Aisaia 13:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Dughiar kamɨn, mɨkoveziba bar dar angazangarim mungegham. Egh aruem otoghtɨ, an angazangarim mɨtarmegham, eghtɨ iakɨnimɨn angazangarim puvatɨgham.

Aisaia 13:10 ပူးပေါင်းရင်းမြစ်များ

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Mak Osirizir Akar Aghuim 13:24

Egha Iesus ua kamaghɨn mɨgei, “Osɨmtɨzir ekiar kabar dughiam gɨvaghtɨ, gɨn izamin dughiamɨn bizir kaba otivam. “ ‘Aruem mɨtategham, eghtɨ iakɨnim isiraghan kogham;

Joel 2:31

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ikiavɨra Itir God Izamin Dughiar Ekiam otogham. Dughiar ekiar kam otoghtɨ, gumazamiziba bar atiatigham.

Akar Mogomem 8:12

Ezɨ enselɨn namba 4 uan sɨgham givi, ezɨ me aruem ko iakɨnim ko mɨkoveziba 3plan okoruabar vaghvagha da tuira. Egha me aruemɨn okoruar mam gasɨghasɨgha, iakɨnimɨn okoruar mam gasɨghasɨgha, egha mɨkovezibar okoruar mam gasɨghasɨki. Kamaghɨn amizɨ, arueba bar, dughiar mabar aruem isir puvatɨgha mɨtatangi, ezɨ dɨmagariba bar, dɨmagarir maba iakɨnim ko mɨkoveziba isir puvatɨgha angazangariba puvatɨ.

Luk Osirizir Akar Aghuim 21:25

Egha Iesus ua kamaghɨn mɨgei, “Eghtɨ arazaraziba aruem ko iakɨnim ko mɨkoveziba bativam. Eghtɨ ongarim dɨpɨr tɨngaghɨvɨra ikɨtɨma, nguazimɨn gumazamiziba bar atiatigh okam nɨghnɨgham.

Joel 3:15

Eghtɨ aruem ko iakɨnim mɨtarmeghtɨ, mɨkoveziba ua isian kogham.

Aisaia 5:30

Eghtɨ dughiar kamɨn, mɨdorozir gumaziba izɨ Judan kantri gasɨghasɨgham, egh me bar pamtemɨn dɨm nɨgɨnir dafam damuam, mati ongarim dɨpɨra iza ongarir dadarim gɨra tɨngazi. Eghtɨ gumazitam ian kantrin kamɨn gantɨ, a bar ikuvightɨ, ghuariar pɨziba aruemɨn angazangarim apazaghtɨ, kantrin kamɨn danganiba bar mɨtarmegham.

Joel 2:10

Me zuima nguazim mati mɨkɨmkɨzim a gɨnobazɨ a ivazvasi, ezɨ overiam mati God a gɨnobazɨ a nɨdi. Ezɨ aruem ko iakɨnim mɨtarmangizɨ, mɨkoveziba ua isir puvatɨ.

Aisaia 24:23

Dughiar kamɨn, Ikiavɨra Itir Godɨn Gavgaviba Bar itim, uan angazangarir ekiam ko, uan gavgavim sara izɨ, Jerusalemɨn itir Saionɨn Mɨghsɨamɨn ikɨ, gumazamizibagh ativagh men ganam. Eghtɨ an gumazamizibar gumazir faragha zuiba an ganam. Eghtɨ an angazangarim pamtem me gisiraghtɨ, aruem ko iakɨnimɨn angazangarim pura bizir kɨnimɨn mɨn otogham.

Aisaia 24:21

Eghtɨ Ikiavɨra Itir God uabɨ mɨsevezir dughiamɨn, a Godɨn Nguibamɨn itir mɨdorozir gumaziba ko, nguazir kam gativir atriviba, ivezir kuram isɨ me danɨngam.

Aposel 2:20

Eghtɨ aruem mɨtarmeghtɨ, iakɨnim ghuzimɨn mɨn otogham. Bizir kaba faragh otivightɨ, gɨn Ekiam Izamin Dughiam otogham. Dughiar kamɨn Ekiam uan gavgavim ko angazangarim sara izam.

Jopɨn Akɨnafarim 9:7

A pura aruem mɨkemeghtɨ, a isiraghan kogham. A mɨkovezibar angazangariba apazaghtɨ e dar ganan kogham.

Fofozir Gumazim 12:2

Eghtɨ dughiar kamɨn ian damaziba ikuvightɨma, ia kamaghɨn nɨghnɨgh suam, aruem ko iakɨnim ko mɨkoveziba deragha isir puvatɨ. Ezɨ amozir ghuariam ua iza danganir vamɨran iti.

Aisaia 47:5

Ikiavɨra Itir God kamaghɨn Babilonia mɨgei, “Babilon, Kantrin Igharazibar Gumazamiziba ua kamaghɨn nɨ dɨponan kogh suam, ‘Kantriba bar men atrivir amizim.’ Kamaghɨn amizɨ, nɨ uan akam dukuagh mangɨ mɨtarmemɨn daperagh nɨmɨra ikɨ.

Aisaia 50:3

Egh kɨ uaghan overiam damightɨ a bar pigham, mati gumazim ovengezɨ, ana bagha azirakar korotiam aru.”

Amos 5:20

Ikiavɨra Itir God Izamin Dughiar Ekiamɨn, amɨnim bar mɨtategham. Eghtɨ angazangarim an ikian kogham. Bar puvatɨgham.

Nahum 1:8

An aperiar ekiamɨn mɨn, Niniven nguibar ekiam bar a gasɨghasigham. Egha gumazir an akam batoziba, a me mɨsozi me ariaghiri.

Sekaraia 14:6

Eghtɨ angazangarim aruemɨn dughiamra otivan kogham. Puvatɨ.