Aisaia 1:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Saionɨn nguibam, me gumagh ataki. A uabɨra iti, egha gavgaviba puvatɨ. A mati, averpenim gumaziba wainɨn azenibar tongɨn an ingari. A mati, averpenir muziarir kurar mam, me melonɨn azenir ekiamɨn tongɨn an ingarizɨ a uabɨra mɨtɨghav iti. A mati, nguibam an apaniba, anerugha gɨfa.

Aisaia 1:8 ပူးပေါင်းရင်းမြစ်များ

Sekaraia 9:9

Ia Saionɨn nguibar ekiamɨn itir gumazamiziba, ia bar akongegh! Ia Jerusalemɨn itir gumazamiziba, ia bar tiariba akar pamtemɨn dɨm. Ia gan, ian atrivim mara ia bagha izi! A ziar ekiam ikiava mɨdorozim gamuava uan apaniba abɨri. Egha a uabɨ uan ziam fer puvatɨ. A gumazir kɨnir ziaba puvatɨzir mamɨn mɨn donkin mam gaperagha izi. Kar donkin amebamɨn nguzir asem.

Jon Osirizir Akar Aghuim 12:15

“Ia Saionɨn nguibar ekiamɨn itir gumazamiziba, ia atiatingan markɨ. Ia gan, ian atrivimra mara, ia bagha izi! A donkin nguzim gaperagha izi.”

Sekaraia 2:10

Egha Ikiavɨra Itir God ua ghaze, “Ia Saionɨn nguibamɨn gumazamiziba, ia mati nan guivir kɨ ifongezim, ia araghasɨva bar akongezir ighiabar amu. Bar guizbangɨra, kɨ uabɨ izɨ ian tongɨn ikiam.

Aisaia 62:11

Ia oragh! Ikiavɨra Itir God, kamaghɨn nguazir kamɨn gumazamiziba bar me mɨkemegha ghaze: “Ia Saionɨn nguibamɨn gumazamiziba bagh mangɨ kamaghɨn me mɨkɨm suam, ‘Ia gan, ian Akurvazir Gumazim, a izi! A faragha mɨdorozim gamua apanibagh afiragha, gumazamiziba bizir aghuibar mɨn me inizɨ, me a ko izi.’

Aisaia 10:32

Apaniba datɨrɨghɨn Nopɨn nguibar ekiamɨn otivigha gɨfa. Egha Saionɨn Mɨghsɨamɨn amadaghan gara, uan dafariba apɨra, uan gavgaviba akakagha ghaze, me Jerusalemɨn nguibar ekiam gasɨghasɨghasa uari baraki.

Azir Akam 2:1

Aisaia 37:22

Kamaghɨn amizɨ, Ikiavɨra Itir God datɨrɨghɨn Asirian Atrivim Senakerip gɨnɨghnɨgha akar kam gami. A kamaghɨn mɨgei: “ ‘Saionɨn nguibar ekiam, a mati amizir igiar bar dirim, a nɨ dɨpova aghumsɨzir akabar nɨ mɨgei. Jerusalem nɨn gɨrakɨrangɨn, nɨ dɨpova uan dapanim roi.

Aisaia 4:4

Ekiam Jerusalemɨn nguibam damightɨ, a ua deragh zueghasa. A uan gavgavir ekiamɨn, avimɨn mɨn izɨ gumazamizibar araziba tuisɨgh, egh Saionɨn amizibar arazir mɨzɨrɨziba bar da ruva da gɨn amadagham. Egh uaghan Jerusalemɨn gumaziba, gumazir igharaziba mɨsozi men ghuziba irezir araziba ruegham. Dughiar kamɨn Jerusalem zuegh gɨvagham.

Onger Akaba 9:14

Kamaghɨn amizɨ, nɨ na gamizir biziba, kɨ bar dagh eghan nɨn ziam fam. Nɨ ua na inizir bizim bagh, kɨ Saionɨn nguibamɨn tiar akamɨn tughɨv ikɨ, bar akuegh an gun mɨkɨmam.

Jopɨn Akɨnafarim 27:18

Gumazir kurar kaba dɨpenir aghuibar ingari, ezɨ dɨpenir kaba, dughiar ruarimɨn ikeghan kogham. Da mati boghoborir dɨpeniba ko averpenir azenibar itim. Da zuamɨra dɨpɨrighiregham.

Jeremaia 4:17

Kɨ Ikiavɨra Itir God, kɨ kamaghɨn mɨgɨa ghaze, Ia Jerusalemia nan akam batoke. Kamaghɨn, apaniba Jerusalem avɨnigham, mati gumaziba dagher azenim dɨvazimɨn mɨn an okari.

Aisaia 1:7

Ian apaniba ian kantri gasɨghasigha gɨvagha, ian nguibabagh apongezɨ da isi. Egha ia garavɨra itima, me ian azenibar ian dagheba isi. Nguibar igharazimɨn gumaziba iza ian kantrin biziba bar dagh asɨghasɨghizɨ, nguazir kɨnim oto.

Aisaia 1:9

Ezɨ Ikiavɨra Itir Godɨn Gavgaviba Bar Itim, en tarazi ataghizir puvatɨzɨ, e itir puvatɨghai. Ezɨ bar guizbangɨra, e bar gevegha gɨvaghai, mati bar fomɨra Sodom ko Gomoran nguibamning, bar ikufi.

Aisaia 49:21

Eghtɨ nɨ kamaghɨn uabɨra uabɨ mɨkɨmam, ‘Tinara borir kaba bar na ganɨngi? Nan boriba ovengezɨ, kɨ ua boriba batan kogham. Apaniba na kalabus darɨghasa na inigha ghu. Tinara borir kaba bategha dar gari da ghuava ekefe? Kɨ fo, kɨ uabɨra iti, ezɨ borir kaba bar managhɨra ize?’ ”

Jeremaia 6:2

Saionɨn nguibar ekiam, mati guivir bar dirir mam, a nguibar ekiar bar aghuim. Ezɨ Ikiavɨra Itir God nguibar ekiar kam bar moghɨrama, a gasɨghasigh anegɨvagham.

Aisaia 29:3

Kɨ nɨn apaniba inigh izɨtɨ, me nɨ ekɨarugham. Egh me nɨ mɨsoghsɨ, nguaziba inigh nɨn dɨvazir gavgavimɨn mɨriamɨn uarigh isɨn darigh dɨvazim bar an okarigham, egh nguazir kam gisɨn dakozibar ingarigh, mɨtivigh nɨ mɨsogham.

Aisaia 30:17

Ian apanibar mɨdorozir gumazir vamɨra izɨ mɨsoghsɨ dɨmtɨ, ian 1,000plan mɨdorozir gumaziba puv aregham. Egh men mɨdorozir gumazir 5plara izɨ ian dɨmtɨ, ia bar moghɨra dɨkavigh nguibar ekiam ategh aregham, eghtɨ gumazitam ua ikian kogham. Eghtɨ ian gumazir ikiavɨra itir varazira bar uarira ikiam, mati me inir avɨzim guasa temer vamɨra mɨghsɨar itimɨn a kuasa.

Aisaia 37:4

Asirian atrivim uan abuir gumazim amadazɨ, a iza dɨbovir akabar en Godɨn Zurara Ikiavɨra Itim mɨkeme. E fo, Ikiavɨra Itir God, an dɨbovir akaba baregha gɨfa, egh gumazir kamaghɨn amizim, God ivezir kuram a danɨngam. Kamaghɨn amizɨ, nɨ en akuragh God ko mɨkɨmtɨ, Ikiavɨra Itir God, e varazira en akuraghtɨ, e ovengan kogham.”