Aisaia 15:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Mevzika! Kɨ uaghan Moapian apangkuvigha, me bagha azi. Kɨ garima, me uan nguibam ategha, ara ivemara Soarɨn nguibar ekiam ko, Eklat Selisian nguibar ekiamɨn zui. Me aziavɨra ghua Luhitɨn nguibar ekiamɨn tuavimɨn ghuavanadi. Egha me uan osɨmtɨzir ekiam gɨnɨghnɨgha pamtem aziava ara Horonaimɨn nguibar ekiamɨn tuavimɨn zui. Ezɨ men ararem bar ekefe.

Aisaia 15:5 ပူးပေါင်းရင်းမြစ်များ

Jeremaia 48:5

Moapia, me aregham. Me bar puv arava, Luhitɨn tuavimɨn ghuavanaga, Horonaimɨn nguibamɨn ghuaghiri. Ezɨ men ararem ghuavɨra ikiava bar ekefe.

Jeremaia 4:20

Kɨ garima, me kantrin aven itir danganiba bar dar gumazamiziba paza me gamua me gasɨghasɨzima, biziba bar moghɨra ikufi. Kɨ garima, me zuamɨra en purirpenibagh asɨghasɨki.

Jeremaia 17:16

Ikiavɨra Itir God, nɨ uan gumazamizibagh eghuvir ingangarir kam na ganɨngi, mati gumazir sipsipbagh eghuvim. Ezɨ kɨ ingangarir kam ataghizir puvatɨ. Ezɨ nɨ fo, kɨ dughiar kuram gumazamizir kaba bativasa me bagha nɨ mɨkemezir puvatɨ. Bar puvatɨ. Kɨ nɨn damazimɨn mɨkemezir akaba, nɨ bar deraghvɨra dagh fo.

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Aisaia 22:5

Ikiavɨra Itir Godɨn Gavgaviba Bar Itim, nan Ekiam, an osɨmtɨzir guar avɨriba ia bativamin dughiam amɨsevegha gɨfa. Osɨmtɨzir kaba, Irebamɨn mɨn Garir Bizibar Garir Danganir Zarimɨn ia bativam. Dughiar kamɨn, apanir bar avɨrim izɨva pamtemɨn dɨmɨva ivemar mangɨ izegh damutɨ, ia dɨgavir kuram damigh onganigham. Egh me nguibar ekiamɨn dɨvazir gavgavim akartɨ, ia atiatingtɨ, ian dɨmdiam bar saghon mangɨ mɨghsɨabar tugham.

Aisaia 16:14

Egha Ikiavɨra Itir God datɨrɨghɨn ua kamaghɨn mɨgei, “Moapia uan bizir aghuiba sara bar gɨvaghamin azenir 3plara iti. 3plan azenir kabanang, dar arueba kɨ vaghvagha, bar deraghavɨra da medi. Ezɨ namba 3ɨn azenimɨn, kɨ mɨkemezɨ moghɨn kɨ bizir kabar amuam. Moapɨn ziam datɨrɨghɨn bar pɨn iti, egh a gɨn bar gɨvagham. Gumazamizir bar avɨrim datɨrɨghɨn kantri Moapɨn iti, eghtɨ men kantri ikuvamin dughiamɨn, gumazamizir varazira an ikɨva gavgaviba puvatɨgham.”

2 Samuel 15:30

Ezɨ Atrivim Devit bar osemegha uan dagarir asuamning suegha uan dapanim avaragha azia Olivɨn Mɨghsɨamɨn ghuavanadi. Ezɨ an gɨn zuir darasi, uaghan uan dapaniba avegha azia ghuavanadi.

2 Samuel 15:23

Devit uan adarazi ko me Jerusalem ataghɨrazir dughiamɨn, kantrin aven itir gumazamiziba bar moghɨra puvɨram azi. Ezɨ atrivim uan adarazi ko me Kidronɨn Fanem giregha gumazamiziba puvatɨzir danganimɨn amadaghan zui.

Jenesis 19:22

Aria, nɨ atamra mangɨ. Kɨ bizitam damuan kogh mangɨ, dughiar ia mangɨ nguibar kamɨn otoghamim.” Ezɨ Lot ghaze, nguibar kam bar sufi, ezɨ me gɨn nguibar kam, Soar a garɨsi.

Jenesis 13:10

Ezɨ Lot tugha gari. Egha Jordanɨn Faner zarimɨn itir danganiba bar dar gara ghua Soarɨn nguibamɨn tu. Nguazir otevir kam dɨpar avɨriba ikia bar dera. Egha mati Ikiavɨra Itir Godɨn azenir bar aghuimɨn mɨn garava, uaghan kantri Isipɨn mɨn gari. Dughiar kam, Ikiavɨra Itir God tɨghar Sodomɨn nguibam ko Gomoran nguibam gasɨghasɨgham.

Dɨboboniba 21:29

Iavzika! Ia Moapian gumazamiziba, ia osɨmtɨzir ekiam iniam. Ia gumazamizir asem Kemosɨn ziam feba, ia ikuvigham. Ian aser kam, a gumazibagh amima, me an gɨn ghua nguibam ategha gumazir kɨnibar mɨn guighav iti. Ian aser kam Amorian Atrivim Sihon gamizɨ, a ian amizibar suighizɨ, me Amorian atrivimɨn ingangarir amizir kɨnibar iti.

Aisaia 59:7

Ia zuraram arazir kuram damuasa bar ifonge. Egha ia zurara atamra ghua gumazamizir arazir kurabagh amir puvatɨzibav sozi, me ariaghiri. Ia bizir kurabara damuasa nɨghnɨsi. Egha ia gumazamizibar ikɨrɨmɨrim gasɨghasɨghasava arua bizibagh ami.

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Jeremaia 48:3

“Ia dɨmdɨar ararer ekiar Horonaimɨn nguibamɨn otozim baragh. Me kamaghɨn dei: Biziba bar ikufi.

Jeremaia 50:46

Apaniba Babilon iniamin dughiamɨn, mɨkɨmkɨzim nguazimɨn otoghtɨ nɨgɨnir ekiam otogham. Eghtɨ Babilonian ararem otogh ekevegh mangɨtɨ, Kantrin Igharazibar Gumazamiziba bar a baragham.”