Aisaia 12:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Aisaia 12:2 ပူးပေါင်းရင်းမြစ်များ

Ua Me Ini 15:2

Ikiavɨra Itir God uabɨ na gamizɨma, kɨ gavgavigha, onger akam bangava an ziam fe. A zurara ua na isi, ezɨ kɨ an ziam fasa. A nan God, egha nan akurvazim. Kamaghɨn amizɨ, kɨ an ziar ekiam fasa. Nan afeziamɨn God, kɨ an ziar ekiam fɨ, a isɨ bar pɨn anerɨgh ighiam damuam.

Onger Akaba 27:1

Ikiavɨra Itir God, a nan angazangarim ko nan Akurvazir Gumazim. Ezɨ kɨ gumazitamɨn atiatingan kogham. Ikiavɨra Itir God, a dɨpenir gavgavimɨn mɨn na modogha na geghuva nan garima, kɨ atiatir puvatɨ.

Onger Akaba 118:14

Ikiavɨra Itir God uabɨ na gamizɨma, kɨ gavgavigha onger akam bangava an ziam fe. A zurara ua na ini, ezɨ kɨ an ziam fasa.

Akar Mogomem 7:10

Egha Me pamten kamaghɨn dei: “En Godɨn uan atrivir dabirabim gaperazim, ko Sipsipɨn Nguzim, aningra en akuragha en apanim abɨra. Kamaghɨn amizɨ, e aningɨn ziamning fe.”

Jona 2:9

Ezɨ kɨ uabɨ, ighiam bangɨva nɨn ziam fɨva asɨzitam mɨsuegh ofa isɨ nɨ danɨngasa. Bizir kɨ nɨ ko akam akɨrigha gɨvaziba, kɨ dar amuam. O Ikiavɨra Itir God, nɨ uabɨra en akurvazima, e angamɨra nɨ ko iti.”

Aisaia 45:17

Ezɨ Ikiavɨra Itir God, Israelian akuragha gɨfa. Egh a me damightɨ, me zurara deraghvɨra ikɨ mamaghɨra ikiam. Egh okam nɨghnɨghan kogh, aghumsɨghan kogham.

Jeremaia 23:6

Eghtɨ an atrivimɨn ikiamin dughiamɨn, Israelɨn nguibamɨn itir darasi, me dabirabir aghuim ko navir amɨrizimɨn ikiam. Eghtɨ Judaba, God men akurvaghtɨ, me uam osɨmtɨziba puvatɨgh deravɨra ikiam. Eghtɨ me Jerusalem ziar kam a darɨgh a dɨponam, ‘Ikiavɨra Itir God, A Guizɨn Arazir Aghuimɨn Mɨngarim.’

Jeremaia 3:23

E fo, e mɨghsɨabar pɨn ikia asebar ziaba fa nɨgɨnir dafam gamir arazir kam, tong bar guizbangɨrama en akuraghan kogham. Ikiavɨra Itir God, en God, a uabɨra Israelia en akuragham.

Onger Akaba 83:18

Nɨ kamagh damightɨ me guizbangɨra ganigh fogh suam, “Nɨ bar uabɨra nɨn ziam, Ikiavɨra Itir God. Nɨrara Godɨn Bar Pɨn Itim, egha nguazir oteviba bar dagh ativagha dar gari.”

1 Timoti 3:16

E guizbangɨra fo, Godɨn Arazibar akar mogomem, a bar bizir ekiam. Ezɨ akar God en akazir kam, a kamakɨn: A guizɨn gumazimɨn oto, ezɨ gumazamiziba an gani. Ezɨ Godɨn Duam kamaghɨn en aka, an araziba bar dera, Ezɨ enselba an gani. Ezɨ gumaziba ghua an akamɨn gun bar gumazibav kɨri. Ezɨ nguazimɨn itir gumazamiziba nɨghnɨzir gavgavim an iti. Ezɨ God a inigha uan Nguibamɨn ghuavanabozɨ a ziar ekiam ini.

Akɨnafarir Pol Romɨn Nguibar Ekiamɨn Itir Sios Bagha Osirizim 1:16

Kɨ fo, Godɨn gavgavim an Akar Aghuimɨn aven iti. Gavgavir kam gumazir nɨghnɨzir gavgavir an itiba bar men akurvagham. A faragh Judabar akurvagh, egh uaghan Kantrin Igharazibar Gumazamizibar akurvagham. Kamaghɨn amizɨ, kɨ Akar Aghuim akunasa aghumsɨzir puvatɨ.

