2 Timoti 4:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ E fo, dughiam izɨtɨma, gumazamiziba ua guizɨn akam baraghsɨ ifueghan kogham. Men kuariba akar igharaziba baraghsɨ bar ikuvigham. Egh me uari bagh tisan avɨriba inightɨ, me akar me oraghasa ifongezibar men sure damuam.

Godɨn Akar Aghuim; Akar Dɨkɨrɨzir Gavgavir Igiam

³ E fo, dughiam izɨtɨma, gumazamiziba ua guizɨn akam baraghsɨ ifueghan kogham. Men kuariba akar igharaziba baraghsɨ bar ikuvigham. Egh me uari bagh tisan avɨriba inightɨ, me akar me oraghasa ifongezibar men sure damuam.

2 Timoti 4:3 ပူးပေါင်းရင်းမြစ်များ

1 Timoti 1:10

ko arazir mɨzɨrɨzibagh amiba, ko gumazir uarira uari isava akuiba, ko gumazir gumazamiziba okɨava me gamima me pura ingangarir gumazamizibar otiviba, ko gumazamizir ifariba, ko gumazamizir kotɨn aven ifariba, merara God me bagha uan Araziba anɨngi. Egha uaghan gumazamizir Godɨn guizɨn akamɨn apaniba, God me bagha uan Araziba anɨngi.

Galesia 4:16

Manmaghɨn ami? Kɨ guizbangɨra akam ia mɨkɨni, egha kamaghɨn kɨ ti ian apanim gava?

Jeremaia 5:31

Kɨ garima, akam inigha izir gumaziba, uari uan akaba akuri, egha gumazamizibagh ifari. Ezɨ ofa gamir gumaziba, gumazamizibagh ativagha akam inigha izir gumazibar akar ifavarir kabar gɨn zui. Ezɨ nan gumazamiziba arazir kam bar a gifonge. Kɨ mɨzazir kuram ia gaseghtɨ ian arazir kurar kam gɨvagham. Eghtɨ dughiar kamɨn men tinara ian akuragham?”

Luk Osirizir Akar Aghuim 6:26

Gumazamiziba mɨgɨrɨgɨar aghuibar ia damutɨ, ia bar ikuvigham. Fomɨra men inaziba akam inigha izir gumazir ifariba mɨgɨrɨgɨar aghuiba me gami. Kamaghɨra, gumazamiziba me bar mɨgɨrɨgɨar aghuiba ia damutɨ, ia bar ikuvigham.”

Maika 2:11

Eghtɨ akam akurir gumazitam ti gumazir kurar kaba bagh izɨ, wainɨn dɨpar onganiba ko dɨpar onganir igharazibar akar ifavaribar mɨkɨm suam, “Kɨ guizɨn kamaghɨn mɨgei, ia wain ko dɨpar onganir avɨriba ikiam,” gumazir kurar kaba, ti gumazir akam inigha izir kam bar a gifuegham.

Jon Osirizir Akar Aghuim 8:45

Ezɨ ko, kɨ guizɨn akam akuri, ezɨ ia nan akam nɨghnɨzir gavgavim an itir puvatɨ.

1 Atriviba 18:22

Ezɨ Elaija me mɨgɨa ghaze, “Ikiavɨra Itir Godɨn akam inigha izir gumazitam ua itir puvatɨ. Kɨ uabɨra iti. Ezɨ asem Balɨn akam inigha izir gumazir 450pla iti.

1 Korin 2:1

Nan adarasi, kɨ ia bagha izezir dughiamɨn, kɨ Godɨn akar mogomemɨn ia mɨgɨa, fofozir gumazamizibar mɨn akar ekiar guar avɨritabar ia mɨkemezir puvatɨ.

Aposel 17:21

(Atensɨn gumaziba ko Atensɨn azenan itir gumazir izeziba, me zurara pura ikiava nɨghnɨzir igiar otivir kabara mɨgei.)

Jeremaia 29:8

Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra ia mɨgei, ia akam inigha izir ifavarir gumaziba ko kukunir gumaziba, ia me ateghtɨ me ia gifaran markɨ. Egha ia garir irebar aghuiba, gumazir dar mɨngariba abɨgha ia mɨgeiba, ia me baraghan markɨ.

