Aisaia 13:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Bizir kam bangɨn, gumazamizibar aghariba bar men amɨraghtɨ, men gavgaviba bar gɨvaghtɨ, me uan navibar aven bar atiatingam.

Aisaia 13:7 ပူးပေါင်းရင်းမြစ်များ

Esekiel 21:7

Eghtɨ me ti nɨn azaragham, nɨ tizim bagha tiarim akarava arai? Eghtɨ nɨ kamaghɨn me mɨkɨm suam, ia bativamin bizimɨn mɨgɨrɨgɨam izegha gɨfa. Dughiar kurar kam, izɨ otoghtɨ, atiatim ian navibagh izɨvaghtɨ, ian agharapaniba ian amɨraghtɨ ia gavgaviba puvatɨghtɨ, ian sueba inɨghɨva akongam. Ia deraghvɨram oragh, dughiar kuram otivasav ami. Kɨ Ikiavɨra Itir Godɨn Ekiam kamaghɨn mɨkeme.”

Nahum 2:10

Ninive bar ikuvigha, pura danganir kɨnir gumazamiziba puvatɨzimɨn mɨn iti. Gumazamiziba nguibar ekiam ategha tintinibar are. Me puvɨram aguava bar atiatigha, men sueroghofariba nɨsi. Men gavgaviba bar gɨvazɨma, men naviba me gɨghaghirima, men damaziba atiaghiregha guaba bar ghuari.

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.

Esekiel 7:17

Eghtɨ men aghariba men amɨragh gavgaviba puvatɨghtɨ, men teviba me gɨnuighnuigham.

Aisaia 19:1

Isipia bar ikuvighasa, Ikiavɨra Itir God akar kam me bagha an anɨngi. “Ia gan! Ikiavɨra Itir God ghuariam gisɨn aperaghav ikia, ivegha akɨgha Isipɨn kantrin izi. A izɨ otoghamin dughiamɨn, Isipian aseba, bar puvɨra nɨghtɨ, Isipian gumazamiziba bar puvɨram atiatingɨva, gavgaviba amɨragh magɨrɨgh bar gɨvagham.”

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Aisaia 51:20

Nɨn gumazamiziba gavgaviba puvatɨgha, men damaziba men sɨri, me tuavir mɨriabar pura tintinibar irav iti. Me mati asɨziba, azuaziba dar suighizɨ, da tintinibar ira iti. Egh me bizitam damuan iburagham. Ikiavɨra Itir God, ian God, uan anɨngagharim ko ivezir kuram me gingezɨ, me bar ikuvigha iti.

Aisaia 37:27

Ezɨ gumazamizir nguibar kabar itiba bar atiatingi. Me okam nɨghnɨgha men gavgaviba bar moghɨra gefe. Me mati, aruer dughiamɨn, amɨnir fefem iza grazibar isi da mɨdɨi moghɨn mɨsigha iti. Amɨnir fefer kam aruem anadir naghɨn ikegha iza, grazir dɨpenir siriabar aghuiba ko grazir tintinimɨn aghuibar isizɨ, da deragha aghuir puvatɨ.

Ua Me Ini 15:15

Idomɨn kantrin faragha zuir gumazibar nɨghnɨziba, tintinibar nɨghnɨgha onganizɨ moghɨn ami. Moapɨn gumazir dapaniba puvɨra nɨghava agoi. Kenanian gumazamiziba atiatia, uan gavgavim ategha puram amɨragha uaghiri.

Josua 2:11

E mɨgɨrɨgɨar kam baregha bar ian atiatigha ikia, en aghariba en amɨra. E datɨrɨghɨn gavgaviba bar puvatɨ. Guizbangɨra, ian God, a Ikiavɨra Itir God, an overiar pɨn itim ko nguazimɨn God.

Onger Akaba 58:7

Nɨ me damightɨ, me dɨpam nguazimɨn aven uaghiri moghɨn mangɨ pura puvatɨgh. Nɨ me dɨkabɨntɨ, me gumazim grazim dɨkabɨri a uaghira mɨdɨi moghɨn me mɨsɨngigh.

Jeremaia 51:30

Babilonɨn mɨdorozir gumaziba mɨdorozim ategh, mɨdorozir dɨpenir gavgavimɨn aven ikiam. Egh me amizibar mɨn ikɨva, gavgaviba puvatɨgham. Apaniba Babilonian dɨpenibar apongɨva, egh nguibabar dɨvazibar tiar akaba akaram.

Esekiel 21:12

O nguazir kamɨn gumazim, nɨ pamtemɨn tiarim akar puv azi. Mɨdorozir sabar kam, me a inigh nan gumazamizibav sogham. Egh uaghan Israelian gumazir dapanibav sogham. Eghtɨ me bar arɨghiram. Aia! Nɨn navir averiam bar bightɨ, nɨ uan evarim mɨsoghɨva azi.

Nahum 2:11

Nguibar ekiar kam faragha bar gavgafi, mati laionba itir danganim, ezɨ datɨrɨghɨn puvatɨ. Ninive fomɨra mati laionɨn igiaba ikia apir danganim, ezɨ laionɨn apuriba ko, amebaba ko, men nguziba an moga deravɨra itima, apaniba me mɨsozir puvatɨ. Laionɨn apurim asɨzibav sogh da nguemsɨrightɨ, amebam ko, nguziba deravɨra damam. Egha asɨzir naba isa dɨpenim garɨzima a izɨfa. Ezɨ datɨrɨghɨn laionɨn dɨpenim a managh iti? A ikuvigha gɨfa.