Aghuzir Akaba 2:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egh nɨ nɨghnɨzir aghuim ko fofozir aghuim bagh azangsɨghtɨ aning nɨ bagh izam, mati nɨ uabɨn akurvaghasa gumazir mamɨn dei.

Aghuzir Akaba 2:3 ပူးပေါင်းရင်းမြစ်များ

Jems 1:5

Ezɨ ian tav nɨghnɨzir aghuibar otevegh, a Godɨn azangsɨghtɨma, God a danɨngam. God pura biziba gumazamiziba bar me ganɨdi, an atarir puvatɨ. Kar Godɨn bizibar anogorozir puvatɨzim, me an azangsɨzima a me danɨngasa bar ifonge.

Aghuzir Akaba 3:6

Bizir nɨ bar amiba, nɨ Ikiavɨra Itir Godra nɨghnɨgh egh dar amu, eghtɨ a tuavir aghuir nɨ mangamimra nɨn akagham.

Onger Akaba 119:169

O, Ikiavɨra Itir God, nɨ nan azangsɨzim baragh nan akuragh. Nɨ faragha mɨkemezɨ moghɨn, nan akuragh fofozir aghuim na danɨngigh.

Onger Akaba 119:125

Kɨ nɨn ingangarir gumazim, kamaghɨn nɨ nɨghnɨzir aghuim na danightɨ, kɨ nɨn akabagh fogham.

Luk Osirizir Akar Aghuim 11:13

Ia afeziar arazir kurabagh amiba, egha ia zurara bizir bar aghuiba uan boribagh anɨdi. Ia deraghvɨra kamaghɨn fogh, guizbangɨra ian Afeziar uan Nguibamɨn itim bar akueghvɨra uan Duam isɨ gumazir a ko mɨgeibar anɨngam.”

Onger Akaba 119:73

Nɨ uabɨ nan ingarigha deragha nan gari. Nɨ datɨrɨghɨn nɨghnɨzir aghuiba na danɨng, uan Akar Gavgavibar nan sure damu.

Onger Akaba 119:34

Nɨ uan Arazibar mɨngaribar amightɨ da azenara ikɨtɨ, kɨ bar moghɨra uan navimɨn dar gɨn mangam.

1 Eghaghaniba 22:12

Ikiavɨra Itir God fofozir aghuim ko nɨghnɨzir aghuim nɨ danɨngasa kɨ ifonge, egh a nɨ amɨseveghtɨ nɨ Israelian atrivimɨn otoghamin dughiamɨn, nɨ deravɨra Ikiavɨra Itir God, en God, an Arazibar gɨn mangɨ.

Aghuzir Akaba 8:17

Ezɨ gumazamizir manaba gavgavigha na buri, me nan ganam. Ezɨ gumazamizir manaba na gifonge, kɨ uaghan bar me gifuegham.

Aghuzir Akaba 2:2

Egh nɨghnɨzir aghuim anɨdir akaba baragh. Egh nɨ fofozir aghuim inisɨ pamten ingar.

Aghuzir Akaba 2:4

Egh nɨ nɨghnɨzir aghuim bativsɨ pamtemɨn ingar, mati gumazim silvan nguazimɨn aven itim a buri, egha mati gumazim bizir aghuir mongeziba, a da buri.

Aghuzir Akaba 4:1

Nan boriba, kɨ ian afeziam, ia bar deraghvɨra nan aghuzir akam baragh, egh ia mɨngariba izɨvazir akaba, deraghvɨra dagh fogham.