Aisaia 13:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Eghtɨ apaniba, borir iririviba, men amebabar aghariba da me amɨkɨva, eghtɨ amebaba ko afeziaba ganvɨra ikɨtɨ, me boriba isɨ dagɨaba itir nguazim gapɨztɨ, me arɨmɨghiram. Eghtɨ apaniba men dɨpenibagh asɨghasɨgh, men biziba okɨmɨva, men amuibar suigh, me abɨn arazir kurabar me damuam.

Aisaia 13:16 ပူးပေါင်းရင်းမြစ်များ

Nahum 3:10

Ezɨ a pura bizim, apaniba Tebesia gafiragha, kalabusɨn ingangarim bagha me inigha ghue. Me men boriba, tuavir akar uari bativibar me mɨsozi me ariaghiri. Egha Tebesɨn gumazir aruaba me senbar me ikegha vaghvagha me inigha ghue, ezɨ me men ingangarir gumazir kɨnibar mɨn ingari.

Hosea 10:14

Kamaghɨn amizɨ, ian apaniba izɨ ia mɨsogham, egh ian nguibar ekiar dɨvazir gavgaviba itibagh asɨghasɨgham. Osɨmtɨzir kam, mati Atrivim Salman fomɨram amizir arazim, a Betarbelɨn nguibar ekiam ko mɨsogha bar a gasɨghasɨki. An adarazi men boriba ko amiziba isa nguazimɨn me apɨzima, me tintinibar ariaghiri.

Sekaraia 14:2

Eghtɨ Ikiavɨra Itir God uabɨ kantrin igharazibar mɨdorozir gumaziba bar da inightɨ, me izɨ Jerusalem mɨsogham. Me Jerusalemia abɨnigh bizir dɨpenimɨn itiba bar ada inigham. Egh arazir otuaribar amizibar amuam. Egh gumazamizir kabar nar mam inigh mangɨtɨ, me kantrin igharazibar kalabusɨn ikiam. Eghtɨ men akuar mam Jerusalem ateghan kogham, me an ikɨvɨra ikiam.

Aisaia 13:18

Me bar Babilonia agɨvasa nɨghnɨzim bar gavgafi. Me gumazir igiaba uan pibar me gasɨtɨ, me arɨghiregham. Eghtɨ borir ekiaba ko muziariba, me men apangkuvighan kogham.”

Aisaia 14:21

Kamaghɨn, an boriba, ia bar da inigh izɨ, egh men inazir afeziabar arazir kuraba ikarvaghsɨ, me mɨsoghtɨ me arɨghiregh. Eghtɨ men tav ua ikian kogh, atrivimɨn otogh, ua kantribar ganan kogham. Egh ua nguazir kamɨn danganiba bar dar mangɨ nguibar ekiabar ingaran kogham.”

Aisaia 47:9

Ezɨ noka, arazir kamning zuamɨra nɨ bativam. Dughiar kamra nɨn pam aremegham, eghtɨ nɨn boriba uaghan bar moghɨram arɨghiregham. Nɨ ti kamaghɨn nɨghnɨsi, nɨ imeziba ko akavsiar gavgavir avɨriba iti, ezɨ bizir kaba nɨn akuraghan kogham. Bar puvatɨgham. Nɨ bar dughiar kuram batogham.

Jeremaia 51:22

Kɨ nɨ inigha, bar gumaziba ko amiziba amɨsaragharɨki. Egha gumazir igiaba ko gumazir ghuriba, kɨ bar me amɨsaragharɨki. Egha gumazir igiaba ko amizir igiaba, kɨ bar me amɨsaragharɨki.