Aisaia 13:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ikiavɨra Itir God Izamin Dughiar Ekiam, a roghɨra izegha gɨfa. Kamaghɨn amizɨ, ia bar puvɨram aziva arang. Dughiar kamɨn, Godɨn Gavgavim Bar Itim, dughiar bar kuram amadaghtɨ a izam.

Aisaia 13:6 ပူးပေါင်းရင်းမြစ်များ

Joel 1:15

Bar guizbangɨra, dughiar kuram kɨran oveghangɨn otivam, kar Ikiavɨra Itir God Izamin Dughiar Ekiam. Kar Godɨn Gavgaviba Bar Itim, uan gavgavimɨn ivezir kuram gumazamizibar anɨngamin dughiam. Evzika! E uarira uarir apangkufi, dughiar kam, a bar moghɨra ikuvigham.

Sefanaia 1:7

Ikiavɨra Itir God Izamin Dughiar Ekiam a roghɨra izegha gɨfa. Kamaghɨn amizɨ, ia an boroghɨn izɨ nɨmɨra ikɨ. Ikiavɨra Itir God uan gumazamiziba me mɨsoghasava ami, mati gumaziba ofa damuasa asɨzibav sosi. Egha gumazir igharazibar diazɨ me iza garima, a uan damazimɨn zuezir arazim damuasa me mɨgei.

Amos 5:18

Ia bar moghɨra kamaghɨn ifonge, Ikiavɨra Itir God Izamin Dughiar Ekiam, a bar zuamɨrama otogham. Iavzika! Ia bizir aghuir manamra dughiar kamɨn an gantɨ an otivam? Ia ti ghaze, dughiar kamɨn amɨnim ti ian tiragham. Bar puvatɨ. Amɨnir bɨrim a ikɨ kamaghɨra ikiam.

Aisaia 13:9

Bar guizbangɨra, Ikiavɨra Itir God Izamin Dughiar Ekiam, a izi, kar Ikiavɨra Itir God uan anɨngagharir ekiam sara izasa mɨsevezir dughiam, egh nguazir kamɨn itir ruaghateviba bar dagh asɨghasɨghɨva, gumazamizir arazir kurabagh amiba me bar me agɨvagham.

Akar Mogomem 18:10

Egh me mɨzazir ekiar a isir kamɨn ganigh, atiatigh saghon tuivigh ikɨ, kamaghɨn mɨkɨmam: “ ‘Noka, Babilonɨn nguibar ekiam. Noka! Nɨ nguibar ekiar gavgavim itim! Nɨn arazir kurabar ivezir kuram dughiar otevimra nɨ bagha ize.’

Joel 2:11

Ikiavɨra Itir God uan mɨdorozir gumaziba Akar Gavgavim me ganɨdi, ezɨ an mɨgɨrɨgɨaba mati ararim dagarvasi. An mɨdorozir gumaziba bar avɨraseme, eghtɨ gumazitam me dɨponɨva avegham. Ikiavɨra Itir God Izamin Dughiar Ekiam, gumazamizibar amutɨ, me bar atiatigham. Eghtɨ tinara dughiar kamɨn aven mangɨ ikuvighan kogh, deravɨra ikiam? Ti puvatɨgham.

Jeremaia 51:8

Eghtɨ Babilon uabɨ zuamɨra irɨgh ikuvigham. Kamaghɨn amizɨ, ia a bagh aziva an apangkuv. Ia mangɨ a bagh marasinba inigh, an duabar aghuightɨ da akumigham. Eghtɨ a ti ua deragham.

Aisaia 34:8

Ikiavɨra Itir Godɨn nguibar ekiam Saion, apaniba a dɨkabɨravɨra iti. Kamaghɨn amizɨ, a me ikarvaghamin azenir mam amɨsevegha gɨfa. Eghtɨ dughiar kam otoghtɨ, a ivezir kuram isɨ me danɨngam.

Aisaia 2:12

Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe. Egh dughiar kamra, bizir ekiar gumazamiziba gara bar akuegha uan ziaba feba, a bar dagh asɨghasɨgham.

Jems 5:1

Ezɨ datɨrɨghɨn, bizir avɨriba itir gumazamiziba, kɨ akam ia mɨkɨmasa ifonge. Ia oragh! Ia osɨmtɨzir ekiar ia bativamibagh nɨghnigh, pamtem dɨmɨva arang ikɨ.

Malakai 4:5

“Nan Dughiar kam, a Dughiar Bar Ekiam, kɨ an gumazamizibar amightɨ me bar atiatigham. Dughiar kam a tɨghar otivam, kɨ faraghɨvɨra Elaija amadaghtɨma an akam akurir gumazimɨn mɨn ia bagh izam.

