Aghuzir Akaba 7:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Nɨ nan akam inigh uan navim datɨghtɨ a ikɨ mamaghɨra ikiam, mati ring zurara nɨn dafarimɨn iti.

Aghuzir Akaba 7:3 ပူးပေါင်းရင်းမြစ်များ

Aghuzir Akaba 3:3

Egh nɨ gumazir igharazibagh ifongezir arazim ko, igharaziba ko poroghav itir arazim ataghɨraghan markɨ. Egh nɨ arazir kamɨn gɨn mangɨtɨ, a mati kurukazir aghuimɨn mɨn nɨn fɨrimɨn ikiam. Egh nɨ deraghvɨra arazir kam isɨ uan navim datɨgh.

Jeremaia 31:33

Kɨ Ikiavɨra Itir God, kɨ kamaghɨn ia mɨgei, Gɨn izamin dughiam otoghtɨ, kɨ Israel ko Akar Dɨkɨrɨzir Gavgavim damightɨ, a kamaghɨn mangam: Kɨ uan araziba men nɨghnɨzibar arɨgh, egh da isɨva men navir averiabar da osiram. Egh kɨ men Godɨn ikɨtɨma me nan gumazamizibar ikiam.

Aisaia 30:8

Ikiavɨra Itir God gumazamizibar damazimɨn, me amir arazibar eghaghanibar akaba, dagɨamɨn da osirigh da aghorasa na mɨkeme. Egh uaghan eghaghanir kam akɨnafarir rɨghizimɨn da osirigh. Eghtɨ mɨgɨrɨgɨar kam zurara ikɨ gumazamizibar akakagh suam,

2 Korin 3:3

Ia bar azenara iti, mati akɨnafarir mam Krais an osirizɨ e a inigha ize. A fɨnfɨnir dɨpamɨn an osirizir puvatɨ. A zurara ikiamin Godɨn Duamɨn an osiri. Egha a dagɨar ekiatam gisɨn an osirizir puvatɨ. A gumazamizibar navir averiabar an osiri.

Aghuzir Akaba 6:21

Nɨ aningɨn akaba inigh uan navim datɨgh, egh zurara dar gɨn mangɨ, eghtɨ da nɨn fɨrimɨn kurukazir aghuimɨn mɨn ikɨvɨra ikiam.

Jeremaia 17:1

Ikiavɨra Itir God kamaghɨn mɨgɨa ghaze, “Judaba, arazir kurar ia amiba kar ian arazir ia zurarama amiba da zurara ian ikɨvɨra ikiam. Mati gumazim tuizimɨn akar oteviba aghorezɨ moghɨn, ia dar uan navir averiar gavgavibar da osirigha, da isa ofa gamir dakozibar 4plan mɨkebabar, bulmakaun komba aghoregha da osiri.

Aghuzir Akaba 7:4

Nɨghnɨzir aghuim, nɨ ko mamaghɨra ikia, mati nɨn buaramizim nɨ ko iti. Fofozim, a mati nɨn roroar aghuim.

Aghuzir Akaba 4:21

Nɨ akar kam deraghvɨram an suiragh. Egh a isɨ uan navim datɨgh.

Aisaia 59:21

Egha Ikiavɨra Itir God kamaghɨn mɨgei, “Kɨ me ko Akar Dɨkɨrɨzir Gavgavim gamigha kamaghɨn mɨgei, ‘Kɨ uan Duam ko uan Akaba ia ganɨngizɨ, da ia ko iti. Akar kaba, ia ko ikɨvɨra ikɨtɨ, ia dar gun mɨkɨmam. Eghtɨ gɨn ian boriba ko ian ovavir boriba, me uaghan zurara nan akam akunam. Nan Akar Dɨkɨrɨzir Gavgavir kam zurara ikɨ mamaghɨra ikiam.’ Kɨ Ikiavɨra Itir God, kar nan akamra!”