2 Samuel 7:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² O Ikiavɨra Itir God, en Ekiam, nɨn gavgavim bar ekevezɨ, tav ua nɨn mɨn itir puvatɨ. E uan inazibar akatoribar oraghizɨ moghɨn, nɨ uabɨra bar guizɨn God.

2 Samuel 7:22 ပူးပေါင်းရင်းမြစ်များ

Onger Akaba 86:10

Nɨ bar uabɨra mirakelɨn bar aghuibagh ami, Nɨ uabɨra God.

Onger Akaba 86:8

O Ekiam, nɨ iti moghɨn ua godɨn tam itir puvatɨ. Tav nɨ ingari moghɨn ingari puvatɨ.

Ua Me Ini 15:11

O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ. Nɨ atrivir ekiam, egha arazir aghuibaram ami. Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ. Nɨrara dɨgavir kuram gamir arazibagh ami, egha ingangarir ekiabagh ami.

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

1 Eghaghaniba 16:25

Ikiavɨra Itir God a bar faraghavɨra ikia bar gavgafi. Ezɨ e an ziam fɨ mangɨvɨra ikiam. Aseba bar, me Ikiavɨra Itir Godɨn mɨn itir puvatɨ. E an apengara ikɨva an atiatingam.

Aisaia 45:5

Kɨ uabɨra, kɨ Ikiavɨra Itir God, ezɨ ua godɨn igharazir tam itir puvatɨ. Kɨ uabɨra iti, ezɨ ua godba bar puvatɨ. Nɨ na gɨfozir puvatɨ, ezɨ kɨrara kɨ gavgavim nɨ ganɨdi.

Godɨn Araziba 3:24

‘O Ikiavɨra Itir God, nan Ekiam, kɨ fo, nɨ bizir ekiar nɨ damuamiba, nɨ dar otevir muziariba nan akakasi, kɨ nɨn ingangarir gumazim. Ua godɨn igharazitam overiam ko nguazimɨn itir puvatɨ, egh a bizir ekiar nɨ amigha gɨvazir kabar amuan kogham.

1 Samuel 2:2

O Ikiavɨra Itir God, tav nɨn mɨn, bar zuezir puvatɨ. Egha godɨn igharazitam nɨn mɨn itir pu. Bar puvatɨ. Nɨ bar dagh afira. Nɨ uabɨra, dagɨar ekiamɨn mɨn gavgavim ikia e moga en akurvagha e geghufi.

Onger Akaba 89:8

O Ikiavɨra Itir Godɨn Gavgaviba Bar Itim. Gumazitam bar gavgavigha nɨn mɨn itir puvatɨ. O Ikiavɨra Itir God, nɨ zurara deraghavɨra e gami, egha dughiatamɨn e ataghɨrazir puvatɨ.

Onger Akaba 89:6

O Ikiavɨra Itir God, nɨn Nguibamɨn aven, tav nɨn mɨn itir puvatɨ. Nɨn nguibamɨn enseltam nɨ ko magh ghuzir puvatɨ.

Onger Akaba 96:4

Ikiavɨra Itir God a bar faraghavɨra ikia bar gavgafi. Ezɨ e an ziam fɨ mangɨvɨra ikiam. Aseba bar, me Ikiavɨra Itir Godɨn mɨn itir puvatɨ. E an apengara ikɨva an atiatingam.

Godɨn Araziba 4:35

Ikiavɨra Itir God, ian God, bizir kaba ian akakasi, eghtɨ ia fogh suam, a uabɨra God. Ezɨ ua godɨn igharazitam itir puvatɨ. Bar puvatɨ.

Aisaia 40:18

Kamaghɨn amizɨ, tinara Godɨn mɨn gari? Guizbangɨra, bizitam a ko magh garir puvatɨ.

Onger Akaba 48:1

Ikiavɨra Itir God, ziar ekiam iti. E Godɨn mɨghsɨamɨn ghuavanang, egh an nguibar ekiamɨn aven mangɨ an ziar ekiam pɨrafam.

Onger Akaba 135:5

Kɨ kamaghɨn fo, Ikiavɨra Itir God gavgavir ekiam iti, egha aseba bar dagh afira.

Onger Akaba 44:1

O God, e uan kuarir toribar orazi, en inazir afeziaba bizir ekiar nɨ men dughiamɨn fomɨra me bagha amizibar e geghani.

Esekiel 36:22

“Kamaghɨn amizɨ, nɨ akar kam Israelɨn ikɨzim danɨngigh: Kɨ Ikiavɨra Itir Godɨn Ekiam, kɨ kamaghɨn ia mɨgɨa ghaze: Ia kantribar gumazamizir igharazibar tongɨn itima, me ian gara nan ziar bar zuezim dɨpova a gasɨghasɨgha ghaze, a pura ziar kɨnim. Bizir gavgavir kɨ damuamin kaba, ia Israelɨn ikɨzim, kɨ ia gɨnɨghnɨgha dagh amir pu. Bar puvatɨ. Kɨ uan ziar ekiam baghavɨra nɨghnɨgha dar amuasa.