Sefanaia 1:14

Ikiavɨra Itir God Izamin Dughiar Ekiam, a roghɨra ize, egh a bar zuamɨram otogham. Ikiavɨra Itir God Izamin Dughiar Ekiam, a gumazamizibar amutɨ, me bar osemegham. Dughiar kamɨn, mɨdorozir gumazir gavgaviba, me uaghan atiating pamten arangam.

Joel 2:31

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Joel 1:13

E uan Godɨn Dɨpenimɨn ofa damuamin dagheba ko wainba puvatɨ. Kamaghɨn amizɨ, ia ofa gamir gumazir ofa gamir dakozimɨn ingangarim gamiba, ia azirakar korotiar pɨziba aghuigh egh azi. Ia dɨmagarimɨn azirakar korotiar pɨziba aghuigh, Godɨn Dɨpenimɨn aven mangegh ikɨ mangɨtɨ amɨnim tiragh.

Joel 1:5

Ia gan, odezir kaba bar ian wainɨn ovɨzibagh asɨghasɨki. Kamaghɨn amizɨ, ia gumazir mɨghɨgha wainɨn dɨpam apava onganiziba, ia osegh dɨkavigh azi! Ia gumazamizir wainɨn dɨpaba apiba, ia uaghan uan wainɨn dɨpar isɨngtɨziba bagh azi.

Aisaia 14:31

“Ia Filistian nguibar ekiaba ko, gumazamizir men itiba, ia bar moghɨram atiatingɨva, nɨghɨva akong puv aziva, pamtemɨn dɨm gan, mɨdorozir gumazir bar bɨzir dafam, notɨn amadaghan ikegha izi. Me izima, mati avir mɨturim men gɨrakɨrangɨn otifi. Mɨdorozir gumazir kaba, me mɨdorozir gumazir bar gavgaviba, ezɨ, men tav uabɨra gɨn izir puvatɨ, me bar moghɨra uari inigha izi.”

Jopɨn Akɨnafarim 31:23

Kɨ Godɨn gavgavir ekiam gɨnɨghnɨgha puv atiati. A gumazir arazir kurabagh amibagh asɨghasɨghasa, bizir kuraba amadi. Kamaghɨn amizɨ, kɨ arazir aghuibaram ami.

Joel 1:11

Witba ko, baliba ko, dagheba ko, bizir maba sara bar ikufi. Kamaghɨn amizɨ, ia gumazir azenimɨn ingariba ko, gumazir wainɨn azenimɨn ingariba, ia naviba osemegh azi.

Esekiel 21:12

O nguazir kamɨn gumazim, nɨ pamtemɨn tiarim akar puv azi. Mɨdorozir sabar kam, me a inigh nan gumazamizibav sogham. Egh uaghan Israelian gumazir dapanibav sogham. Eghtɨ me bar arɨghiram. Aia! Nɨn navir averiam bar bightɨ, nɨ uan evarim mɨsoghɨva azi.

Jeremaia 49:3

“Ain nguibar ekiam ikuvigha gɨfa, kamagh amizɨ, Hesbonɨn nguibar ekiamɨn gumazamiziba, ia pamtemɨn azi. Ia Raban gumazamiziba, ia uaghan azi. Apaniba izɨ asem Milkom a inigh, mangɨ kantrin igharazimɨn kalabus datɨgham, egh an ofa gamir gumaziba ko Amonian gumazir dapaniba sara iniam. Kamaghɨn amizɨ, ia azirakar korotiar pɨzibar aghuigh, apangkuvir onger akaba bangɨ. Egh arɨ mangɨ uan dagher azenibar mongegh.

Aisaia 65:14

Nan ingangarir gumazamiziba, men navir averiaba guizbangɨra bar akongezir arazim me gizɨvaghtɨ, me bar akongezir ighiabar amuam. Eghtɨ ian naviba osɨmtɨzir ekiam dagh izɨvaghtɨ, ian nɨghnɨziba deragh ingaran koghtɨ, ia bar puvɨram aziv arangam.

Aisaia 52:5

Ezɨ kɨ garima, Babilonia uaghan arazir kamram ami. Me pura nan gumazamiziba inigha ghua kalabuziam gatɨ, egha nan adarazir gumazir dapanibagh amizɨ, me bar puvɨram azi. Ezɨ kɨ bizitam inizir puvatɨ. Gumazamiziba zurara na dɨpovava, nan ziam gasɨghasɨsi.

Aisaia 23:1

Bizir Tairɨn nguibar ekiamɨn otivamiba, Ikiavɨra Itir God, dar akam anɨdi: O ia gumazir kurir ekiabar ongarim garuiba, iavzika! Ian nguibar ekiam Tair, a bar ikuvigha gɨfa, ezɨ tam uam an itir puvatɨ. Ia Tarsisɨn nguazimɨn ikegha, uamategha iza Saiprusɨn Arighatɨzim ategha, uan nguibam bagha izi, egha dughiar kamɨn ia asɨghasɨghizir arazir kam baraki. Kamaghɨn amizɨ, ia naviba ikuvigh aziv arang.