Hosea 1:7

Kɨ Judan gumazamiziba, bar me gifongeghavɨra iti. Kɨ Ikiavɨra Itir God, men God, kɨ uan gavgavimɨn men akurvagham. Kɨ mɨdorozir sabam ko, barir pim inigh me bagh mɨsogh men akuraghan kogham. Kɨ men akurvaghsɨ mɨdorozir gumaziba ko hoziaba amadaghan kogham. Puvatɨ, kɨ tuavir igharazim iti.”

Aisaia 62:11

Ia oragh! Ikiavɨra Itir God, kamaghɨn nguazir kamɨn gumazamiziba bar me mɨkemegha ghaze: “Ia Saionɨn nguibamɨn gumazamiziba bagh mangɨ kamaghɨn me mɨkɨm suam, ‘Ia gan, ian Akurvazir Gumazim, a izi! A faragha mɨdorozim gamua apanibagh afiragha, gumazamiziba bizir aghuibar mɨn me inizɨ, me a ko izi.’

Aisaia 32:2

Gumazamiziba akurvazim bagh izɨtɨ, gumazir dapanir kaba deravɨra vaghvagh bar deravɨra men akurvagham. Gumazir dapanir kaba, gumazamizibar danganir mogomemɨn mɨn ikiam, eghtɨ dughiar amozir ekiaba ko amɨnir ekiaba izɨtɨ, me mangɨ men uari mongam. Eghtɨ me mati dɨpaba puvatɨzir danganimɨn, dɨpam ivemara an zui moghɨn ikɨ, egh mati dagɨar ekiam aruem apazagha, danganir orangtɨzimɨn mɨn iti. Aruem bar gavgavightɨ, gumazamiziba mangɨ an apazangɨn dapiagh ikɨ avughsam.

Aisaia 7:14

Kamaghɨn, Ekiam uabɨ ababanir tam nɨn akagham. Ababanir kam kamakɨn. Amizir gumazitam ko akuizir puvatɨzim navim asegh, otaritam bategham. Eghtɨ me ziar kam Emanuel a darɨgham.”

1 Samuel 2:1

Egha Hana kamaghɨn God ko mɨgei: “O Ikiavɨra Itir God, nɨ na gamima, kɨ bar akonge. Ikiavɨra Itir God, nɨ gavgavim ko ziar ekiam na ganɨngizɨ, kɨ bar akonge. Nɨ nan akurazir bizim bangɨn, kɨ bar akonge. Nɨ bangɨn kɨ uan apanibar ingaravati.

Jopɨn Akɨnafarim 13:16

Gumazir arazir kurabagh amitam Godɨn guamɨn izan kogham. Kɨ a mɨkɨmsɨ atiatingan koghtɨ, a tuavir kamɨn na gɨfogh suam, kɨ gumazir arazir kuratam gamizir puvatɨzim. Egh a nan apangkuvigh nan akurvaghtɨ kɨ deravɨra ikiam.

Onger Akaba 112:8

A nɨghnɨzir avɨribagh amua atiatir puvatɨ. A fo, God gɨn an apaniba dɨkabɨragham.

Aisaia 10:24

Nan Ekiam, a Ikiavɨra Itir Godɨn Gavgaviba Bar Itim kamaghɨn mɨgei, “Ia nan gumazamizir Saionɨn nguibar ekiamɨn itiba, ia Asiriabar atiatingan markɨ. Me, Isipia fomɨra uan itaziba isa ia mɨsogha, paza ia gamizɨ moghɨn, me ia damuam, eghtɨ ia men atiatingan markɨ.

Aisaia 17:10

O Israelia, God ian akurvazir bizir kam, ia a gɨnɨghnɨzir puvatɨ. Dughiar kurabar, a mati dagɨar bar ekiam, ia ghua an aven uari moga deravɨra iti. Ezɨ bar guizbangɨra, ia a gɨn amadagha bar a gɨnɨghnɨzir puvatɨ. Ia igharaz darazir asebar ziaba fava, ia ghaze, aser kaba ian akuraghtɨ, ia deravɨra ikiam. Egh ia mɨzaziba ko arɨmariaba ikɨ bar ikuvigh deragh ikian kogh, egh uamategh deraghamin tuaviba puvatɨgham. Mati ia wainɨn azenim oparigha, wainɨn ikarɨzibar dafaribar gari, da zuamɨram akɨmariba otivima, ia bar akonge. Ezɨ ia dar dagheba inighan kogham. Puvatɨ. Wainɨn ikarɨzir kaba mɨsightɨ, azenim bar ikuvigham.

Aisaia 27:5

Egh apanir kaba, kɨ men gansɨ, me na bagh izɨ na ko deragh ikɨsɨ, me akar dɨkɨrɨzir tam damigham.”