Aisaia 45:22

“Ia nguazir kamɨn saghon itir danganibar gumazamiziba, ia bar na bagh izɨ. Kɨrara kɨ God, ezɨ godɨn tam ua itir puvatɨ. Kamaghɨn amizɨ, ia na bagh izɨtɨ, kɨ ian akurvaghtɨ, ia deravɨra ikiam.

Aisaia 45:18

Ikiavɨra Itir God, anarɨra God. A nguazim ko overiamɨn ingarizɨ, aning gavgavighavɨra iti. Nguazim pura ikiasa God an ingarizir puvatɨ. Biziba ko gumazamiziba bar moghɨra nguazimɨn ikiasa, an an ingari. Egha a ghaze, “Kɨrara, kɨ Ikiavɨra Itir God, ezɨ ua godɨn tam ua itir puvatɨ.

Aisaia 40:25

Ezɨ Godɨn Bar Zuezim azaragha ghaze, “Tinara nan mɨn gari? Guizbangɨra, gumazitam na ko magh gari puvatɨ.”

2 Eghaghaniba 2:5

“En God gavgavir bar ekiam ikiava godɨn igharaziba bar dagh afira. Kamaghɨn, kɨ bar Dɨpenir ekiamra ingaram.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Esekiel 36:32

“O Israelɨn ikɨzim, ia kamaghɨn fogh, kɨ ian akurvaghasa arazir kabagh amir pu. Puvatɨ, kɨ uan ziar ekiam gɨnɨghnɨgha dagh ami. Kɨ kamaghsua, kɨ arazir kabar amutɨ, ia uan arazir kurabagh nɨghnɨgh bar osemegh aghumsɨgham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Ua Me Ini 10:2

Kɨ kamaghɨn ifonge, ia gɨn uan boriba ko igiar boriba, me mɨkɨm suam, kɨ dɨgavir kuram gamir arazarazir kabagh amigha, tuavir kamɨn kɨ Isipia gamizɨma, me bar onganigha aghumsɨki. Kɨ kamaghɨn damightɨ, ia bar fogh suam, kɨ uabɨ kɨ Ikiavɨra Itir God.”

Ua Me Ini 8:10

Ezɨ atrivim ghaze, “Nɨ gurumɨn na bagh God ko mɨkɨmam.” Ezɨ Moses a mɨgei, “Nɨ nan azarazɨ moghɨn, kɨ damuam. Eghtɨ nɨ fogh suam, godɨn tam Ikiavɨra Itir God, en Godɨn mɨn itir puvatɨ.

Ua Me Ini 9:14

Puvatɨghtɨ nɨrara, kɨ datɨrɨghɨn ivezir kuram nɨ danɨng, egh nɨn ingangarir gumaziba ko nɨn gumazamiziba uaghan me damuam. Eghtɨ nɨ fogh suam, nguaziba bar nan mɨn godɨn tam o gumazitam ua itir puvatɨ.

1 Atriviba 8:23

Egha a kamaghɨn God ko mɨgei, “O Ikiavɨra Itir God, Israelian God, godɨn tam nɨn mɨn overiam ko nguazimɨn itir puvatɨ. Nɨ zurara, uan Akar Dɨkɨrɨzir Gavgavir kamɨn gɨn ghua, uan ingangarir gumazamizir uan navir averiabar aven nɨ baghavɨra itiba, apangkuvir ekiam men ikiavɨra iti.

Daniel 2:45

Nɨ dagɨamɨn gari, a uabɨ mɨghsɨamɨn pura kuiaghirɨ, gumazitam a poghezir puvatɨ. Dagɨar kam ira, marvir guar me ain ko bras ko nguazim ko silva ko golɨn ingarizim a mɨsoghezɨ, a bar mɨsaraghire. Dagɨar kam, a God gumazamizibagh ativaghamin dughiamɨn ababanim. “Godɨn ziar ekiam itim, a bizir gɨn otivamiba nɨn aka. Guizbangɨra, bizir nɨ irebamɨn ganiziba, da kɨ nɨ mɨkemezɨ moghɨram otivam.”

Ua Me Ini 8:6

Ezɨ Aron uan agharim isa anemadagha dɨpabagh isɨn a ghufezɨ, mɨtiviba azenan iza nguazim gizɨfa.

Godɨn Araziba 4:39

Ezɨ datɨrɨghɨn ia bizir kam gɨnɨghnɨgh mamaghɨra ikɨ. Ikiavɨra Itir God, an overiam ko nguazimɨn God. Ezɨ ua godɨn igharazitam ua itir pu. Bar puvatɨ.

2 Samuel 22:32

Ikiavɨra Itir God, a bar uabɨra guizbangɨra God. A bar uabɨra dagɨar ekiamɨn mɨn ikia e apasa.