Jeremaia 25:34

Ia gumazamizibar gumazir dapaniba ko me geghuva men gariba, mati sipsipbar garir gumaziba uan sipsipbagh eghufi, ia bar puvɨrama azi. Apaniba izɨ ia mɨsoghtɨ ia arɨmɨghiramin dughiam otogha gɨfa. Eghtɨ gɨn me gumazamizir ikiavɨra itiba batuegham. Kamaghɨn amizɨ, ia nguazim giregh a gɨpoghpogh. Ia nguazir mɨner aghuim irɨgha bɨaghirezɨ moghɨn, ia iregh bar ikuvigham.

Aisaia 10:3

God ian arazir kurar ia amir kaba ikarvagh, ia gasɨghasightɨ, ia manmaghɨn damuam? Dughiar kam, a kantrin saghon itimɨn gumaziba inigh izɨtɨ, me amɨnir gavgavimɨn mɨn izɨ ian bizibagh asɨghasɨghtɨ, ia manmaghɨn damuam? Ia ti ivegh mangɨ tina dama akurvazim iniam? Ian ziar ekiam ko bizir avɨrir ia iniziba, ia ti managh dar arɨghtɨ, da deraghvɨra ikiam? Bar puvatɨgham!

Aisaia 10:25

Nan navim ia bagha ikuvighavɨra iti, kamaghɨn, kɨ Asiriaba ataghizɨ me ia gasɨghasɨsi. Eghtɨ kɨ, kɨran oveghangɨn, uan adarir ian itim agɨvagh, egh raghɨrɨgh Asiriabagh asɨghasɨgham.

Aisaia 14:23

Kɨ mati amizim uan bɨzimɨn mɨneziba avi moghɨn, kɨ uan bɨzim isɨ Babilon bar anevigh anegɨvagham. Kɨ Babilon damightɨ, mughuriar kuram itir beghneazim bar anevaragham. Eghtɨ asɨzir atiaba an ikiam. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Aisaia 34:2

Ikiavɨra Itir God, kantriba bar me ko mɨdorozir gumaziba, bar men anɨngaghegha me bagha navim isi, egha me aremeghasa, a mɨkemegha gɨfa.

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.

Aisaia 61:2

A kamaghɨn akam akunasa na mɨkemegha na amada: Ikiavɨra Itir God gumazamizibagh ifongezir dughiam, an otogha gɨfa. Dughiar kamɨn, God ivezir kuram isɨ men apanibar anɨngam. Egha, a gumazamizir osemegha aziba, gavgavim men navibar anɨngasa na amada.

Esekiel 13:5

Me nguibar ekiam avɨnizir dɨvazir akaraghirezir danganibar gara ua dar ingarir puvatɨ. Kamaghɨn amizɨ, Ikiavɨra Itir God Izamin Dughiar Ekiamɨn mɨdorozim otoghtɨ, ia Israelia tuivigh gavgavighan kogh apanibav soghan iburagham.

Daniel 5:9

Kamaghɨn amizɨ, Atrivim Belsasar bar atiatingi. Egha an atiatir guam asaragha an gavgavim gɨvazɨma, an soroghafariba a ginɨsi. Ezɨ an gumazir ekiaba nɨghnɨghava avenge, kamaghɨn amizɨ, me bizitam damuan ibura.

Daniel 5:26

“Akar kamɨn mɨngarim, ‘Dɨpon,’ a kamakɨn, God nɨ atrivimɨn ikiamin dughiaba dɨponsɨ. Datɨrɨghɨn nɨn dughiar abuananam.

Sekaraia 14:1

Eghtɨ Ikiavɨra Itir Godɨn kotiar ekiamɨn dughiam izam. Eghtɨ dughiar kamɨn apaniba izɨ Jerusalemɨn dagɨaba ko biziba iniam. Me ian damazibar bizir aghuir kaba tuiragh uari danɨngam.

Aisaia 63:4

Kɨ uan navir averiamɨn aven uan gumazamizibar apaniba ikarvagh, me gasɨghasɨghamin dughiam gɨnɨghnɨghavɨra iti. Ezɨ datɨrɨghɨn dughiar kɨ ua gumazamiziba iniamim otogha gɨfa.

Joel 2:1

Ikiavɨra Itir God Izamin Dughiar Ekiam, a bar roghɨra izi. Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ, sɨghabagh iviva dɨbɨaribar tong. Eghtɨ Judan nguazimɨn itir gumazamiziba bar nɨghɨva akong.