Aisaia 49:5

Nan amebam tɨghar na batamin dughiamɨn, Ikiavɨra Itir God Jekopɨn adarasi Israelia, a men aku ua bagh izasa, na amɨsefe. Kamaghɨn amizɨ, nan God, ziar ekiam na ganɨga, gavgavim na ganɨngi. Ezɨ Ikiavɨra Itir God kamaghɨn na mɨgei,

Aisaia 50:10

Ia Ikiavɨra Itir Godɨn atiatia an apengan ikia, an ingangarir gumazimɨn akabar gɨntɨziba, ia atiatingan markɨ. Ia angazangarim puvatɨgha mɨtarmemɨn arui darasi, ia nɨghnɨzir gavgavim Ikiavɨra Itir Godɨn ikɨva a mɨzuam ikɨ.

Aisaia 61:10

Godɨn ingangarir gumazim ghaze: Kɨ uan Ikiavɨra Itir God bagh bar akongegham. Guizbangɨra, a nan akurazɨ, an arazir aghuim mati korotiar ruarim na avara, egha mati gumazim amuimɨn ikiasa deragha kurke, egha mati amizim pamɨn ikiasa deragha kurke. Kamaghɨn amizɨ, an navir averiamɨn aven itir bar akongezir arazim bar na gizɨfa.

Aisaia 65:18

Ia bizir igiar kɨ datɨrɨghɨn ingarizim bagh naviba deragh zurara bar akuegh ikɨ. Ia gan! Jerusalemɨn igiar kɨ ingaramin kam, a nguibar gumazamiziba bar ifuegh bar akueghamim, eghtɨ an gumazamiziba navir aghuimɨn ikiam.

Daniel 3:28

Ezɨ atrivim kamaghɨn mɨgei, “E bar Satrak, Mesak, ko Abetnego, men Godɨn ziam fam. God uan ensel amadazɨ a 3plan gumazir an ziam fa egha nɨghnɨzir gavgavim an itibar akura. Me nan akam batuegha ovengan atiatingizir puvatɨ. Egha godɨn igharazitam tevimning apɨrigha an ziam feir puvatɨ. Me uan Godɨn ziamra fe.

Joel 2:23

“Ia nan damazimɨn deraghasa, kɨ ian akurvagha amozir avɨriba ia ganɨdi. Amozir dughiabar iakɨnir faragha zuiba, kɨ amoziba ia ganɨga, egha uaghan amozir dughiabar gɨn izir iakɨniba, kɨ amoziba ia ganɨdi. Kamaghɨn amizɨ, ia Saionɨn gumazamiziba, ia bar akongegh. Kɨ Ikiavɨra Itir God, ian God, kɨ ian akurvaghasa amizir biziba, ia da bagh bar akongegh.

2 Samuel 7:24

O Ikiavɨra Itir God, nɨ Israelia e gamizɨ, e zurara kamaghɨra nɨn gumazamizibar ikiam. Eghtɨ nɨ uabɨ en Godɨn ikiam.

Onger Akaba 65:6

Nɨ uan gavgavimɨn mɨghsɨabagh amizɨ, da otivigha uan danganibara iti. Nɨn gavgavir kam bar moghɨram ekefe.

Onger Akaba 68:20

En God, a uabɨ God, an en akurvasi. Ikiavɨra Itir God, an en Ekiam, an en akurvazima, e ariaghiri puvatɨ.

Onger Akaba 68:21

Bar guizbangɨra, God uan apanibar dapaniba abɨghɨrarigham. Gumazamizir kaba, me zurarama arazir kurabagh ami.

Onger Akaba 118:21

O Ikiavɨra Itir God, nɨ kɨ nɨ ko mɨkemezir mɨgɨrɨgɨam baraki, egha nan akurazɨ, kɨ deragha iti. Kamaghɨn kɨ nɨ mɨnabi.

Aisaia 33:22

Bar guizbangɨra, Ikiavɨra Itir God uabɨ, jasɨn mɨn ikɨ, egh en atrivimɨn ikɨ, en gumazir deravɨra en ganamim mɨn ikɨ, egh en Akurvazir Gumazimɨn ikiam.

Aisaia 38:20

Ikiavɨra Itir God nan akuragha na gamizɨ kɨ ua ghuamaghe. Eghtɨ dughiaba bar, e Ikiavɨra Itir Godɨn Dɨpenimɨn mangɨ, gitabav sogh, ighiaba bangɨ an ziam fam. E datɨrɨghɨn angamɨra itir dughiar kam, e kamaghɨra zurara a ziam fɨvɨra ikiam.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.