Aisaia 10:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Kɨ mɨsogha nguibar ekiar kaba ini: Kalno, Karkemis, Hamat, Arpat, Samaria, ko Damaskus.

Aisaia 10:9 ပူးပေါင်းရင်းမြစ်များ

2 Eghaghaniba 35:20

Atrivim Josaia Ikiavɨra Itir Godɨn Dɨpenim akɨrizir bizir kabar gɨn, Isipɨn Atrivim Neko, apaniba ko, mɨsoghasa Isipɨn mɨdorozir gumaziba inigha Yufretisɨn Fanemɨn boroghɨn itir Karkemisɨn nguibar ekiamɨn ghu. Josaia bizir kamɨn akam baregha uan mɨdorozir gumaziba inigha Isipia ko, mɨsoghasa zui.

2 Atriviba 16:9

Ezɨ Atrivim Tiklat Pileser, Ahasɨn akam baregha, uan mɨdorozir gumaziba inigha ghua, Damaskusɨn nguibar ekiamɨn mɨsogha a ini. Egha Tiklat Pileser, Atrivim Resinɨn mɨsoghezɨ, an areme. Egha Damaskusɨn gumazamiziba, kalabuziar gumazamizibar mɨn me inigha, Kirɨn nguibar ekiamɨn ghu.

Jeremaia 46:2

Akar mam, Isipia bagha ghu. Akar kam, a Isipɨn atrivim Nekon mɨdorozir gumaziba bagha ghu. Mɨdorozir gumazir kaba Yufretisɨn Fanemɨn boroghɨn, Karkemisɨn nguibamɨn otifi. Ezɨ namba 4ɨn azenimɨn, Josaian otarim Jehoiakim, Judan atrivimɨn itima, Babilonɨn Atrivim Nebukatnesar uan mɨdorozir gumaziba ko, iza Isipia mɨsogha me dɨkabɨra. Dughiar kamɨn, Ikiavɨra Itir God Babilonia gɨnɨghnɨgha akar kam isa Isipia ganɨga ghaze:

Jenesis 10:10

Ezɨ Nimrot nguibar ekiar 3plan gari, Babel, Erek, ko Akat. Nguibar ekiar 3plan kaba Babilonian nguazimɨn iti.

Jeremaia 49:23

Ikiavɨra Itir God akam Damaskusɨn nguibar ekiamɨn gumazamizibar iti. A kamaghɨn mɨgei: “Hamat ko Arpatɨn nguibar ekiamningɨn gumazamiziba, me bativamin bizir kuraba me da baregha, dɨgavir kuram gami. Me atiatia, nɨrɨzir agorogem sara ikia deragha apiazir puvatɨ. Me mati ongarir ekiam dɨpɨraghira puv ingara amɨraghirɨgha itir puvatɨ.

Aisaia 37:13

Ezɨ nguibar kaba, Hamat, Arpat, Sefarvaim, Hena, ko Iva, men atriviba datɨrɨghɨn managhɨra iti? Me itir puvatɨ. E bar me mɨsoagharɨghizɨ me ariaghire.”

Aisaia 36:19

E ghua Hamatɨn nguibar ekiam ko Arpatɨn nguibar ekiam ko Sefarvaim ko mɨsozima, men aseba managh ikia, egha men akurazir puvatɨ? Egha e ghua Samaria ko mɨsozima, Samarian aseba men akuragha e dɨkabɨraz, o? Bar puvatɨ.

Aisaia 17:3

Apaniba, kantri Israelɨn nguibar gavgavibagh asɨghasigh, egh uaghan Damaskusɨn gumazamizibagh gativagham. Datɨrɨghɨn kantri Israel ko Siria, aning ziar ekiamning itima, gumazamizir avɨrim aningɨn iti. Eghtɨ kantrin kamning bar ikuvightɨ, gumazamizir varazira ikiam. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Aisaia 7:8

Ia fo, Sirian kantrin faragha zuir nguibar ekiam, an ziam Damaskus. Ezɨ Atrivim Resin, a Damaskusɨn nguibam gativagha an gari. Ia gantɨ, 65plan azeniba gɨvaghtɨ, Israelian kantri, bɨghiregh egh bar gɨvagham.

