Aisaia 1:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ikiavɨra Itir God kamaghɨn mɨgei: “O overiam, nɨ kuarim atɨgh, eghtɨ nguazim, nɨ uaghan oragh. Borir kɨ garima ekeveziba, me datɨrɨghɨn nan akaba batosi.

Aisaia 1:2 ပူးပေါင်းရင်းမြစ်များ

Godɨn Araziba 32:1

“O overiam ko nguazim, gua deragh uan kuarimning atɨgh nan akaba baraghtɨ, kɨ mɨkɨmam.

Godɨn Araziba 30:19

Kɨ datɨrɨghɨn overiam ko nguazimɨn diaghtɨ, aning nan gan egh fogham, kɨ guizbangɨra tuavir kamning ia bagha aning atɨ. Tuavir mamɨn, Ikiavɨra Itir God deragh ia damutɨ ia dughiar ruarimɨn ikɨvɨra ikiam. Eghtɨ tuavir igharazimɨn, God ia gasɨghasigh bar moghɨra ia kuavaremegham. Ia datɨrɨghɨn tuavir manam amɨsɨvam? Ia tuavir aghuimɨn gɨn mangasa kɨ ifonge, eghtɨ ia ko ian ovavir boriba sara angamɨra ikiam.

Maika 1:2

Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.

Godɨn Araziba 4:26

Ia oragh, kɨ datɨrɨghɨn overiam ko nguazimɨn diazɨ, aning orazi kɨ akar gavgavir kamɨn ia mɨgei. Ia Godɨn akam batogh egh deravɨra uari bagh gan. God bar zuamɨra nguazir kamɨn ia batuegham. Ia Jordanɨn Fanemɨn vongɨn nguazir ia datɨrɨghɨn iniamin kam, ia dughiar ruarimɨn an ikeghan kogham. Puvatɨgham. Ia bar moghɨrama arɨmɨghiregham.

Onger Akaba 50:4

An overiam ko nguazimɨn diazɨ, aning izɨ uaghan ikɨ gantɨ, a guizɨn arazimɨn gɨn mangɨ uan gumazamizibar araziba tuisɨgham.

Malakai 1:6

Egha Ikiavɨra Itir Godɨn Gavgaviba Bar Itim kamaghɨn ofa gamir gumazibav gɨa ghaze, “Boriba uan afeziabar apengan ikia men ziaba fe, ezɨ ingangarir gumaziba uan gumazir dapanibar apengan ikia men akabar gɨn zui. Kamaghɨn amizɨ, ia oragh. Kɨ ian afeziam. Ia manmaghɨn amigha nan apengan itir puvatɨ? Kɨ ian gumazir dapanim. Ia manmaghɨra amigha nan akabar gɨn zuir puvatɨ? Ia nan aghuagha akɨrim ragha na gasi. Egha ia kamaghɨn na mɨgɨa ghaze, ‘E manmaghɨra nɨn aghuagha akɨrim ragha nɨ gasi?’

Maika 3:8

Ezɨ ko, Ikiavɨra Itir Godɨn Duam gavgavim na ganɨngi, egha guizɨn arazim damuasa nɨghnɨzim isa na ganɨngi. Egha Israelian arazir kuraba bar dar gun me mɨkɨmasa gavgavim na ganɨngi. Eghtɨ kɨ Jekopɨn ovavir boribar arazir akaba batozimɨn gun me mɨkɨmam.

Amos 3:1

O Israelɨn gumazamiziba, ia oragh! Ikiavɨra Itir God Isipɨn kantrin aven ia inigha azenan ize, ia bar moghɨra deragh an akar a ia gasim baragh.

Esekiel 36:4

Kamaghɨn amizɨ, O Israelɨn mɨghsɨaba, kɨ Ikiavɨra Itir Godɨn Ekiam kamaghɨn ia mɨkɨmasa. Ian mɨghsɨaba ko, daghuriba ko, danganir zariba ko, danganir asɨghasɨghiziba ko nguibar ekiar akaraghiregha biziba bar puvatɨziba, kantrin igharazir Israelɨn boroghɨn itiba, ian biziba okɨava ia dɨpova akar kurabar ia mɨgei.

Jeremaia 22:29

O Israelian nguazim, Israelian nguazim, Israelian nguazim, nɨ Ikiavɨra Itir Godɨn akam baragh!”

Jeremaia 6:19

O nguazim, nɨ oragh! Nan gumazamiziba na gɨnamadagha, Arazir Kɨ Me Ganɨngizibar gɨn zuir puvatɨ. Kamaghɨn, kɨ men arazir kurar kaba ikarvagh, uan gumazamizir kabagh asɨghasɨgham.

Aisaia 65:2

Kɨ zurara dughiabar gumazamizir nan akaba batoziba ua me iniasa me baghavɨra ikia uan dafarim amadagha men azangsɨghavɨra iti. Kar gumazamizir uan arazir kurabar tuavibar gɨn mangasa bar ifongeziba. Me uan ifongiabar gɨntɨsi.

