2 Samuel 7:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

^10-11 Kɨ uan gumazamiziba Israelia bagha nguazir mam amɨsefe. Kɨ an me arightɨ, me uan nguibamɨn mɨn deraghvɨra a dapiagh ikɨva uam atiatingan kogham. Eghtɨ gumazir kuraba fomɨra me gamizɨ moghɨn, ua me damuan kogham. Ian ovaviba fomɨra nguazir kam inizir dughiamɨn ikegha, iza kɨ ia bagha mɨsevezir gumazir dapanibar dughiamɨn, ian apaniba ia gasɨghasɨghavɨra iti. Ezɨ datɨrɨghɨn kɨ apanibar tuaviba apɨrightɨ, me ua me gasɨghasɨghan kogham. Kɨ nɨn adarazi ateghtɨ, me ikɨva nɨ bagh ovavir boriba batam.

2 Samuel 7:10 ပူးပေါင်းရင်းမြစ်များ

Amos 9:15

Kɨ uan gumazamizibar amamangatɨghtɨ, me nguazir kɨ me ganɨngizir kam deragh a dapiagh ikiam. Eghtɨ gumazitam uam me batueghan kogham. Kɨ Ikiavɨra Itir God, ian God, kɨ mɨkemegha gɨfa.”

1 Eghaghaniba 17:9

Kɨ uan gumazamiziba Israelia bagha nguazir mam amɨsefe. Kɨ an me arightɨ, me uan nguibamɨn mɨn deraghvɨra a dapiagh ikɨva uam atiatingan kogham. Eghtɨ gumazir kuraba fomɨra me gamizɨ moghɨn, ua me damuan kogham. Ian ovaviba fomɨra nguazir kam inizir dughiamɨn ikegha izi, kɨ ia bagha mɨsevezir gumazir dapanibar dughiamɨn, ian apaniba ia gasɨghasɨghavɨra iti. Ezɨ datɨrɨghɨn kɨ apanibar tuaviba apɨrightɨ, me ua me gasɨghasɨghan kogham. Kɨ nɨn adarazi ateghtɨ, me ikɨva nɨ bagh ovavir boriba batam.

Jeremaia 24:6

Ezɨ kɨ bar deraghvɨra men ganɨva, deraghvɨra me geghuvam. Egh ua me inigh nguazir kamɨn izam. Kɨ gavgavim me danɨng me abɨnan kogham. Kɨ me akaragh me asian kogham.

Aisaia 60:18

Egh nguazir kamɨn ruaghatevir nɨ gariba, gumazamiziba ua tintinibar uariv soghan koghtɨ, nɨ bizir asɨghasɨzir nɨgɨnitam bareghan kogham. Eghtɨ nɨn dɨvazir gavgavimɨn ziam kamaghɨn ikiam, ‘Ekiam Gumazamizibar Akurvasi.’ Eghtɨ nɨn dɨvazir gavgavimɨn tiar akar ekiamɨn ziam kamaghɨn ikiam, ‘E Ekiamɨn Ziam Fam.’

Esekiel 28:24

“Kɨ Ikiavɨra Itir God, kɨ kamaghɨn mɨgei: Israelɨn ikɨzimɨn boroghɨn itir kantrin igharaziba, men apanim gamua dɨbovir akar kurabar me mɨgei, mati benir atariba ko dɨkoniba gumazimɨn mɨkarzim mɨtifi. Egh me gɨn uam arazir kam damuan kogham. Eghtɨ dughiar kamɨn, Israelia deragh na gɨfogh suam, kɨ Ikiavɨra Itir Godɨn Ekiam.

Onger Akaba 80:8

Nɨ uan gumazamiziba wainɨn ikarɨzimɨn mɨn Isipɨn me asigha me inigha ize. Nɨ Kantrin Igharazibar Gumazamiziba batuegha, men nguazibar uan gumazamiziba, wainɨn ikarɨzimɨn mɨn me arke.

Jeremaia 18:9

Egha dughiar mabar kɨ kantrin maba gavgavim me danɨng, men akurvaghtɨ me deravɨra ikiasa mɨgei.

Akar Mogomem 21:4

Egh a men damazir teriba vaghvagh da adizam. Bizir faragha itir kurar kabanang, da bar gɨvagham. Eghtɨ gumazamiziba uam ovengan kogham, egh me ua naviba osɨmɨva egh uam azian kogham, egh ua mɨzaziba inian kogham.”

Hosea 2:18

“Dughiar kamɨn, kɨ asɨzir atiaba ko, kuruziba ko, kuaraziba koma akar dɨkɨrɨzir gavgavim damigham. Eghtɨ da nan gumazamizibagh asɨghasɨghan kogham. Egh mɨdorozim gamir biziba, mati barir piba ko, afuziba, kɨ bar ada apɨrarigham. Eghtɨ nan gumazamiziba navir amɨrizimɨn ikɨ nguazir kamɨn ikiam, egh uam atiatingan kogham.

