Aisaia 12:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ia Ikiavɨra Itir Godɨn ingangarir bar ekiar an amiziba bangɨn, a bagh onger akabar amu an ziam fam! Ia nguazir kamɨn gumazamiziba bar me mɨkɨm suam, God ingangarir ekiabagh ami.”

Aisaia 12:5 ပူးပေါင်းရင်းမြစ်များ

Onger Akaba 98:1

Ia onger akar igiatam Ikiavɨra Itir God bagh, a bangɨ. A uan agharimɨn bizir aghuir igharagha garibagh ami. A uan gavgavir ekiamɨn amodoghɨn, mɨdorozir kam gamua apaniba abɨra.

Ua Me Ini 15:1

Dughiar kam Moses Israelian gumazamiziba ko, Ikiavɨra Itir God bagha ighiar kam kamaghɨn a bange: “Ikiavɨra Itir God, a mɨdorozir ekiam abɨra, ezɨ kɨ datɨrɨghɨn a bagh onger akam bangam. Guizbangɨra, a hoziaba ko gumazir hoziabagh isɨn apiaziba me avigha ongarim mɨkɨni. An apaniba abɨra, ezɨ an ziam bar pɨn iti!

Habakuk 2:14

Eghtɨ nguazimɨn itir gumazamiziba bar deraghvɨra Ikiavɨra Itir God gɨfogham. Eghtɨ fofozir kam, nguazimɨn oteviba bar dagh izɨvagham, mati ongarim bar ghua uan danganimra tu.

Aisaia 40:9

O Saionɨn gumazamiziba, ia mɨghsɨar ekiamɨn mavanangɨva, akar aghuim akun. O Jerusalemɨn gumazamiziba, ia pamtemɨn dɨmɨva akar aghuim akun. Nɨ atiatingan kogh, akam akun Judan nguibabav kɨm suam, “Ia gan, ian God a izi!”

Ua Me Ini 15:21

Miriam me bagha kamaghɨn ighiam bange: “Ikiavɨra Itir God gumazir hoziabagh apiaziba, ko hoziaba sara bar me avigha ongarim mɨkɨnigha, apaniba abɨnigha ziar ekiam ini. Kamaghɨn, ia a bagh onger akam bangɨ.”

Akar Mogomem 15:3

Egha me Godɨn ingangarir gumazim, Moses ko Sipsipɨn Nguzim, me aningɨn ighiam gamua kamaghɨn mɨgei: “Ekiam God, nɨ Godɨn Gavgaviba Bar Itim! Nɨ arazarazir igharagha garir ekiabagh ami, ezɨ e dar gara dɨgavir kurabagh ami! Gumazamiziba bar nɨ men atrivim! Nɨn araziba, da bar deragha bar guizbangɨra!

Onger Akaba 105:2

E Ikiavɨra Itir God bagh ighiaba bangɨ egh an ziam fam. Egh bizir aghuir an amizibar gun mɨkɨmam.

Onger Akaba 72:19

E zurara an ziar aghuir kam fɨvɨra ikiam. Bar guizbangɨra. An ziar Ekiam nguazir kam bar a gizɨfagh.

Aisaia 24:14

Ezɨ ikiavɨra iti varazira, me bar akuegh ighiabar amuam. Gumazamizir aruem uaghiri naghɨn itiba, me Ikiavɨra Itir Godɨn ziar ekiam ko, gavgavim bagh bar akuegham.

Aisaia 42:10

Ia nguazir kamɨn itir gumazamiziba bar, ia ighiar igiam bangɨ, Ikiavɨra Itir Godɨn ziam fɨ! Ia gumazir kuribagh aruiba ko ongarimɨn osiriba, ia an ziam fɨ. Ia saghon itir arighatɨzibar gumazamiziba, ia ighiar igiaba bangɨ.

Aisaia 42:11

Ia dakɨghtɨzir danganimɨn itir nguibabar gumazamiziba ko, Kedarian adarasi, ia tiariba akar an ziam fɨ. Ia Selan nguibamɨn gumazamiziba, ia mɨghsɨabar mavanegh dɨm mɨkɨm bar akongegh.

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Malakai 1:11

“Kɨ Ikiavɨra Itir Godɨn Gavgaviba Bar Itim, kɨ ghaze, gumazamizir aruem anadi naghɨn itiba ko, aruem uaghiri naghɨn itir kantriba, me bar moghɨra ziar ekiam na ganɨdi. Nguibaba bar dar gumazamiziba mughuriar aghuim zuir ofaba ko, ofan igharazir guar avɨriba sara na danɨngam. Gumazamizir kaba me bar moghɨra ziar ekiam na ganɨdi.