Aisaia 13:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Bar guizbangɨra, Ikiavɨra Itir God Izamin Dughiar Ekiam, a izi, kar Ikiavɨra Itir God uan anɨngagharir ekiam sara izasa mɨsevezir dughiam, egh nguazir kamɨn itir ruaghateviba bar dagh asɨghasɨghɨva, gumazamizir arazir kurabagh amiba me bar me agɨvagham.

Aisaia 13:9 ပူးပေါင်းရင်းမြစ်များ

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.

Aisaia 13:6

Ikiavɨra Itir God Izamin Dughiar Ekiam, a roghɨra izegha gɨfa. Kamaghɨn amizɨ, ia bar puvɨram aziva arang. Dughiar kamɨn, Godɨn Gavgavim Bar Itim, dughiar bar kuram amadaghtɨ a izam.

Nahum 1:2

Ikiavɨra Itir God uabɨra God, a gumazamiziba ateghtɨ, me asebar ziaba fan kogham. An akam batozir gumazamiziba, a mɨzazim me ganɨdi. Ikiavɨra Itir God, a uan apanibar anɨngagha, men arazir kuraba ikarvagha ivezir kuram me ganɨdi.

Onger Akaba 104:35

Nan ifongiam kamakɨn, nɨ arazir kurabagh amir gumazamiziba bar me gasɨghasɨkigh. Gumazamizir kuraba bar moghɨra gevegh ua ikian kogham. Kɨ uan navir averiamɨn aven Ikiavɨra Itir Godɨn ziam fam! Aleluia! E Ikiavɨra Itir Godɨn ziam fam!

Aghuzir Akaba 2:22

Eghtɨ gumazim uan azenimɨn ogheba asi moghɨn, God gumazir arazir kurabagh amiba asigh me batuegham.

Akar Mogomem 18:8

Amizir kam Babilon, uan ziar gavgavim fe, kamaghɨn amizɨ, dughiar bar otevir vamɨran, bizir bar kuraba bar a bativam. Bizir kaba, arɨmariar ekiaba ko osɨmtɨzir ekiaba a bativtɨ an azitɨma, mɨtiriar ekiaba an agham. Eghtɨ avim an isigham. Ekiam God an araziba tuisɨgha gɨvagha ghaze, ‘A ikuvigham.’ Godɨn kam gavgavir ekiam iti. Kamagh amizɨ, bizir kurar avɨriba dughiar vamɨra bar moghɨram a bativam.”

Aisaia 9:19

Ikiavɨra Itir Godɨn Gavgaviba Bar Itim bar anɨngaghegha, nguazir kamɨn ruaghatevibar itir gumazamiziba bar me gasɨghasɨki. A mati avim ruarir ekiamɨn isia bar a gasɨghasɨghizɨ moghɨn, bar me gasɨghasɨki. Gumazamiziba uaghan vaghvagha men nɨghnɨzibar gɨn ghua, igharaz darazi dɨkabɨnasava ami.

Esekiel 13:5

Me nguibar ekiam avɨnizir dɨvazir akaraghirezir danganibar gara ua dar ingarir puvatɨ. Kamaghɨn amizɨ, Ikiavɨra Itir God Izamin Dughiar Ekiamɨn mɨdorozim otoghtɨ, ia Israelia tuivigh gavgavighan kogh apanibav soghan iburagham.

Joel 1:15

Bar guizbangɨra, dughiar kuram kɨran oveghangɨn otivam, kar Ikiavɨra Itir God Izamin Dughiar Ekiam. Kar Godɨn Gavgaviba Bar Itim, uan gavgavimɨn ivezir kuram gumazamizibar anɨngamin dughiam. Evzika! E uarira uarir apangkufi, dughiar kam, a bar moghɨra ikuvigham.

Joel 2:31

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Nahum 1:8

An aperiar ekiamɨn mɨn, Niniven nguibar ekiam bar a gasɨghasigham. Egha gumazir an akam batoziba, a me mɨsozi me ariaghiri.

Sekaraia 14:1

Eghtɨ Ikiavɨra Itir Godɨn kotiar ekiamɨn dughiam izam. Eghtɨ dughiar kamɨn apaniba izɨ Jerusalemɨn dagɨaba ko biziba iniam. Me ian damazibar bizir aghuir kaba tuiragh uari danɨngam.

Aisaia 2:12

Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe. Egh dughiar kamra, bizir ekiar gumazamiziba gara bar akuegha uan ziaba feba, a bar dagh asɨghasɨgham.

Aisaia 34:8

Ikiavɨra Itir Godɨn nguibar ekiam Saion, apaniba a dɨkabɨravɨra iti. Kamaghɨn amizɨ, a me ikarvaghamin azenir mam amɨsevegha gɨfa. Eghtɨ dughiar kam otoghtɨ, a ivezir kuram isɨ me danɨngam.

Aisaia 63:4

Kɨ uan navir averiamɨn aven uan gumazamizibar apaniba ikarvagh, me gasɨghasɨghamin dughiam gɨnɨghnɨghavɨra iti. Ezɨ datɨrɨghɨn dughiar kɨ ua gumazamiziba iniamim otogha gɨfa.

Aisaia 66:17

Ikiavɨra Itir God kamaghɨn mɨgei, “Gumazamizir maba, asebar ziaba fasa uari zueghamin arazibar gɨn ghua, egha uan azenibar itir marvir guabar ziaba fer danganibar ghua, men tongɨn itir gumazir dapanimɨn gɨn zui. Egha me dabar tuziba ko kuarziba ko bizir igharazir nan damazimɨn zuezir puvatɨziba saram api. Egh me bar moghɨra ikuvigh bar gɨvagham.”

Esekiel 30:3

Ikiavɨra Itir God Izamin Dughiar Ekiam, a roghɨra ize. Kar dughiar God gumazamizibagh asɨghasɨghamim. Dughiar kamɨn, overiamɨn ghuariar ekiaba otivightɨ, God kantribar araziba tuisɨgh, ivezir kuram me danɨngam.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.

Sefanaia 1:15

Dughiar kamɨn, Ikiavɨra Itir Godɨn anɨngagharim azenim giram, eghtɨ gumazamiziba osɨmtɨzir ekiamɨn aven ikɨ men naviba bar ikuvigham, eghtɨ biziba tintinimɨn ikuvam. Eghtɨ ghuariaba aruem avaraghtɨ, mɨtater pɨgha duar dafam otogham.