Aisaia 28:12

God uabɨ uan gumazamiziba nguazir otevir kamɨn me arɨki, egha kamaghɨn me mɨkeme, “Ia danganir kamɨn avughsɨ navir amɨrizim inigh ikɨ. Ia gumazamizir osɨmtɨziba aterava amɨraziba, ia nguazir kamɨn avughsɨ nɨmɨra ikɨ.” Ezɨ me an akam baraghan aghua.

Jeremaia 27:9

Kamaghɨn amizɨ, ia atriviba, ian akam inigha izir gumaziba ko, ian kukunir gumaziba ko, ian irebabar mɨngaribar gun mɨgeiba ko, ian imezibagh amir gumaziba ko, ian akavsiabagh amir gumaziba, ia kuaribar arigh me baraghan markɨ. Gumazir kaba ghaze, ia Babilonɨn atrivimɨn apengan ikian kogham.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

1 Korin 2:4

Ezɨ akar kɨ mɨkemezim ko Akar Aghuir kɨ kunizim, kɨ nguazir kamɨn itir fofozim o nɨghnɨzibagh etuir akam, ia mɨkemezir pu. Puvatɨ. God uan Duamɨn gavgavim, ian akazɨ, ia fo, kɨ mɨgeir akaba da guizbangɨra.

Luk Osirizir Akar Aghuim 20:19

Ezɨ Judan Arazibagh fozir gumaziba, ko ofa gamir gumazir ekiaba, me bar kaghɨra Iesusɨn suighasa tuaviba buri. Me fo, an akar isɨn zuir kam me gasara, ezɨ me an suighan gumazamizibar atiati.

1 Atriviba 22:18

Ezɨ Israelian Atrivim Ahap kamaghɨn oregha Atrivim Jehosafat mɨgɨa ghaze, “Nɨ ge, kɨ nɨ mɨkemegha gɨfa. Akam inigha izir gumazir kam bizir aghuitamɨn gun na mɨgeir puvatɨ. A zurara bizir kurar na bativamibara gun na mɨgei.”

1 Atriviba 22:8

Ezɨ Ahap a ikaragha ghaze, “Akam inigha izir gumazir igharazir mam iti, an ziam Mikaia, a Imlan otarim. A dughiatamɨn, Godɨn akam baragha, akar aghuitamɨn na mɨgeir puvatɨ. Dughiaba bar, a na gasɨghasɨghamin akar kuram na ganɨdi. Kamaghɨn amizɨ, kɨ gumazir kam bar an aghua.” Ezɨ Jehosafat ghaze, “Nɨ mamaghɨn mɨkɨman markɨ.”

Ua Me Ini 32:33

Ezɨ Ikiavɨra Itir God kamaghɨn Moses mɨgei, “Puvatɨgham. Kɨ gumazamizir arazir kuram gamizibara, men ziaba angaram.

Aisaia 30:10

Egha me kamaghɨn Godɨn ganganir gumaziba ko an irebamɨn mɨn garir bizibar garir gumazibav gei, “Ia ua irebamɨn mɨn garir bizibar ganan markɨ. Egh ia uan akabar kumigh. Ia uam arazir aghuiba ko arazir zuezibar gɨn mangɨsɨ e mɨkɨman markɨ. E oraghasa ifongezir akar e apezeperibaram e mɨkɨm, kar bizir aghuir otivan koghamiba.

2 Timoti 1:13

Nɨ guizɨn akar kɨ nɨ ganɨngizir kabagh nɨghnɨghvɨra ikɨ, egh nɨ arazir kamra gun mɨkɨmɨva gumazamizibar sure damu. Egh nɨ Krais Iesus ko porogh ikɨ, bar nɨghnɨzir gavgavim an ikɨvɨra ikɨ, bar uan navim isɨ igharaz darazir anɨngɨva me gifongegh. Arazir kamɨn, nɨ an gun me mɨkɨm.

Jut Osirizir Akɨnafarim 1:18

Me kamaghɨn ia mɨgɨa ghaze, “Dughiar abuananabar, gumazamizir dɨbovibagh amiba otivam, egh me Godɨn Arazibar aghuaghɨva uan inivafɨziba ifongezir arazibar gɨn mangam.”