:3

“Nguazir Ikiavɨra Itir God Israelia en akurazɨ, e inizir kam, nguibar ekiar kaba an iti, Atarot, ko Dibon, ko Jaser, ko Nimra, ko Hesbon, ko Eleale, ko Sipma, ko Nebo, ko Beon. Kar bulmakauba ikiamin nguazir bar aghuim. Ia fo, e bulmakaun bar avɨriba iti.

Jeremaia 48:34

“Moapia bar puvɨram arangɨva, Hesbonɨn nguibamɨn ikegh mangɨ, Elealen nguibar ekiam ko notɨn amadaghan, Jahasɨn nguibamɨn tugham. Egh Soarɨn nguibamɨn ikegh mangɨ Horonaimɨn nguibam ko sautɨn amadaghan Eklat Selisian nguibamɨn tugham. Guizbangɨra, men kantrin nguibaba bar ikuvigham. Eghtɨ Nimrimɨn Fanem uaghan bar dakegham.

Jeremaia 14:5

Ezɨ asɨzir atiaba nguziba batima, da damamin graziba puvatɨ. Kamaghɨn, me uan nguziba ataghɨrazi, da pura iti.

Joel 2:3

Da mati, avim dadabar isi moghɨn dagheba ko, graziba, ko, bizir igharaziba sara bar ada agɨfa. Danganir da tɨghar mangamiba, da bar deragha, mati Idenɨn Azenim. Ezɨ danganir me ter afariba ko, graziba amegha gɨvaziba, da mati danganir mɨsɨngizim. Da bizitam ataghizɨ, a itir puvatɨ. Bar puvatɨ. Da biziba bar ada gɨfa.