Aisaia 30:9

me gumazamizir bar puvɨram akaba barazir puvatɨziba. Me zurara Ikiavɨra Itir Godɨn akaba batosi, a men Afeziam. Egha me zurara ifarava, an suren akaba baraghan aghua.

Aisaia 30:1

Ikiavɨra Itir God kamaghɨn mɨgei, “Judan adarasi, me nan boriba me bar ikuvigham, me bar orazir puvatɨzir darazi. Me nan nɨghnɨzimɨn gɨntɨzir puvatɨ. Me uan nɨghnɨzibar gɨntɨgha ghua kantrin igharazim ko roroam gami. Egha tuavir kamɨn, me arazir kurar bar avɨrim, uan arazir kurar faragha amizibagh siriabagh arɨsi. Mevzika. Kamaghɨn amizɨ, me bar ikuvigham.

Jeremaia 31:9

Kɨ men aku izamin dughiamɨn, me uan arazir kurar me amiziba gɨn amangɨsɨ, na ko mɨkɨm azi, na ko tuavimɨn izam. Kɨ me inigh men faragh mangɨ dɨpar aghuim itir danganimɨn otogh, men aku tuavir aghuibar mangɨtɨ, me ireghan kogham. Guizbangɨra, kɨ Israelian afeziamɨn mɨn itima, Efraim nan otarir ivariamɨn mɨn iti.

Jeremaia 13:15

Ia Judaba, Ikiavɨra Itir God, ia mɨkemegha gɨfa. Kamaghɨn amizɨ, ia deraghvɨra kuaribar arigh nan akam baragh. Egh ia ifaghatɨ uari fan markɨ.

Godɨn Araziba 1:31

Ia faragha gumazamiziba puvatɨzir danganimɨn itima, Ikiavɨra Itir God, ian God, a ian akuragha ia inigha ia atera izavɨra ikia nguazir ia datɨrɨghɨn itir kamɨn oto. Ezɨ an arazir kam, ia an ganigha gɨfa. A mati afeziam uan borim ghurafazɨ moghɨn, ia gami.’

Onger Akaba 49:1

Ia bar moghɨra bizir kam baragh. Ia nguazir kamɨn itir gumazamiziba, ia bar kuariba arigh deragh nan akam baragh.

Aisaia 31:6

Ia Israelia, ia Ikiavɨra Itir God, deragha a barazir puvatɨgha an akaba batosi. Egh ia uan navibagh iragh uamategh a bagh izɨ.

Aisaia 34:1

Ia nguazir kamɨn itir kantriba bar dar gumazamiziba, ia izɨ. Ia ikɨziba bar izɨ uari akuvagh akar kam baragh. Nguazim ko an itir biziba bar moghɨra, ia uaghan kuariba arigh deraghvɨram oragh.

Aisaia 63:16

O Ikiavɨra Itir God, nɨ bar guizbangɨra en Afeziam. En inazir afeziamning, Abraham ko Jekop, aning ua e ko itir puvatɨ, egha e gɨfozir puvatɨ. Ezɨ nɨrara, nɨ fomɨram en Akurvazir Gumazimɨn ikia, e geghuva deragha en gara iza datɨrɨghɨn tu.

Jeremaia 3:22

Ikiavɨra Itir God kamaghɨn mɨgei: “Ia akɨrim gɨgha Ikiavɨra Itir God gasa zuir boriba, ia uamategh a bagh izɨ. Eghtɨ a ian arazir kuraba batueghtɨ, ia ua ghuamaghegham.” Ezɨ gumazamiziba kamaghɨn an akam ikaragha ghaze, “Nɨ en Ikiavɨra Itir God, en God, kamaghɨn e uamategha nɨ bagha ize.

Esekiel 24:3

Nɨ ikɨzir akaba batozir kam, kɨ me bagha nɨ ganɨdir akar isɨn zuir kam isɨ, me mɨkemegh: “Kɨ Ikiavɨra Itir Godɨn Ekiam, kɨ kamaghɨn me mɨgei, Nɨ mɨnem isɨ avim dafagh, egh dɨpam a gingeghtɨ a izɨfagh.

2 Atriviba 21:22

An akɨrim ragha Ikiavɨra Itir God gasara, an inazir afeziabar God, egha a Ikiavɨra Itir God ifongezir arazibar gɨn zuir puvatɨ.

Maika 1:1

Fomɨra Atrivim Jotam ko, Atrivim Ahas ko, Atrivim Hesekia me vaghvagha Judan gumazamizibagh ativagha men atrivibar ikezir dughiabar, Ikiavɨra Itir God mɨgɨrɨgɨar kam isa Maika ganɨngi, Maika a Moresetɨn nguibamɨn gumazir mam. Ikiavɨra Itir God Samarian nguibar ekiam ko, Jerusalemɨn nguibar ekiamɨn otivamin bizibar gun Maika mɨgei.