Aisaia 1:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Bulmakauba uan ghuavibagh fo. Ezɨ donkiba men ghuaviba dagheba me ganɨdi me apir danganibagh fo. Ezɨ nan gumazamiziba, Israelia, me kamaghɨn na gɨfozir puvatɨ, kɨ me geghufi. Ezɨ bulmakauba ko donkiba, dar fofozim bar men fofozim gafira.”

Aisaia 1:3 ပူးပေါင်းရင်းမြစ်များ

Jeremaia 8:7

E fo, kuarazir ekiaba ko doziba mɨghegh mangɨ ikegh, ua izamin dughiam me a gɨfo. Ezɨ nan gumazamiziba, me bizir kɨ damuasa mɨkemeziba me dar gɨn zuir puvatɨ.

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Aisaia 44:18

“Gumazamizir kamaghɨn amiba, me bar guizbangɨram ongani. Bizitam ti men damazibagh amizɨ, me damazir okavɨrɨziba ikia bizibar gari puvatɨ. Bizitam ti men nɨghnɨzibagh amizɨ, me ghua bar ongani.

Aisaia 5:12

Ia isabagh amua, wain apava, gitaba ko buabav sogha, marvibagh ivia, ighiar guar avɨribagh ami. Egha ia arazir kaba bar dagh fo. Egha Ikiavɨra Itir God amir biziba, ia fofozim dar itir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 1:28

Me Godɨn guizɨn fofozim suiragh a gɨnɨghnɨghan aghua, kamaghɨn God me ataghizɨ, me uan nɨghnɨzir kurar mɨzɨrɨzibar gɨn ghua arazir bar kurar e damuan koghamibagh amua, nɨghnɨziba bar ikufi.

Onger Akaba 94:8

Ia gumazamizir nɨghnɨzir aghuiba puvatɨziba, ia oregh deragh fogh. Ia bar gumazir onganiba, ia manadɨzoghɨn fofozitam ikiam?

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

2 Pita 3:5

Me bizir kam gɨfogha, a gɨnɨghnɨghan aghua. Fomɨra God mɨkemezɨ overiam ko nguazim oto. Ezɨ God dɨpabav kemezɨ da iraghuezɨ nguazim oto. Ezɨ God dɨpamra nguazimɨn ingari.

Aghuzir Akaba 6:6

Ia gumazir amɨraziba, kɨ kamaghɨn ia mɨkɨmasa. Ia mangɨva sibabar araziba deraghvɨra dar ganigh, egh nɨghnɨzir aghuim inigh.

Jeremaia 10:14

Ezɨ gumazamiziba, me bar onganigha bizitam gɨfozir puvatɨ. Gumazir marvir guaba golɨn dar ingariba, me bizir me ingarizir kaba bagh bar aghumsɨgham. Kar guizɨn godba puvatɨ. Marvir guar kaba, da amɨnir datɨrɨghɨn en ikia angamɨra itir kam puvatɨ.

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Matyu 13:19

Gumazamizir God Bizibagh Ativamin Dughiamɨn akam baragha anebɨzir puvatɨziba, me witɨn ovɨzir tuavim girezibar mɨn ami. Me Godɨn akam barazima, Satan zuamɨra izava me oraghizir akaba me dama, da ini.

Aisaia 5:13

Kamaghɨn amizɨ, Ikiavɨra Itir God ghaze, “Bar guizbangɨra nan gumazamiziba, ia na gɨfoghan aghua, kamaghɨn ian apaniba ia inigh mangɨ nguibar igharazimɨn ia isɨ kalabuziam darɨgham. Ian gumazir aruaba ko gumazamiziba, me dɨpaba ko dagheba puvatɨgham, egh me bar ikuvigham.

Aisaia 56:11

Me afiabar mɨn daghem bagha bar ikufi, egha tong izɨvazir puvatɨ. Me mati sipsipbar garir gumazim uan ingangarim gɨfozir puvatɨ. Me vaghvagha uan ifongiabar gɨntɨsi. Me uarira uarigh nɨghnɨgha bizibagh amua uarira uarir akurvasi.

Esekiel 16:30

“Kɨ Ikiavɨra Itir Godɨn Ekiam, kɨ kamaghɨn mɨgei, Nɨ uan ifongiamɨn gɨn ghua, aghumsɨzir puvatɨgha tuavimɨn amizimɨn mɨn ami. Mati, nɨn navir averiamɨn aven, arɨmariar ekiam an iti.

Daniel 9:11

Ezɨ e Israelia bar nɨn Akar Gavgaviba abigha, nɨn akam barazir puvatɨ. Egha akɨrim ragha nɨn akam gasara. E arazir kuram nɨ gami. Kamaghɨn amizɨ, nɨ en arazir kuraba tuisigha gɨfa. Egha Akar Gavgavir kam nɨ Moses ganɨngizɨ an an osiri. Nɨ ivezir kuram gumazamizir akɨrim ragha nɨn akam gasaraziba me danɨngam. Nɨ ivezir kurar kam e gingegha gɨfa.

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Aghuzir Akaba 28:5

Gumazamizir arazir kurabagh amiba, me arazir aghuiba deragha da tuisɨgha fozir puvatɨ. Ezɨ gumazamizir Ikiavɨra Itir Godɨn gɨn mangasa ifongeziba, me arazir aghuim tuisɨgha bar a gɨfo.

Aisaia 42:20

Bizir bar avɨriba, ia dar ganigha dar akaba baraki. Egha bizir kaba, ia deragha dar gari puvatɨ, egha deragha kuariba arigha, akar kam baraghizir puvatɨ.”

Jeremaia 35:16

Rekapɨn otarim, Jonadapɨn adarasi, deravɨra uan ovavimɨn akabar gɨn zui. Ezɨ ia gumazamiziba nan akamɨn gɨn zuir puvatɨ.

Jeremaia 50:6

“Nan gumazamiziba sipsipbar mɨn ovegha iti. Me geghuvir gumaziba me gamima me tuavir aghuim ataki, egha tintinibar mɨghsɨamɨn arui. Me tintinibar mɨghsɨamɨn arua, egha uan avughsir danganir dɨvazim itim gɨn amada.