Aisaia 12:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Mozir dɨpam, gumazir kuariba pɨriba, anepa bar akonge. Ezɨ kamaghɨra, God uan gumazamizibar akuragh ua me inightɨ, me bar akuegham.

Aisaia 12:3 ပူးပေါင်းရင်းမြစ်များ

Akar Mogomem 22:17

Ezɨ Godɨn Duam ko Sipsipɨn Nguzimɨn amuim, aning ghaze, “Ekiam Iesus, nɨ izɨ!” Eghtɨ gumazamizir uaghan akar kam baraghiziba, me uaghan kamaghɨn mɨkɨmam, “Nɨ izɨ!” Eghtɨ gumazitam kuarim an pɨrtɨ, a izɨ. Egh a dɨpam amɨsɨ, dɨpar ikɨrɨmɨrir zurara itim anɨdir kam puram a inigham, iveziba puvatɨ.

Akar Mogomem 22:1

Ezɨ ensel faner mam nan aka, faner kamɨn dɨpam ikɨrɨmɨrir zurara itim anɨdima, an angazangarim glasɨn mɨn taghtasi. Faner dɨpar kam God ko Sipsipɨn Nguzimɨn atrivir dabirabimɨn apengan ikegha ivemara ghua,

Akar Mogomem 7:17

Sipsipɨn Nguzim atrivir dabirabimɨn tongɨra ikia, egha me geghufi. Egh a me inigh nguazimɨn aven ivemarir dɨpar atuir danganimɨn mangam, kar dɨpar ikɨrɨmɨrir zurara itim anɨdim. Egh God bar men damazibar temeriba adizightɨ da mɨsigham, eghtɨ me uam azian kogham.”

Jeremaia 2:13

Nan gumazamiziba arazir kurar pumuning gami. Kɨ mati, dɨpar aghuir ikɨrɨmɨrir aghuim anɨdim me bagha fasfagha iri. Ezɨ me akɨrim ragha na gasara. Me uari bagha dɨpabar suighasa dagɨaba okora toribagh ami. Ezɨ me okorezir dagɨar mozir dɨpar kaba tintinibar bɨghireghtɨ, dɨpaba dar aven ikian kogham.’ ”

Aisaia 49:10

Gumazir men apangkuvim bar deravɨra men ganam, mati gumazir sipsipbar garim, sipsipba inigha ogher avɨriba itir danganim ko dɨpar aghuiba itir danganim bagha me inigha zui. Kamaghɨn me dɨpam ko daghebar oteveghan kogham, eghtɨ amɨnir fefem ko aruer dafam men mɨkarzibar apongan kogham.

Jon Osirizir Akar Aghuim 1:16

Ezɨ apangkuvim bar a gizɨfa, ezɨ a uan apangkuvimɨn a dughiar avɨribar bar deravɨra e gami.

Onger Akaba 36:9

Biziba bar, nɨ dar ikɨrɨmɨrimɨn mɨngarim, mati dɨpar ikɨrɨmɨrir aghuim anɨdim. Kamaghɨn, nɨn angazangarimɨn amodoghɨn, e deravɨra bizibar gari.

Solomon 2:3

Nan roroar gumazir kɨ bar ifongezim, a gumazir igiar igharazibar tongɨn ikia, mati temer dagher aghuiba itim, a ruarimɨn ikia temer igharazibar tongɨn ti. Aruer ekiamɨn dughiam kɨ an dughuazimɨn aven ikiasa bar ifonge. Temer kamɨn ovɨziba bar deragha nan akatorimɨn bar isɨngi.

1 Samuel 2:1

Egha Hana kamaghɨn God ko mɨgei: “O Ikiavɨra Itir God, nɨ na gamima, kɨ bar akonge. Ikiavɨra Itir God, nɨ gavgavim ko ziar ekiam na ganɨngizɨ, kɨ bar akonge. Nɨ nan akurazir bizim bangɨn, kɨ bar akonge. Nɨ bangɨn kɨ uan apanibar ingaravati.

Aisaia 41:18

Kɨ fanebar amutɨ, dɨpaba mɨghsɨar temeba aghuir puvatɨzibar otiv afor dar izighiram. Egh kɨ dɨpar emɨmɨribar amutɨ, da danganir zaribar otiv monmoniba anangam. Egh kɨ dɨpar akarebar amutɨ, da danganir dakɨrtɨzibar otivam. Egh kɨ dɨpaba puvatɨzir daghuribar amutɨ, dɨpaba dar otiv dagh izɨvam.

Esekiel 47:9

Eghtɨ faner kam zuir danganiba, asɨzir igharagha gariba izɨ an boroghɨn ikiam. Eghtɨ osirir avɨriba an ikiam. Guizbangɨra, faner kam Amangsɨzim Itir Dɨpam damutɨ a deragham. Egh faner kam ivemara ghuaghirir naghɨn, biziba bar angamɨra ikiam.

Onger Akaba 87:7

Jerusalemɨn itir gumazamiziba bar akuegh ighiaba bangam. Me suam, “O Jerusalem, bizir aghuir e itiba, nɨ bar dar mɨngarim.”

Sekaraia 13:1

“Dughiar kam otoghtɨ kɨ mozir dɨpam damightɨ an anang otogh iram. Devitɨn ovaviba ko, Jerusalemɨn nguibamɨn itir gumazamizir igharaziba, me godɨn ifavaribar ziaba fava, arazir mɨzɨrɨzir avɨribagh ami. Eghtɨ dɨpar kam men arazir kuraba ruam.”