2 Atriviba 17:24

Asirian atrivim ghua, Babilonɨn nguibar ekiamɨn gumazamiziba, ko Kutan nguibar ekiam, Ivan nguibar ekiam, ko Hamatɨn nguibar ekiam, ko Sefarvaimɨn nguibar ekiamɨn gumazamiziba, a bar me inigha Samarian nguibar ekiabar ghuegha, Israelian nguibar ekiabar me arɨki. Ezɨ gumazamizir kaba bar Israelian nguazim gapia.

2 Samuel 8:9

Kantri Hamatɨn Atrivim Toi, an orazi, Devit Hadateserɨn mɨdorozir gumaziba abɨnigha gɨfa.

Dɨboboniba 34:8

mangɨ Hamatɨn nguibar ekiamɨn zuir tuavir akamɨn boroghɨn otogh mangɨ Sedatɨn nguibamɨn otogh mangɨ,

2 Atriviba 18:34

E ghua Hamatɨn nguibar ekiam ko Arpatɨn nguibar ekiam, Sefarvaim, Hena, Ivan ko mɨsozima, men aseba managh ikia, men akurazir puvatɨ? Egha e ghua Samaria ko mɨsozima, Samarian aseba men akuragha e dɨkabɨraz, o? Bar puvatɨ.

2 Eghaghaniba 32:14

E kantrin avɨriba ko mɨsoke, ezɨ men aser avɨriba iti. Ezɨ kantrin igharazitamɨn asetam men akurazɨ, me mɨdorozir tamɨn e abɨrazir puvatɨ. Ezɨ ia tizim bagha ghaze, ian God ian akuraghtɨ ia mɨdorozimɨn e abɨragham? Ti puvatɨgham!

Aisaia 10:8

A uabɨ fa kamaghɨn mɨgɨa ghaze, “Kɨ ghaze, kɨ kantrin avɨribar atriviba abɨnigha men nguibar ekiaba ini. Ezɨ atrivir kɨ abɨraziba, me nan mɨdorozir gumazibar, gumazir dapanibar iti.

Aisaia 17:1

Ikiavɨra Itir God Damaskusɨn nguibar ekiam ikuvighasa akar kam anɨngi. A kamaghɨn mɨgei: “Ia oragh! Apaniba Sirian kantrin nguibar ekiam Damaskus gasɨghasɨgham, eghtɨ a bizir kuraba akurir danganir pozimɨn otogham.

Aisaia 37:11

E Asirian atriviba, nɨ uabɨ en arazibagh fo, e kantrin igharazibar atriviba ko mɨsogha bar me gasɨghasɨsi. Egha nɨ ti ghaze, kɨ nɨn kantri kamaghɨram a damighan kogham? Puvatɨ, ia guizbangɨra e gitaghan kogham.

Habakuk 1:10

Me atriviba ko, nguibar ekiabar gumazir dapanibar ingaravaka, dɨbovibar me gami. Egha me nguibar ekiamɨn garima, a dɨvazir gavgavim iti, ezɨ me puv an ingaravati. Egha me dɨvazir mɨriamɨn nguazir pozim mɨkɨnigh, egh an mavanang dɨvazimɨn uari akunigh, nguibar ekiamɨn aven mangɨ an biziba bar ada inigham.

Aisaia 33:8

Tuavir ekiaba pura itima, gumazamiziba ua dar mangɨ izegh gamir puvatɨ. Gumazamiziba akar dɨkɨrɨzir me amiziba, me da abɨki. Ezɨ gumazim uan damazimɨn bizimɨn ganigha, kotɨn aven guizbangɨram an gun mɨgeima, me nɨghnɨzir gavgavim an akamɨn ikian aghua. Egha me gumazir igharazibar gara ghaze, me mati pura biziba.