Ua Me Ini 15:17

O Ikiavɨra Itir God, nɨ en aku mangɨtɨ, e nɨn mɨghsɨamɨn deraghvɨra dapiagham. O Ekiam, danganir kamɨn, nɨ uabɨ uan dɨpenimɨn ingaram. Dɨpenir nɨ itir kamɨn, gumazamiziba izɨ nɨn ziam fam.

Aisaia 5:7

Ikiavɨra Itir Godɨn Gavgaviba Bar Itimɨn wainɨn azenim, a Israelian gumazamiziba. Bar guizbangɨra, Judan gumazamiziba, an oparizir wainɨn agharir aghuir a bar ifongeziba. Me guizɨn arazir aghuibara damu ikiasa a ifonge, ezɨ puvatɨ. Me gumazibav sozi me ariaghiri. Me arazir aghuibar igharaz darazir amuasa a ifonge, ezɨ puvatɨ. Ararer kuram men danganibar otiva ghuavɨra iti.

Aisaia 5:2

A nguazim abɨagharigha, dagɨaba amɨsevegha, wainɨn ikarɨzir agharir bar aghuiba amɨsevegha da isa da opari. Egha wainɨn azenir kamɨn torimɨn, a dɨpenir bar pɨn itimɨn ingari, an an aven ikɨva wainɨn azenimɨn ganam. A dɨpenir kamɨn aven, wainɨn ovɨziba dɨkɨ da rɨghɨrɨghasa, dagɨar mozir mam gɨkui. Ingangariba bar gɨvazɨma, a datɨrɨghɨn wainɨn ovɨzibar ganasa mɨzua ghaze, “Da ti deravɨram otivightɨ dar daghem isɨngigham.” Ezɨ puvatɨ. Ikarɨziba deragha ber puvatɨgha, ovɨziba bar suvigha akam mɨsosi.

Onger Akaba 44:4

Nɨ nan atrivim ko nan God. Nɨ Akar Gavgavim anɨngizɨma, Jekopɨn adarazi uan apanibav sogha me abɨri.

Gumazir Dapaniba 4:3

Atrivim Jabin, ainɨn mɨdorozir karisɨn 900pla iti. A bar pazavɨra Israelia gamuava, tintinibar me mɨsogha me gasɨghasɨgha ghua 20plan azenibar tu. Kamaghɨn amizɨ, Israelia uarir akurvaghasa Ikiavɨra Itir God bagha arai.

1 Samuel 13:17

Filistiabar mɨdorozir gumaziba 3plan okoruabar uarir tuiragha ghua Israelia ko mɨsosi. Okoruar mam notɨn amadaghan Sualɨn Distrighɨn aven, Ofran nguibar ekiamɨn ghu.

Ua Me Ini 1:22

Ezɨ gɨn atrivim kamaghɨn Isipɨn gumazamiziba bar me mɨgei, “Ia Hibrun otarir iririviba isɨ, Nailɨn Fanemɨn me akunigh. Egh guivir iririviba ateghtɨ, me ikɨ.”

2 Atriviba 21:8

Egh ia nan gumazamiziba, nan Akar Gavgaviba ko nan Arazir nan ingangarir gumazim, Moses, ia ganɨngiziba bar adar gɨn mangɨtɨ, nguazir kɨ fomɨra ian inazir afeziabagh anɨngizɨ ia datɨrɨghɨn apiaghav itir kam, kɨ ia batueghan kogham.”

2 Eghaghaniba 33:8

Ia nan gumazamiziba, kɨ mɨkemezɨ moghɨn, ia nan Arazir nan ingangarir gumazim, Moses, ia ganɨngiziba ko, arazir kɨ ifongeziba ko, bizir kɨ damuasa ia mɨkemeziba, ia bar dar gɨn mangɨtɨ, nguazir kɨ fomɨra ian inazir afeziabagh anɨngizɨ, ia datɨrɨghɨn apiaghav itim, kɨ an ia batueghan kogham.”

Onger Akaba 44:2

Nɨ uabɨ uan gavgavimɨn ikɨzir igharazibar gumazamizibar nguazimɨn me batuegha, uan gumazamiziba isa nguazir kamɨn me arɨghizɨ me gavgavigha iti. Nɨ ivezir kuram isa Kantrin Igharazibar Gumazamizibagh anɨngi. Egha en inazir afeziabagh amizɨ, me deravɨra ikia borir bar avɨriba bate.

Onger Akaba 80:9

Nɨ wainɨn ikarɨzir kam bagha nguazim azenegha anekara. Ezɨ an aghua an biba bar nguazim giraghuzɨ, an aghua ghua bar uabɨ aroke.

Aisaia 60:21

Nɨn gumazamiziba bar moghɨra arazir aghuibara damu, egh kɨ me bagha mɨsevezir nguazim me a inigh, a dapiagh zurara ikiam. Guizbangɨra, nan dafarimɨn, kɨ men ingarigha me gamizɨ me ikɨzir vamɨran gumazamizibar otogha, mati kɨ temer ovɨziba oparizɨ, da biar avɨriba otifi. Kɨ kamaghsua, kɨ kamaghɨn damightɨ, ikɨzir igharazibar gumazamiziba ganɨva, ziar ekiam na danɨngam.