Aisaia 10:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ A uabɨ fa kamaghɨn mɨgɨa ghaze, “Kɨ ghaze, kɨ kantrin avɨribar atriviba abɨnigha men nguibar ekiaba ini. Ezɨ atrivir kɨ abɨraziba, me nan mɨdorozir gumazibar, gumazir dapanibar iti.

Aisaia 10:8 ပူးပေါင်းရင်းမြစ်များ

2 Atriviba 18:24

Egha nɨ kamaghɨn nɨghnɨsi, Isipian mɨdorozir gumaziba uan hoziaba ko karisba sara izɨ nɨn akuragh mɨsogham. Bar puvatɨgham, me izan kogham. Nɨ en mɨdorozir gumazibar tongɨn gumazir dapanir ziaba puvatɨzitam abɨnamin gavgaviba puvatɨgham.

2 Atriviba 19:10

Senakerip kamaghɨn akɨnafarim osiri, “Hesekia, kɨ fo, Godɨn nɨ nɨghnɨzir gavgavim itim, a nɨ mɨgɨa ghaze, kɨ mɨsogh ia abɨnigh Jerusalem inighan kogham. A nɨ gifari. Nɨ bar an akam baraghan markɨ.

Daniel 2:37

Atrivim, nɨ faraghavɨra ikia, egha atrivir maba bar dagh afira. Ezɨ Godɨn Uan Nguibamɨn Itim, a nɨn amamangatɨzɨ nɨ atrivimɨn iti. Ezɨ a gavgavim nɨ ganɨga egha ziar ekiam nɨ ganɨngi.

Esekiel 26:7

“Kɨ Ikiavɨra Itir Godɨn Ekiam kɨ kamaghɨn mɨgei: Babilonɨn kantri gativir atrivir bar gavgavim Nebukatnesar, kɨ an aku izɨtɨ, a Tairia ia ko mɨsogham. A notɨn amadaghan ikegh izɨ, uan hoziaba ko, karisba ko, hoziabagh isɨn dapiamin gumaziba ko, mɨdorozir gumazir bar avɨrim sara izam.

Aisaia 36:8

“Hesekia, nɨ izɨ nan gumazir ekiam, Asirian atrivim ko akam akɨrigh. Nɨ ti 2,000plan mɨdorozir gumazir gavgavibar apightɨ, nan atrivim 2,000plan hoziaba nɨ danightɨ, me dar apiagh mɨsogham. Kɨ fo, nɨ uabɨ gumazir kamaghɨn garitaba itir puvatɨ.

Aisaia 10:7

Ezɨ Asirian atrivimɨn nɨghnɨzim, nan nɨghnɨzim ko voroghɨra ghuzir puvatɨ. A ghaze, a kantrin avɨrir igharaziba uaghan bar dagh asɨghasɨgh, da agɨvasa nɨghnɨsi.

Aisaia 10:9

Kɨ mɨsogha nguibar ekiar kaba ini: Kalno, Karkemis, Hamat, Arpat, Samaria, ko Damaskus.

Jeremaia 9:23

Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Hosea 8:10

Ezɨ datɨrɨghɨn kɨ bar me akuvagh pazɨ me damuam. Dughiar ovezimɨn, Asirian atrivim bar me abɨnigh, egh osɨmtɨzir ekiar bar kuram me darɨgham. Eghtɨ gɨn me avɨrasemeghan kogham.

Jopɨn Akɨnafarim 24:23

God me gamima, me nɨmɨram apiav ikia osɨmtɨziba men puvatɨ. Egha a zurara deravɨra men arazir me amibar gari.

Esekiel 31:5

Dɨpar emɨmɨrir zurara itir kam bangɨn, temer kam deraghavɨram aghua bar ruaragha ruarimɨn temer igharaziba bar dagh afira. Ezɨ an aguaba aghua bar ekevegha ruari.